Galiza exporta entre o 30 e o 40% da enerxía que produce e, a pesar de ser excedentaria e de soportar o impacto ambiental das empresas enerxéticas, as galegas e galegos pagamos o recibo da luz máis caro do Estado español. Vexamos que medidas defenden a este respecto as distintas formacións que se presentan na Galiza ás eleccións xerais do 28A.
Arranca a carreira electoral do 28A. Compostela, A Coruña e Vigo acolleron os actos de inicio de campaña dos principais partidos, cuxos discursos oscilaron entre o medo á ultradereita e á necesidade de que Galiza conte cunha axenda propia no Congreso.
Son 3.306 persoas menos que nos anteriores comicios xerais, que decorreron en 2016. O 28 de abril votarán por primeira vez 58.000 mozos e mozas. Poderán facelo nalgunha das case 4.000 mesas de votación que estarán dispoñíbeis en Galiza.
O CIS sitúa o PSOE como gañador das eleccións xerais cunha estimación de 123 a 138 escanos, mais non prognostica maiorías claras para o goberno do Estado. Na Galiza o PSOE tamén sería a forza máis votada e entraría Vox pola Coruña.
As transferencias, a ollos do presidente da Xunta, Alberto Núñez Feixoo, non son prioritarias. Sinala que a “inmensa maioría” das transferencias que recolle a constitución “xa están feitas”, cando a realidade amosa o contrario. Galiza segue sen contar con competencias en tráfico ou seguridade marítima, entre outras.
O xogo da AP-9 entre os partidos estatais acelérase na proximidade do 28-A. É agora o PSdeG quen asegura que a transferencia da xestión da infraestrutura será “un dos obxectivos fundamentais da vindeira lexislatura”. Así se comprometeu a candidata socialista ao Congreso pola Coruña, Pilar Cancela.
Membros das candidaturas que concorren ás vindeiras eleccións xerais expuxeron as principais medidas que defenderán para Galiza no debate que decorreu no Museo das Peregrinacións da capital galega, organizado pola Asociación Cultural O Galo.
Luís Villares avanzou que En Marea contará cun programa de 299 medidas urxentes para Galiza. Estas medidas e o conxunto do programa trataranse na convención electoral que a formación celebrará este sábado en Compostela.
Santiago acollerá un encontro organizado pola Asociación Cultural O Galo para coñecer de primeira man as propostas que defenden para Galiza as diferentes formacións que tiveron ou teñen presenza nas Cortes Xerais.
Baixo o lema Para ter voz propia, un grupo conformado por xente moza vén de presentar unha iniciativa de voluntariado co obxectivo de dar soporte á campaña do BNG nas elección xerais do vindeiro 28 de abril.
As Xuntas Electorais de Ourense e Pontevedra consideran que En Común-Unidas Podemos é a lexítima herdeira dos resultados recollidos nas eleccións xerais de 2016 baixo a marca En Marea. Están en xogo os minutos de propaganda electoral e o posicionamento na papeleta do Senado.
Ás portas do escenario electoral máis aberto das últimas catro décadas asistimos á desaparición da problemática galega no temario de campaña. Unha campaña que xira ao redor do eixo PSOE/PP-Ciudadanos-Vox e onde o medo á extrema dereita silencia as propostas programáticas centradas na Galiza.
Un total de 52 listas de 16 organizacións competirán o 28A polos 23 escanos de Galiza. Só 12 opcións presentan candidatura nas catro circunscricións galegas.
Case un mes despois de saír á luz pública a proposta electoral do PP de eliminar o requirimento do galego para acceder a un emprego na función pública, os populares súmanse a unha moción do PSOE e defenden manter a esixencia de coñecer a lingua para conseguir un traballo na administración galega e na docencia.
A En Marea de Luís Villares xa prepara o seu programa para o 28A. Iniciou os traballos este sábado nunha “sesión colaborativa e aberta” en Vigo. Dela sae unha conclusión primeira: “Somos a única forza política que, co seu programa electoral, será capaz de ofrecer unha solución determinante para a mellora do benestar das galegas e galegos”.
Colocar Galiza no centro do debate político é o obxectivo principal do BNG para o mes electoral que vai do 28 de abril ao 26 de maio. Esta sexta feira presentou unha “única campaña” para os triples comicios cuxa primeira fase centrada no regreso ao Congreso desenvolverá co lema Agora Galiza.
O BNG vese en forma. E mostra optimismo ante o exixente calendario electoral que ten por diante. A organización nacionalista presenta como credenciais a súa unidade interna —en contraste coas tensións que vive o espazo mareante e até o PSdeG-PSOE— e o feito de que volve ser referente para aquelas que antepoñen a presenza directa de Galiza nas institucións parlamentares —Congreso e Bruxelas— por enriba de calquera outra consideración. No plano organizativo o Bloque prepara con mimo un Encontro Nacional Aberto para o domingo 31 de marzo.
![Rubén Cela. XVI Asemblea Nacional BNG [Imaxe: Xaquín Soliño]](/asset/zoomcrop,480,270,center,center/media/nosdiario/images/2017/03/26/2017032613560885771.jpg)
O BNG non recibiu “ningunha resposta oficial” á súa proposta de debate televisado entre as forzas políticas que concorren ás eleccións xerais. Explicouno esta segunda feira a portavoz da organización Ana Pontón: “Feixoo era o rei dos debates na oposición. Agora non debe agocharse e ten que dar a cara”.
O PSdeG-PSOE gábase de ser o partido pioneiro das primarias, mais a última palabra tena sempre o secretario xeral, isto é, a cúpula estatal do partido. Os órgaos federais do PSOE, controlados por Pedro Sánchez, deron un golpe de man ao alterar as listas da formación, non só para as xerais e as europeas, tamén para as municipais. Na Galiza Gonzalo Caballero é quen tira proveito do dedazo de Sánchez.
![[Imaxe: Xunta de Galiza]. Alberto Núñez Feijóo, en rolda de prensa](/asset/zoomcrop,768,432,center,center/media/nosdiario/images/2015/07/15/2015071518494322835.jpg)