dobraxe

Máis dun cento de actores e actrices de dobraxe sosteñen o sector na Galiza. Non están soas; profesionais técnicos e de produción, tradutoras e axustadores, persoal de administración e de limpeza fan parte dun traballo artístico que reclama máis contidos en galego e mellores condicións salariais.

O persoal da dobraxe reivindicou "que se aplique o convenio colectivo de dobraxe", "ignorado e vulnerado", e que, ademais, leva sen actualizarse desde 2006.

A presidenta da Asociación de Artistas Asociados de Dobraxe (ADA), Desi de Pillado, indicou que contan co apoio dos sindicatos CIG, CCOO e UGT.