entrevista

Juan Carlos Cambas, pianista, fala do seu primeiro disco, A viaxe, que presenta -tras dez anos de traballo en colaboración con 30 artistas de diferentes países- no Teatro Principal de Pontevedra o sábado 17. Para Cambas, este proxecto representa unha travesía tinguida pola emigración entre a Arxentina e a Galiza co obxectivo de, como el di, "sandar esa historia".

María Montes compaxina o seu traballo nunha clínica veterinaria coa ilustración, onde a figura feminina aparece de forma habitual como protagonista. Este protagonismo da muller tamén está presente no proxecto Cartafol de ilustracións do Reino da Galiza, para o que vén de colaborar con dúas obras.

Miguel Domingo García, actor máis coñecido como Miguel de Lira, recibirá o Premio Cinema Galego do Festival Internacional de Bueu (FICBueu), cita que decorrerá entre os días 11 e 24 deste mes. De Lira conversa con 'Nós Diario' da dificultade de exportar os produtos e mesmo de crealos, así como do compromiso coas maneiras de facer e cos proxectos formados por, como el di, "unha linguaxe audiovisual que se pode definir con acento galego".

María Soa e Sara Faro, compoñentes de Fillas de Cassandra, falan do seu nacemento como grupo e a súa busca para atopar o son e o nome que as define. Despois dun verán percorrendo Galiza coa súa música falan da acollida do público e doutras artistas nun panorama musical que, como di Sara Faro, "pode ser unha moda, pero cantas máis persoas se sumen poderemos ser as suficientes como para sostelo no tempo".

Héctor Souto, natural de Chantada, é un dos máis importantes adestradores de fútbol sala con que contamos na Galiza. Desde a selección de Vietnam, ao Parrulo Ferrol e agora en Indonesia, Souto recolle éxitos alá onde vai. Nós Diario conversa con el sobre a súa experiencia así como do estado do deporte na Galiza.

Sandra Guedev, a cantante detrás de hydn (pronunciado como hiden, agochado en inglés), vén de quedar entre as doce artistas favoritas para representar o Estado español no festival de Eurovisión 2023. Coa súa aposta polo galenglish, unha mestura de galego e inglés, e por un estilo definido entre o dark pop e a electrónica, Guedev defende que “agora a xente xa non quere escoitar o de sempre, hai tanta oferta que precisas algo diferente para destacar”.

Marta Domínguez (Vigo, 2001) vén de lograr a cuarta praza no Campionato de Europa de squash, un deporte no que debutou como profesional hai apenas un ano e no que xa accedeu a seis finais, dúas delas gañadas. A viguesa non ten teito e está chamada a facer historia neste deporte, no que xa é a número 69 do mundo.

Entrevistamos a creadora de contido en galego, María Prado Rúa para o caderno de verán de 'Nós Diario'.

Madalena Gamalho, cantante e compositora, presenta o seu primeiro disco en solitario, 'Invento', no que mostra a súa propia evolución vital así como as conexións coa música e a cultura lusófonas. Gamalho fala do proceso de creación xunto con Iván Barreiro, produtor do proxecto, e das reflexións emocionais nadas, como ela di, "de observar as persoas e como reaccionan ante determinadas circunstancias, tamén como unha aprendizaxe sobre min mesma".

Bruno Amaral de Carvalho é um jornalista portugués que na atualidade se encontra no Dombass para relatar de primeira mão o que está a acontecer na guerra. Carvalho é colaborador de 'Nós Diario', o único meio de comunicação do Estado espanhol que tem um correspodente de guerra no território do Dombass.

Entrevistamos o actor Luís Iglesia para o caderno de verán de 'Nós Diario'.

O compositor Hugo Gómez-Chao foi seleccionado para realizar unha residencia artística na Real Academia Española en Roma. Estas residencias, que contan cun enorme prestixio internacional, permitiranlle a Gómez-Chao traballar nun único proxecto durante un ano enteiro até a súa presentación en 2023. O compositor adianta a Nós Diario algunhas das ideas que levará a cabo durante a súa estadía nas residencias. Ademais, Gómez-Chao tamén aborda o festival Resis de música contemporánea, do que é fundador e director.

Elvira Ribeiro, escritora, poeta e tradutora, está a presentar a súa obra Lagarta, Lagarta! que publicou o pasado mes a editorial Galaxia. Ribeiro sinala que se trata dunha historia moi orixinal xa que se pode ler do dereito e do revés; unha estrutura narrativa atractiva e sorprendente para as crianzas. Ademais a peza tamén inclúe "outros niveis cun certo punto crítico e de denuncia", segundo indica a autora. Ribeiro tamén reflexiona sobre a situación da literatura infantil e reivindica a necesidade de promocionar a lingua galega.

Entrevistamos a actriz María Castro para o caderno de verán de 'Nós Diario'.

Days of Poetry and Wine, un dos festivais de poesía de máis prestixio en centroeuropa, celébrase en Eslovenia. En 2017 iniciou o proxecto Carta Aberta a Europa, unha carta que se dirixe a Europa e ao mundo coa vontade de levar a linguaxe da arte e da poesía ao discurso público. O festival selecciona cada ano un poeta, a quen lle dá a oportunidade de abordar os temas que considera máis apremantes. A carta envíase aos membros do Parlamento Europeo, do Consello de Europa e da Comisión Europea e publícase en medios de comunicación de reputación internacional. Chus Pato foi a poeta escollida este ano para redactar a carta e viaxará a Ljubliana para lela no festival.

Paula Otero é nadadora do Club Natación Arteixo e vén de lograr un fito histórico para este deporte na Galiza. Conseguiu o cuarto posto no campionato europeo absoluto de 1.500 metros libres aos seus 18 anos de idade. 'Nós Diario' conversou con ela para coñecer a súa experiencia e os retos de futuro que agora encara.

Entrevistamos o artista Roi Casal para o caderno de verán de 'Nós Diario'.

Rosa Estévez Gantes acaba de publicar 'Soños á beiramar', un conto con ilustracións de Rafa Antón e editado por Kalandraka. A historia ten a ver coa saudade de vivir lonxe do país, da amizade e, como explica a propia autora, "da capacidade que teñen as crianzas de seren felices a pesar das súas circunstancias vitais". Con este conto, acompañado das ilustracións de Antón, que ofrecen gran luminosidade e plástica ao relato, Estévez busca achegar luz e esperanza para curar a morriña.