Eleccións municipais 2019

O BNG completou esta cuarta feira a nómina dos seus números un nas sete cidades do país coa escolla do activista e dirixente sindical Xabier Pérez Igrexas como cartaz en Vigo. Analista e colaborador de distintos meios de comunicación, a comezar por Sermos, a súa candidatura, a única que se formulou como tal no seo da asemblea local, é froito do consenso entre as e os militantes nacionalistas da urbe máis populosa do país.

Consenso nos órgaos de dirección do BNG en Compostela e A Coruña. Goretti Sanmartín e Francisco Jorquera teñen todo o respaldo para seren os cartaces do Bloque nas municipais de maio de 2019. As súas candidaturas vanse submeter esta sexta feira á consideración das asembleas locais respectivas (20 horas). Todo indica que obterán o seu apoio.

Secretario de Relacións Internacionais na Península da Executiva Nacional do BNG e candidato por esta formación nas locais de 2011 e 2015, Cela non optará á alcaldía de Compostela en 2019. Deixa o Pazo de Raxoi por razóns "exclusivamente persoais" e que non teñen nada a ver coa política.

Na axenda da formación nacionalista, que esta cuarta feira organizou unha cimeira con alcaldesas, alcaldes e responsábeis municipais, está a escolla das cabezas de lista das 7 cidades por volta do Día da Patria Galega 2018. A hipótese dun anticipo eleitoral no Estado é vista por Ana Pontón como unha oportunidade para Galiza voltar a ter voz no Congreso, dada a súa "ausencia" estes anos no debate estatal.

Renovará a fórmula gañadora das eleccións de 2015 na Coruña, Santiago e Ferrol. No resto dos concellos abre a man a distintos escenarios de concorrencia, sen desbotar apresentarse en solitario.

A organización frontista designará as persoas que encabezarán as listas das 7 cidades antes do Día da Patria 2018, asegurou a líder do BNG nunha entrevista en Radio Galiza-SER.

Xulio Ferreiro condiciona a súa candidatura á reelección como alcalde a que se manteña a marca pola que concorreu ás eleccións de maio de 2015. Nunha entrevista en Radio Coruña, o líder da Marea Atlántica deu un tépedo apoio a Luís Villares na súa condición de portavoz parlamentar de En Marea.