Donald Trump

Nin Clinton, nin Trump. Unha recente sondaxe vén de revelar que o 57% das persoas que viven nos EUA rexeitan os principais candidatos a ocupar a Casa Branca. Porén, as outras dúas opcións, Gary Johnson , do Partido Libertario, e Jill Stain, do Partido Verde, carecen de probabilidades para seren elixidos presidentes.

Donald Trump non foi o protagonista do seu último acto de campaña. Fórono a violencia e o caos provocado por unha gran liorta entre partidarios e detractores do polémico republicano que quere aspirar á Casa Branca.

A crise varreu con boa parte da clase media, que se atopou nunha situación que nunca imaxinou. Gasolina para a polarización política, din os analistas. EUA rexistra a maior taxa de desigualdade do último medio século e esta cuestión comeza a aparecer na campaña, tanto de demócratas como republicanos.