Eleccións Xerais 28 de abril

O BNG pide un debate cos líderes políticos galegos na televisión pública galega sobre as eleccións xerais, tal e como se fixera en 2008 a proposta de Núñez Feixoo. O presidente da Xunta evita posicionarse a respecto da solicitude das nacionalistas ao non ter coñecemento da mesma. Sobre o que si se posiciona, e faino a favor, é sobre a petición de Pablo Casado a Vox de que non se presente nas circunscricións pequenas para non 'dispersar' o voto da dereita española. 

Un debate cos líderes políticos galegos na TVG sobre as eleccións xerais. Está é a petición que lle fará o BNG ao director xeral da CRTVG, Alfonso Sánchez Izquierdo, e ás forzas políticas para que a cidadanía coñeza as propostas programáticas dos partidos.

En Marea vén de informar dos dados de participación no proceso de primarias para a configuración das candidaturas das eleccións xerais e das europeas. Participou o 25% das persoas inscritas, 1.100 persoas, segundo o Comité Electoral. No proceso non tomou parte o sector crítico. No interior, as candidaturas completas nas primarias de En Marea para Congreso, Senado e Europeas. 

“Que diga claramente se quere a unidade popular con nós ou non”. Este era o recado que enviaba Yolanda Díaz, deputada de En Marea, a Luís Villares, de quen advirte que “polo de agora, non quere achegamento”.

Junts per Catalunya anuncio este domingo que encabezará a súa candidatura ás eleccións europeas Carles Puigdemont, exiliado en Bélxica.

Podemos, EU e Anova fixeron un chamamento “directo e expreso” a Luís Villares, portavoz de En Marea, en que lle piden “altura de miras e audacia” para crearen “unha gran coalición” contra o “fascismo”.

O PSOE aprobou na mañá do sábado a proposta de candidaturas para o Congreso e o Senado pola Coruña. Unha lista que encabeza a xa deputada Pilar Cancela. Tamén deu luz verde ás candidaturas das municipais da Coruña, Compostela e Ferrol.

[ACTUALIZADA ÁS 15.18 HORAS] O Consello Nacional do BNG aprobou na mañá deste sábado as candidaturas coas que a forza nacionalista se presenta ás eleccións xerais do 28 de abril. Unhas listas encabezadas por Néstor Rego na Coruña; Maite Ferreiro en Lugo; Iago Tabarés en Ourense; e Carme da Silva en Pontevedra, todas elas con experiencia no ámbito institucional.

Oriol Junqueras será o candidato de Esquerra Republicana de Catalunya (ERC) ás eleccións xerais. Ademais, na mañá desta quinta feira era confirmado candidato da Alianza Libre Europea -onde se integra a coligazón de BNG, ERC e EH Bildu-.

Pide evitar que o PP estea sobrerepresentado na Cámara Alta.

Un PSOE claramente por encima dos 30 puntos e que supera en votos á suma de PP e Cs. Un mundo das confuencias en retroceso. Un Vox que interrumpe a súa emerxencia e descende. Eses son os principais trazos do barómetro do CIS de febreiro. Foi feito antes de Sánchez convocar as eleccións.

A proposta figura no programa electoral do Partido Popular para as Xerais, avanzado por El Mundo. O Partido Popular promete unha lei para acabar coa discriminación que, afirma, sofre o “castelán”.

A idea é estender o acordo a En Marea, En Comú Podem e Equo. Hai tamén un preacordo para concorreren xuntos na comunidade autónoma de Madrid.

Arranca a precampaña no Bloque tras a reunión extraordinaria do Consello Nacional que sentou as bases da preparación das eleccións xerais. O 9 de marzo o BNG aprobará as súas candidaturas.

Sen novidade na frente: En Marea irá si ou si o 28A como partido e non se coaligará con ningún grupo. Só a fórmula partido "garante grupo [parlamentar] propio", insistiu esta sexta feira en conferencia de imprensa Luís Villares, quen instou Anova, EU e Podemos a que trasladen ás súas bases, mediante referendo, a sua oposicion a concorrer ás xerais como En Marea.

A dirección da coalición esquerdista, hexemonizada polo PCE, é partidaria de renovar a entente co partido morado, a pesar do mal resultado da confluencia nas recentes eleccións andaluzas.

Malos tempos para a lírica, e para a épica, da unidade popular. Nun momento político sen precedentes na historia do réxime de 1978, con eleccións xerais e municipais/autonómicas/europeas separadas por apenas un mes, os dous componentes básicos da esquerda estatal non socialdemócrata flirtean coa ruptura. O cisma, no horizonte das autonómicas do 26M, xa se consumou en Nafarroa, Murcia e Asturias.

En nota de imprensa, a formación nacionalista informa de que o seu Consello Nacional porá en marcha nas comarcas do país un "proceso participativo de selección de candidatos e candidatas". Após o debate nas bases, o máximo órgao entre asembleas aprobará as listas o 9 de marzo.

A vontade de En Marea como partido político, na práctica neste momento reducido ao núcleo villarista, é inequívoca: concorrerá como tal, "en solitario", ás eleccións xerais do 28 de abril. Así o afirmou esta cuarta feira a viceportavoz da confluencia, Ana Seijas, quen compareceu ante os meios para apresentar o calendario de primarias do partido instrumental.

A sociedade galega está polo diálogo con Catalunya. Segundo un inquérito de El Periódico, 62,4% das galegas e dos galegos apoian as conversas co bloque independentista, fronte a un raquítico 28,3% a prol da aplicación do 155. A conclusión do estudo é que a opción polo diálogo, maioritaria en todo o Estado, éo moito máis nas nacións sen Estado.