dereitos

Ducias de manifestacións percorreron vilas e cidades galegas dentro da campaña 100 medidas para o crecemento económico e a creación de emprego na que a CIG achega "propostas e alternativas" orientadas a unha saída social da crise. Este sábado (12 h, Alameda), a campaña chegará a Compostela nunha manifestación nacional. 

Farano perante unha proposición non de lei presentada polo soberanismo de esquerdas. BNG, Amaiur e ERC instarán á Cámara a defender o dereito dos pobos a decidir. 

As tres formacións soberanistas -BNG, Amaiur e ERC- levarán a vindeira terza feira á Cámara española o debate sobre o dereito a decidir dos pobos a través dunha proposición non de lei conxunta. Unha iniciativa que chega tras o reiterado veto da mesa do Congreso a tramitar unha lei que recoñeza o dereito a decidir.

A Audiencia Nacional ordenou o peche de todas as sedes que Herrira ten en vilas e cidades vascas, así como a clausura de 32 perfís de twitter, 125 de faceboock e 38 páxinas web, e o bloqueo das súas contas bancarias. O operativo segue aberto. A Audiencia Nacional acusa @s detid@s de "enaltecemento, integración e financiamento de banda armada"

A mobilización, convocada en Compostela pola Plataforma galega polo aborto, durou por volta de dúas horas e rematou cunha sorpresa na Praza Roxa. A chuvia non fixo encoller nin os seus berros nin as súas reivindicacións, resumidas no lema da faixa de cabeceira: Aborto libre e gratuíto, as mulleres decidimos. Vídeo no interior.

O dereito a un órgano xudicial imparcial, á contradición das probas achegadas pola acusación, á presunción de inocencia e á liberdade ideolóxica. Son catro das garantías que consideran que non se respectaron no xulgamento decorrido entre o 24 e o 27 de xuño na Audiencia Nacional española e do cal resultou unha condena a 56 anos de prisión e 36 de liberdade vixiada. 

ERC, CiU, PSC e ICV presentan unha resolución colectiva coa que instarán ás Cortes españolas a recoñecer o referendo de autodeterminación en 2014. O texto emana do manifesto elaborado por Joan Rigol, ex-president da Generalitat, que foi subscrito polas devantidas forzas como un pacto nacional polo dereito a decidir. 

Cadrando co Día internacional pola despenalización da IVE, a Plataforma galega polo dereito ao aborto convoca máis unha mobilización en Compostela que arrincará ás 17.30h do sábado desde a estación de comboios e rematará na Praza Roxa.

O departamento que dirixe Jesús Vázquez non acatou a obriga ditada polo Tribunal Supremo en xullo de 2012 e seguiu a negar a revisión médica anual para @s 30.000 docentes que traballan no ensino público. Este dereito está recoñecido para o conxunto d@s traballador@s desde 1995.

Centros de ensino medio, FP, Universidades, as rúas do país en xeral. Ese é o escenario no que se vai desenvolver a campaña "Nin escravitude nin emigración. Na Galiza exiximos dereitos", que presentou esta sexta feira Galiza Nova, as mocidades do BNG.

Algirdas Butkevicius, que ocupa a presidencia en quendas da UE, recoñeceu nunha entrevista "o dereito de autodeterminación dos pobos" e sumouse a Letonia no seu apoio ao soberanismo catalán. 

As plataformas pola defensa do aborto e Queremos Galego veñen de recibir denuncias policiais polas que poden ser sancionadas con multas de até 6.000 euros. As forzas policiais atribúenlles "destrozos" en senllas manifestacións transcorridas o 16 de xuño e o 17 de maio. As organizacións falan de “criminalización” das súas accións de protesta

Unha vintena de traballador@s de T-Solar e unha deputada do Bloque prestaron declaración no xulgado de Ourense demandad@s por se pecharen nas instalacións da empresa. Denuncian o desmantelamento do centro de traballo

A organización frontista convoca unha manifestación e exixe eleccións anticipadas. O portavoz nacional da organización frontista, Xavier Vence, anunciouno na Caeira coincidindo co dia da Galiza Mártir e denunciou que o PP dá hoxe "o mesmo golpe" pola "vía da corrupción sistemática" que noutrora deu de maneira violenta

Argumenta a coligación de Anova e EU que as institución españolas e europeas "afectan a vida de centos de milleiros de persoas"