Celso F. Sanmartín

Pontevedra vive estes días inmersa no mundo do conto. Desde o domingo, o festival de narración oral Sete Falares reúne, durante toda esta semana, trece profesionais que achegarán ao público da cidade do Lérez múltiples historias con ou sen final feliz.

Celso Fernández Sanmartín é un dos mellores narradores orais do país. O seu repertorio xorde dos seus encontros coas persoas maiores, ás que escoita relatos que sintetizan toda unha cultura, unha forma de ver a vida. Agora vén de recibir o Premio Rebulir na categoría de Artes Escénicas.