A inminente chegada da 'Derradeira lección do mestre'
A derradeira lección do mestre está a piques de chegar por vez primeira a Galiza. O impoñente óleo de Castelao -máis de dous metros de altura, baseado nunha das estampas do álbum Galicia Mártir- exporase na Cidade da Cultura de Compostela entre o 5 de outubro e o 3 de marzo de 2019.
Castelao, desterrado; por Xoán Costa
Por decisión política, camuflada baixo un traslado administrativo forzoso, Castelao estivo desterrado en Badaxoz desde fins de 1934.
Luís Seoane, a figura distinguida co Día das Artes Galegas 2019
Como escritor —nomeadamente poeta—foi honrado co Día das Letras Galegas 1994. Agora vaino ser como pintor e gravador co Día das Artes Galegas 2019, após o acordo adoptado por unanimidade polo plenario do Academia Galega das Belas Artes, realizado no edificio Fonseca, en Compostela.
Cándido Pazó leva o seu Castelao á Casa Manuel María
Que comerá o rei? é a particular ollada do contacontos, dramaturgo e actor Cándido Pazó (Vigo, 1960) sobre a obra de Castelao. Este sábado, 5 de maio, ás 20.30 horas, verase na Casa-Museo Manuel María, en Outeiro de Rei.
A derradeira lección do brigadista
Nove estampas de Castelao figuran no pequeno libro homenaxe que se publicou en California en 1939 na memoria do correspondente e membro das brigadas internacionais James Phillips Lardner, caído no Ebro en 1938. Sinaturas como a de Ernest Hemingway ou Ring Lander Jr figuran neste obra, da que se editaron só 500 exemplares. Deles, só un, e temporalmente, está en Galiza.
Na Galiza, os vellos namoran máis tarde [por Xoán Costa]
Os vellos non deben de namorarse estreouse en Buenos Aires o catorce de agosto de 1941. Castelao dirixiu a posta en escena da obra, non sen antes vencer algunhas presións para a obra ser estreada en español.
Castelao no Hollywood antifascista
No verán de 1939 o rianxeiro reuniuse en Los Ángeles cos actores Paul Muni e Joan Crawford, estrelas do cinema comprometidas na loita antifascista e a favor da causa da República española. Unha xuntanza a encadrar na intensa actividade que desenvolveu nos Estados Unidos, co compromiso galeguista e contra o franquismo como guía.
A Xunta pecha o acordo para expor en Galiza 'A derradeira lección do mestre'
Un acto en que interviron as cabezas visíbeis da cultura institucional galega serviulle á Xunta para pechar, na mañá desta sexta feira, o acordo co Centro Galicia de Bos Aires grazas ao que se exporá, por primeira vez en Galiza, A derradeira lección do mestre de Castelao.
Reestrea do documentario ficcionado 'Castelao: de chumbo a verba'
Castelao: de chumbo a verba narra a historia dun alumno a facer un traballo sobre Castelao. Con forma de documentario ficcionado, achégase á vida do intelectual e líder do Partido Galeguista e facilita o acceso ao seu pensamento e obra. Esta sexta feira, 25 de xaneiro, proxectarase ás 20.30 horas no Teatro Principal de Pontevedra.
As 50 estampas orixinais de 'Nós' veranse no Museo de Pontevedra
Os 50 debuxos orixinais do álbum Nós, realizados por Castelao entre 1916 e 1918 e publicados en libro en 1931, veranse no Museo de Pontevedra, institución á que foron cedidos por un período de cinco anos. Ate agora só en parte se atopaban a disposición do público. Unha reforma das salas 1 e 2 do Sexto Edificio do museo permitirao.
Biografía dun lenzo
A pintura como medio de comunicación, axitación e propaganda. Expresión de estremecementos íntimos e colectivos. A súa función é tamén simbólica, emblemática. O rastro da destrución dun pobo. Todos eses elementos, e moitos outros, respiran en A derradeira lección do mestre, o óleo que Castelao pintou no exilio e que se exporá en Galiza por primeira vez a finais deste ano.
“A Xunta e o PP dan a razón á Iniciativa Popular por Castelao”
O 29 de setembro de 2015, a profesora da Universidade da Coruña Pilar García Negro defendeu no Parlamento galego unha Iniciativa Lexislativa Popular “en defensa do dereito ao coñecemento e á contemplación da obra de Castelao polo pobo galego”. O PP votou en contra. Máis dous anos despois, é a Xunta a que asume parcialmente o seu contido: no último trimestre do ano, a Cidade da Cultura acollerá a exposición de A derradeira lección do mestre.
A Xunta negocia traer a Galiza 'A derradeira lección do mestre' de Castelao
O máis célebre dos óleos de Alfonso Daniel Rodríguez Castelao, A derradeira lección do mestre, podería visitar por primeira vez Galiza. Farao de prosperaren as negociacións da Xunta -“avanzadas”, segundo fontes coñecedoras- coa institución que acolle o cadro, o Centro Galiza de Bos Aires.