Os EUA abandonan Unesco por a considerar "anti-israelita"
Washington anunciou esta quinta feira que deixa a organización das Nacións Unidas para a Educación, a Ciencia e a Cultura. Os EUA dan este paso cando a UNESCO ten de nomear a súa próxima lideranza e soan para a súa dirección xeral varios candidatos musulmáns.
"Poderíamos non ter máis opción que a de destruír totalmente Corea do Norte"
"O home foguete (Rocket Man) está nunha misión suicida para el e para o seu réxime", afirmou Donald Trump, en alusión ao líder norcoreano, no primeiro discurso do presidente norteamericano perante a asemblea xeral de Nacións Unidas. Foron 41 minutos de retórica imperial e belicosa, carregada de ataques a Corea do Norte e Irán -nomeadamente-, mais tamén a Cuba e Venezuela.
Trump, sobre Afganistán: "Non direi cando imos atacar, mais atacaremos"
Concorreu ás eleccións coa promesa de se retirar de Afganistán, mais lonxe de o facer o presidente dos EUA anuncia o envío de máis tropas para combater as milicias talibás. Afirma que o fai porque o convenceron os seus asesores de seguranza. E non desbota que ao futuro goberno afgá, nun escenario post-bélico, se incorporen "elementos dos talibáns".
Duras críticas a Trump pola súa morna posición fronte aos supremacistas brancos
Evitou mencionalos directamente ao se referir o sucedido en Charlottesville. As críticas chegáronlle tamén desde as propias fileiras republicanas.
“Se lle fai algo a Guam atoparase co nunca visto”
O presidente norteamericano afirmou esta quinta feira que, de Corea do Norte atacar Guam, atoparíase “co nunca visto”. No seu encontro coa prensa, Donald Trump redobrou as súas ameazas e declarou que quizais a súa postura non fora o suficientemente dura ata o momento.
Trump ameaza con "medidas económicas fortes e rápidas" se Maduro vai a eleccións constituíntes
O presidente dos EUA non demorou en tomar partido na situación venezuelana. E fíxoo acarón da direita, nun momento especialmente delicado do país con mobilizacións xigantes quer por parte do movimiento bolivariano quer por parte da oposición. Trump ameaza con sancións económicas se Caracas fai as eleccións á asemblea constituínte axendadas para o 30X. Mentres, a MUD (o partido da direita) chama a unha greve xeral esta quinta feira.
O primeiro G20 con Trump conclúe en G19 e ½
A nova administración norteamericana desmárcase dos consensos defendendo o proteccionismo e rexeitando retornar ao Acordo de París contra o cambio climático.
Trump revela información clasificada a Rusia
The Washington Post informaba en exclusiva que Donald Trump tería desvelado información altamente clasificada ao ministro e embaixador ruso durante unha reunión realizada o pasado 10 de maio. Segundo fontes cercanas, esta información compromete unha fonte crucial de intelixencia no Estado Islámico.
O porta-avións que Trump seica enviara a Corea aínda está fronte Australia
Mentiu Donald Trump. Mentiu o secretario de Defensa. Mentiu a Armada norteamericana. O USS Carl Vinson -un porta-avións norteamericano líder dunha frotilla de ataque- non puxo rumo a Corea do Norte o 8A para disuadir Pyongyang de realizar un novo test nuclear. En realidade, 11 días despois do anuncio, o navío continúa en augas de Mar de Xava, na costa noroccidental de Australia.
Trump contempla a hipótese dun cara a cara con Kim Jong-un
O presidente estadounidense declara que se China non presiona a Corea do Norte para que desartelle o seu programa nuclear será EEUU quen o faga
Trump "amnistía" o Iraque na nova versión do seu veto anti musulmán
O Iraque cae da nova orde executiva contra a inmigración que vai aprobar esta segunda feira Donald Trump, segundo revelou un alto funcionario da Casa Branca á axencia Reuters.
Trump acusa Obama de “pinchar” os seus teléfonos durante a campaña electoral
O presidente dos EUA, Donald Trump, vén de acusar o seu antecesor, Barack Obama, de intervir de maneira ilegal os seus teléfonos durante a campaña electoral dos pasados comicios presidenciais.
Trump atribúe a súa falsa historia sobre un atentado en Suecia a que viu unha reportaxe en Fox News
Este sábado o presidente dos EUA falou perante 9.000 persoas nun mitin en Florida. Nel perpetrou un alegato contra o que cualificou como "meios deshonestos". E nel inventou un atentado, un falso ataque que nunca existiu, en Suecia.
Trump recúa e, nunha conversa con Xi Jinping, volta a abrazar a política de "unha soa China"
O amago de Trump de rachar coa política tradicional dos EUA a respeito do conflito entre China e Taiwan -isto é, o non recoñecimento da illa como estado soberano- ficou apenas niso. O presidente dos EUA recuou e -durante a súa primeira conversa telefónica co líder chinés, Xi Jinping- deu seguranzas a Beijing de que só recoñece unha China.
15 minutos de conversa, tradutores polo medio, e Rajoy oferécese a Trump como interlocutor
Rajoy non fala inglés, Trump tampouco español, así que os 15 minutos de conversa telefónica -cinco menos dos pactados- non foron netos: houbo tradutores polo medio. A Moncloa informou de que o presidente español se ofereceu a Trump como interlocutor. Cero críticas ao magnate.
Trump, sobre se Putin é un asasino: "Nós temos moitos asasinos. Ou pensa que somos un país inocente?"
"Voume levar ben con el [con Vladimir Putin]? Non teño nin idea. E é moi posíbel que non", dixo Donald Trump nunha entrevista este domingo en Fox News cando foi inquirido a respeito das súas relacións co presidente ruso.