ensino

Co curso presente aínda por fechar, as plataformas que representan o colectivo docente recelan das directrices que chegan desde o ministerio para o reinicio das aulas. Segundo os sindicatos, lánzanse sen unha interlocución previa e sen ter en conta que será a Xunta quen teña que implementalas. A docencia reclama planificación, recursos e protocolos de prevención

As Aveneiras, un dos grupos da escola de Tempo Libre Seteportas Altair, vén de presentar na rede un documental desenvolvido por elas, no que tratan a representación da muller na cultura de masas. Con este exemplo exploramos, da man das educadoras, o labor pedagóxico dun proxecto que camiña cara á consolidación.

Isabel Mociño é profesora e investigadora na Facultade de Ciencias da Educación da Universidade de Vigo no Campus de Ourense e forma parte de diversos grupos de investigación sobre Literatura Infantil e Xuvenil (LIX). Coordinou a obra LibroObxecto e Xénero. Estudos ao redor do libro infantil como artefacto, editado polo Servizo de Publicacións da Universidade de Vigo e que recompila artigos de diversas estudosas deste ámbito. Conversamos con ela sobre o estado do álbum ilustrado e sobre o estado da LIX na Galiza

O alumnado de 2º de Bacharelato respira máis tranquilo unha vez comunicada a dinámica das probas de selectividade que terán lugar no mes de xullo. A publicación, critican, foi tardía. O modelo, con máis opcións, busca minimizar o impacto da fenda social entre as familias tras a suspensión das clases presenciais. 

Consellaría de Educación e sindicatos do ensino mantiveron onte unha reunión telemática da mesa sectorial. Na axenda, a negociación sobre como se materializará o aprazamento do concurso de oposicións docentes para este ano, que a Xunta, tras varias tentativas por mantelas neste ano, tivo que adiar a 2021 por mor da pandemia do coronavirus e as obrigadas restricións impostas para o seu control, cuxo desenvolvemento ten pendente a miles de aspirantes. 

A Universidade de Santiago de Compostela deixa sen acceso á plataforma de ensino virtual dous implicados na caída desta ferramenta a pasada terza feira, unha acción do estudantado contra o sistema de avaliacións online estabelecido.

A Xunta reclama "directrices concretas" do Goberno español, as docentes lembran que a escola "non pode ser nunca un medio asistencial para suplir o déficit do mundo laboral" e as nais e pais advirten dos problemas de conciliación.

Coa mirada posta na mesa sectorial convocada para mañá pola Xunta na que se definirá o aprazamento das oposicións educativas, a plataforma #Opos2021XustasParaTodxs segue sumando apoios na súa reivindicación dunha única convocatoria que sume as prazas previstas para este concurso e o que vén, e que dea ás aspirantes que rematan este curso os seus mestrados, cursos e graos, a posibilidade de se presentar. O colectivo xa rebasa o millar de integrantes. 

A plataforma reclama que a Consellaría de Educación agrupe as prazas do proceso suspendido este ano por mor da COVID-19 e as de 2021. Unha decisión, defenden, que tamén beneficiaría as aspirantes tituladas.

O hermetismo da Xunta, unha vez suspendida a convocatoria de 2020, non aclara o futuro da nova oferta pública de emprego. Os sindicatos apuntan a un interese electoral e alertan das complicacións que habería se a Consellaría non reacciona.   

A partir dos 14 anos, rapazas e rapaces deberán manter desde o domingo o confinamento estrito que se relaxa para as crianzas menores. Familias e persoal especializado concordan coa decisión, mais apuntan ao ámbito educativo e moi especialmente á selectividade, como causa de ansiedade e estrés nestas etapas.

A central sindical urxe á conselleira Carmen Pomar a facilitar ao profesorado toda a información sobre os criterios de promoción das estudantes e a aclarar as condicións dos exames de acceso á universidade. 

O ministro Manuel Castells dubida que poidan celebrarse exames presenciais este curso: "Oxalá, pero non o sabemos". E pide ás universidades "consultar" sen demora ás estudantes a fórmula para as avaliacións deste fin de curso.

A Asemblea Nacional das Estudantes Galegas (Anega) salienta que ambas universidades celebraron os seus consellos de Goberno na pasada cuarta feira e aprobaron unhas resolucións reitorais para as que non se tivo en conta a opinión do estudantado.

Máis de 120 estudantes de Primaria e Secundaria mantiveron un encontro dixital con Amparo Alonso Betanzos, María Fernández Hermida, Isabel Expósito Pérez e Patricia Mañana Borrazás, catro mulleres galegas que traballan e investigan en ámbitos relacionados coas novas tecnoloxías

A plataforma Dereitos, Non Parches promoveu unha enquisa para coñecer a situación do alumnado con Necesidades Específicas de Apoio Educativo (NEAE) escolarizado en centros ordinarios galegos, á que responderon máis de duascentas familias. Os resultados reflicten a "insatisfacción xeralizada" coas medidas educativas adoptadas e un empeoramento da atención neste período.

As entidades sindicais presentes na mesa sectorial de Educación salientan que a Xunta ten que blindar o número de prazas convocadas para este ano e permitir engadir as necesarias para o vindeiro curso. 

A conselleira de Educación, Carmen Pomar, mantivo onte un encontro por videoconferencia dos reitores das Universidades da Coruña, Compostela e Vigo, na que chamou a unificar criterios, fórmulas e calendario de avaliación deste final de curso.