Castelao

No IES Johan Carballeira de Bueu, malia as condicións da pandemia, celebraron en 2020 o centenario da revista Nós. Desde o departamento de galego, que dirixe a profesora Lucía Durán, quixeron recrear nunha obra colectiva entre varios cursos  como sería a portada se se fixese hoxe en día. Dúas alumnas que participaron na experiencia, Raquel Martínez Badea (4º ESO) e Iria Estévez Juncal (1º Bacharelato) explican como se realizou e as conclusións que sacaron.

No semanario tamén poderás atopar unha entrevista ao presidente da Asociación Galega de Editores, Henrique Alvarellos, e unha reportaxe sobre a importancia vital das árbores nas vilas galegas. Se queres ler todos estes contidos e máis só tes que procurar o teu Sermos Galiza mañá nos quiosques e librarías, onde o atoparás xunto co Nós Diario.

En 1921 fanse cen anos da viaxe que Castelao fixo por Europa grazas a unha bolsa de estudos e durante o que redactou un interesante diario. Ademais da rareza desta literatura confesional no noso ámbito, o Diario 1921 resulta atractivo aos ollos contemporáneos por mostrar un artista que participa do debate sobre a modernidade e que trata de que Galiza non quede á marxe dos grandes temas do seu tempo. Acusado en moitas ocasións de reflectir unha visión conservadora da arte, o diario esixe unha nova lectura que se despoxe de tópicos e que o coloque no lugar que lle corresponde dentro da obra do rianxeiro. 

Non sei se hai na Galiza algún lugar onde o sol xurda polo mar. Desde logo no Xapón o sol nacente ven do Pacífico, pero na outra metade do país o sol no mar é sempre poñente, no Mar do Xapón. Mesmo así na cultura xaponesa o sol é sempe nacente, así se titulaba xa o emperador no século VII, elixindo a faciana positiva deste astro simbólico de dúas caras: o abrente e o solpor, o mencer e o ocaso, o nacemento e a morte.

O Museo de Pontevedra e a Deputación anunciaron esta quinta feira, na voz do vicepresidente da Deputación César Mosquera, que lle darán o nome de Castelao ao seu sexto edificio. 

“Defender Galiza” é a esencia do BNG, afirmou Ana Pontón na homenaxe da súa formación a Castelao. A nacionalista cualificou de “vergoña” a suba histórica da luz en plena onda de frío. “Vergoña para as eléctricas que volven comportarse con usura pero tamén para os Gobernos que llo permiten e, como temos as mans libres, seguimos reclamando unha tarifa eléctrica galega”. Ademais, reclama 12.600 millóns de euros para a recuperación e a xestión desde a Galiza dos fondos europeos.

O 7 de xaneiro de 1950 falecía, exiliado na Arxentina, Alfonso Daniel Rodríguez Castelao, principal expoñente da vida cultural e política da Galiza do século XX. A situación que o exiliara obrigou a que 'Sempre en Galiza' chegase ao país clandestinamente. No día do aniversario da súa morte, publicamos unha entrevista co seu biógrafo, o historiador Miguel Anxo Seixas.

O Museo de Pontevedra fixo hoxe o anuncio de que vai formalizar nos próximos días a compra dos orixinais do Álbum Nós, de Alfonso Daniel Rodríguez Castelao. O comunicado realizárono a presidenta da Deputación, Carmela Silva, o vicepresidente César Mosquera e o director do Museo de Pontevedra, Xosé Manuel Rey.

Neste 30 de outubro de 2020 Nós Diario irá acompañado dunha reprodución facsimilar do número 1 de Nós, Boletín mensual da cultura galega, a revista que viu a luz en Ourense o 30 de outubro de 1920. No mesmo día, dez anos antes, nace en Ferrol Ricardo Carvalho Calero. Neste artigo damos algunhas chaves sobre a publicación que celebra o centenario e afondamos na participación de Carvalho Calero nela.

Veñen de facerse en 2019 os 90 anos da viaxe de estudos de Castelao á Bretaña. E coincidiu esta conmemoración coa casual declaración de que "la Galice sera la nation à l’honneur pour la 49 eme édition du Festival Interceltique de Lorient". Na Consellaría de Cultura apresuráronse a traducir tan alta honra en que a "Galiza será o territorio convidado de honor na edición de 2019". De ser suxeito pasamos a ser obxecto. De ser alguén pasamos a ser algo. Nacións irmás na cousificación, en cambio, cobran vida, mesmo as pedras, para quen soubo escrutalas.

A xeración Nós –ou mellor, a época Nós, pois supera os límites dunha xeración– foi a máis senlleira que deu Galiza, o grupo de xente máis cumprida que traballou por esta terra, este pobo e esta cultura. Se Rosalía, Curros e Pondal forman a trindade dos grandes poetas galegos, Castelao é o símbolo máis puro de Galiza, Vicente Risco, o primeiro teórico do nacionalismo galego e Otero Pedrayo, a meirande figura intelectual.