Os EUA envían tropas a Oriente Medio para ameazar o Irán
O presidente dos EUA, Donald Trump, vén de informar da autorización ao Pentágono para enviar máis tropas en Oriente Medio, uns 1.500 efectivos. Trátase dunha nova presión sobre o Irán.
O presidente dos EUA, Donald Trump, vén de informar da autorización ao Pentágono para enviar máis tropas en Oriente Medio, uns 1.500 efectivos. Trátase dunha nova presión sobre o Irán.
Un proxecto de lei aprobado na Cámara de Representantes de Florida abre a porta a que o profesorado acuda con armas aos centros de ensino.
O plan israelí para asentar a ocupación da meseta siria prodúcese unhas semana após Donald Trump ter recoñecido a soberanía israelita sobre este territorio.
Moita retórica amical e cordial e poucas noces. A segunda cimeira entre Donald Trump e Kim Jong-un acabou esta quinta feira, en Hanoi, sen que os líderes asinasen ningún acordo. A clave, a negativa dos EUA a acceder a que, como pretendía Pyongyang, se levantasen as sancións interpostas por Washington contra Corea do Norte polo seu programa nuclear. "Non achamos que fose boa idea asinar nada", dixo Trump.
77 anos, senador independente por Vermont e declarado socialista, Bernie Sanders confirmou esta terza feira que vai concorrer ás primarias do Partido Demócrata para ser eleito como candidato desa formación nas presidencias de 2020. Sanders xa fora a revelación da campaña de 2016, cando puxo en serios apuros a Hillary Clinton na liza interna para ser o cartaz electoral alternativo ao republicano Donald Trump.
O seu obxectivo explícito é acabar co "socialismo" no continente americano. Tamén nos propios EUA. Nun mitin, Trump enviou un recado aos sectores do Partido Demócrata que nos últimos tempos fan as beira coa etiqueta socialista, na tradición norteamericana vista como un sinónimo de comunista. "América [polos EUA] nunca será un país socialista", dixo.
"Se eu non tivese sido elixido presidente dos EUA, na miña opinión, nestes momentos estariamos nunha guerra de grandes proporcións con Corea do Norte", dixo esta terza feira Donald Trump no seu segundo discurso sobre o estado dos EUA. O mesmo Trump que se presenta como pacificador en Asia nega toda opción a se entrevistar con Nicolás Maduro.
A economía venezuelana é basicamente a produción e a exportación de petróleo. Washington cobiza o control dos inmensos recursos do país caribeño e acaba de dar un novo paso na dirección de cortar o oxíxeno que aínda mantén con vida o movimento bolivariano. A Administración Trump decidiu esta segunda feira conxelar os fondos que a petroleira estatal venezuelana PDVSA ten no país estadunidense. Son por volta de 6.100 millóns de euros.
O ultra foi parabenizado por Donald Trump. "Os EUA estão com você", escreveu o presidente estadunidense na sua conta twitter. No discurso da sua inauguração como novo presidente do Brasil, Bolsonaro foi Bolsonaro, isto é, um político reaccionário, neo-liberal e machista.
Tamén en Corea do Norte se estila un discurso do máximo líder político co motivo da chegada do novo ano. Desta volta, Kim Jong-un mostrou a vontade de Pyongyang a ter unha nova cimeira con Donald Trump, mais á vez advertiu que os avanzos cara á desnuclearización son fráxiles e dependen de que os EUA cesen na súa política de sancións e de manobras militares conxuntas con Seúl.
O último balanzo oficial do confronto nas rúas entre os coletes amarelos e as forzas policiais deita marcas inéditas nas últimas décadas: máis de 1.700 persoas detidas e 260 feridas. A crise non pasou desapercibida en Washington. En twitter Donald Trump ligou o descontentamento popular en Francia á aplicación do acordo de París sobre as alteracións climáticas, do que se retirou os Estados Unidos ao chegar o magnate republicano á Casa Branca.
O presidente dos EUA asina un documento sen forza de lei que poderá ser recorrido perante os tribunais. É máis que nada un aceno de quen, pese a perder a maioría no Congreso nas eleccións de medio mandato, pensa que aínda está en condicións de sobrevivir politicamente e de gañar a reelección en 2020.
A resposta é si. Ou mellor, depende de que o Partido Republicano impoña a disciplina de voto, unha figura que en puridade non existe na política norteamericana. O xuíz federal Brett Kavanaugh, proposto por Donald Trump para ocupar un posto vitalicio no Supremo, mantén o respaldo do inquilino da Casa Branca, após a sesión do comité xudicial do Senado decorrida esta quinata feira. Nela compareceron a profesora de California Christine Blasey Ford que o acusa de tentar violala durante os anos do instituto e o propio Kavanaugh. Trump xulgou o testemuño do xuíz como "poderoso, honesto e moi interesante".
Christine Blasey Ford, a profesora universitaria de Palo Alto que denunciou o xuíz Brett Kavanaugh por tentar violala hai tres décadas, pide que o FBI abra unha investigación sobre o asunto antes de ter que prestar testemuño perante o Comité Xudicial do Senado. Kavanaugh, proposto por Trump para ingresar no Tribunal Supremo, ten que obter a aprobación da cámara alta para se facer coa cadeira vitalicia na cimeira do poder xudicial estadounidense. O maxistrado, de orientación ultra-conservadora, recibiu o apoio fechado de Donald Trump.
Ultraconservador, Brett Kavanaugh foi proposto por Donald Trump para ocupar unha cadeira no Supremo. Un nomeamento vitalicio, como todos os que se fan para o máximo órgao do poder xudicial nos EUA. A súa elección está agora baixo sospeita, ao transcender que unha muller o acusa de a ter violado hai tres décadas. O Partido Republicano mantén a candidatura, en tanto que a oposición demócrata pide que se suspenda o proceso mentres non se investigue o asunto.
Paul Manafort confesou esta sexta feira a súa culpabilidade en dous dos cargos que se apresentaban contra el, no curso dunha investigación sobre a súa asesoría en Ucrania ao presidente pro-ruso Viktor Yanukovych. A confesión é o produto dun acordo co fiscal especial Robert Mueller, quen investiga a suposta conspiración rusa para levar Trump á Casa Branca. É un golpe moi duro para o presidente dos EUA, porque Manafort estivo no miolo de campaña de 2016.
House of cards non chegou tan lonxe: a biblia do progresismo estadunidense The New York Times publicou un artigo crítico con Donald Trump pretensamente escrito por un alto cargo da súa propia administración. Unha peza anónima. As especulacións apuntaban o vicepresidente Mike Pence. Como non podía ser doutro xeito, este négao.