Un informe do Consello da Cultura Galega presentado esta quinta feira vén de concluír que as mulleres, como categoría documental, atópanse “invisibilizadas”. “A presenza das mulleres nos criterios de ordenación, clasificación e difusión é inexistente e incúmprense as leis de igualdade, de arquivos e de transparencia”, conclúe o documento.
Fascismos dixitais é o título da conferencia que ofrecerá o director de El País en Catalunya, Lluís Bassets, o vindeiro 28 de febreiro, quinta feira. Será dentro do ciclo Pensarmos, que coordina a profesora Carme Adán para o Consello da Cultura Galega.
![[Imaxe: Xián Rodríguez] Andrea Martíns](/asset/zoomcrop,480,270,center,center/media/nosdiario/images/2018/04/18/2018041819595845611.jpg)
Hai no noso país 21.100 apelidos que teñen un único portador. No outro extremo, Rodríguez, o máis común en Galiza, que levan 237.000 persoas. Láncara, Sanfíns, Miñor, Santradán ou Manselle son algúns dos antropónimos en perigo de extinción. Estas son algunhas das cuestións que se debullan no estudo '‘Antroponimia e lexicografía’, que edita Consello da Cultura Galega e Instituto da Lingua Galega.
Os adeuses é o título da exposición que o Consello da Cultura Galega inaugura o vindeiro 9 de febreiro en emblemática Ellis Island, a illa da baía de Nova York que funcionou como “principal entrada de inmigrantes” aos Estados Unidos de América na primeira metade do século XX.
A transformación do Marco de Vigo contra o parecer da maioría de axentes artísticos, a eterna indefinición do Gaiás, o esmorecemento da actividade do CGAC ou a liquidación do Museo de Belas Artes de Fenosa, na Coruña, debuxan a situación dos espazos de arte en Galiza. A reflexionar sobre esta paisaxe deprimida dedica o Consello da Cultura Galega unha xornada esta terza feira, 11 de decembro, na súa sede de Compostela.
As Irmandades da Fala agromaron case simultaneamente na Galiza e nas comunidades latinoamericanas de migrantes galegos. A partir desta tese reflexionará o congreso Nacionalismo galego e diáspora (1916-1936), organizado polo Consello da Cultura Galega o 4 e o 5 de outubro.
“Traballadores do mar enfrentados. A reforma pesqueira é necesaria”. Eis a apertura do número 0 da etapa moderna do semanario nacionalista A Nosa Terra. Máis abaixo, a loita contra a cota empresarial. En internacional, o carácter presidencialista da Generalitat e a viaxe de Anwar el-Sadat a Israel. E a nota que daba conta do que pasaba: “Nace un periódico galego”.
Os XX Encontros de Normalización Lingüística do Consello da Cultura Galega analizan a situación da lingua no deporte, tanto profesional, como de base ou tradicional. Deportistas, lingüistas, afeccionados danse cita 12 e 13 de abril para debater sobre a realidade lingüística e achegar propostas.
As poesías galega e catalana atópanse esta cuarta feira 13, ás 19 horas, no salón de actos do Consello da Cultura Galega en Santiago de Compostela. Os versos de ambas literaturas dialogarán da man de Anna Gual, Joan Pons, Blanca Llum Vidal, Marilar Aleixandre, Yolanda Castaño e Rosalía Fernández Rial. As seis poetas constitúen unha mestura de voces consolidadas e novidosas da lírica contemporánea.
O Observatorio da Cultura Galega vén de publicar un informe con datos sobre o panorama musical galego, que adiantan unha pequena melloría en canto á música clásica, pero non se albisca ningunha melloría na música popular.
O que fora presidente do Consello da Cultura e da Fundación Penzol morreu onte en Vigo aos 92 anos. Notario de profesión, sempre se implicou no eido social e cultural.
Cen anos despois da publicación desta obra que revolucionou o mundo científico, publícase en galego grazas ao Consello da Cultura a 'Teoría da relatividade' de Albert Einstein
Falamos con Henrique Monteagudo, profesor da USC, secretario da RAG e biógrafo do autor homenaxeado nestas letras, a quen coñeceu durante vinte anos e sobre quen publicou a máis completa biografía até o momento, 'Carlos Casares. Un contador de historias'.
Galiza é a comunidade autónoma con maior crecemento en consumo cultural do Estado, segundo recolle un informe do Observatorio da Cultura Galega do Consello da Cultura Galega
Hoxe inaugurouse na sede compostelá de Afundación Galicia 100. Obxectos para contar unha cultura, unha expo organizada polo Consello da Cultura que constrúe un relato da cultura galega a través da selección e da relación de cen obxectos.
No último ano rexistráronse en Galiza 27.800 empregados no ámbito cultural, 800 menos que en 2014, segundo os datos Enquisa de Poboación Activa (EPA) extraídos polo Observatorio da Cultura Galega, dependente do Consello da Cultura.
O 10 de maio estréase 'Galicia 100. Obxectos para contar unha cultura', unha exposición organizada polo Consello da Cultura que constrúe un relato histórico do país a través da selección e da relación de cen pezas procedentes de institucións, empresas e coleccionistas de Galiza e do exterior.
O Consello da Cultura vén de presentar o Álbum das Irmandades da Fala, unha completa web que pretende difundir biografías e materiais dos protagonistas deste movemento. Tamén a Academia acaba de publicar en versión dixital a primeira das publicacións históricas, que irá ampliando aos poucos.
Era o único candidato e o mesmo que leva presidindo o Consello da Cultura Galega desde o 20 de abril de 2006. Ramón Villares inicia o seu último mandato á fronte da institución que o referendou no seu cargo a través do plenario.
