entrevista

A Central Unitaria de Traballadoras (CUT) vén de reelixir Ricardo Castro como secretario xeral após o decorrer do VII Congreso Nacional do sindicato. Nós Diario conversa con Castro para coñecer as liñas de acción que seguirá o sindicato nos próximos cinco anos así como a importancia da acción sindical.

'Suor' é o novo traballo do Rabelo, rapeiro impulsor dun proxecto artístico que "defende o dereito a ser quen somos para buscar a forma de sobrevivir nun mundo incerto". O seu anterior traballo, 'Que prenda a faísca', conta con diversos temas que tiveron unha grande acollida por parte do público como Somos legiom ou 'Sê mais cam'. 'Nós Diario' conversa co músico sobre Suor e sobre o panorama actual da música en galego.

O Sinn Féin vén de conseguir ser a forza máis votada en Irlanda do Norte por primeira vez na súa historia. 'Nós Diario' conversou con Martina Anderson, responsábel das relacións con Europa deste partido, sobre a formación de Goberno en Irlanda do Norte e os principais retos que tería o Sinn Féin no liderado do Executivo.

Miguel Sande resultou gañador do XXV Premio Johán Carballeira de Poesía convocado polo Concello de Bueu. O seu poemario, Brinde e desespero, salientou de entre cincuenta e sete obras presentadas nesta edición. Este poemario continúa, segundo el mesmo confesa, coa liña estilística e temática iniciada con Os filósofos xa non brindan con cicuta (Afundación, 2019). Este novelista e poeta conversa con Nós Diario sobre a obra galardoada e a súa profesión de xornalista.

Esta sexta feira cumprem-se 20 anos da restauração da independência de Timor-Leste, o primeiro Estado em se constituir no século XXI. No aniversário desta histórica data, Nós Diario conversa com Abraão Santos, diretor do Museu da Resistência Timorense e ex-membro da guerilha que lutou pela liberação do país.

No titular di 'Valtònyc', pero seguramente sería máis correcto 'Josep Miquel Arenas'. Na entrevista que ten a continuación atopará máis que nunca a persoa que hai detrás de Valtònyc. Detrás daquel home forte, que sempre ten unha resposta elocuente, hai unha persoa que leva máis de dez anos sufrindo por se ten que entrar en prisión. Díxoo pouco. Non quixo mostrar as súas debilidades. Pero, agora que derrotou España definitivamente, agora que a Fiscalía xa anunciou que non recorrería contra o rexeitamento á extradición, quíxose mostrar tal e como é, nesta entrevista en VilaWeb. A única que concederá. Confesa que fechou unha etapa e agora quere vivir. Quere gozar da liberdade que lle quitaron hai dez anos, cando só tiña dezaoito.

Adiante Andalucía concorre ás eleccións andaluzas de 19 de xuño como unha coalición de esquerda sen dependencia de forzas estatais. Nós Diario conversa con Teresa Rodríguez, líder e candidata desta formación, sobre as posicións políticas que defende e a súa aspiración de consolidar un espazo político andalucista.

Mohamed Safa viviu a ocupación israelita sobre Palestina desde 1967 até que saíu da súa terra, en 1976. O escritor e activista vive actualmente en Cee, onde exerce como oftalmólogo. Nós Diario conversa con Safa sobre a situación en Palestina, cuestión que analizará este 10 de maio (20 horas) en Santiago nunha palestra na Fundación Araguaney organizada pola Fundación Galiza Sempre.

O biólogo Roi Cuba (Lugo, 1987), presidente da Asociación para a Defensa Ecolóxica da Galiza (Adega) conversa con Sermos Galiza sobre as necesidades do país en termos de ecoloxía e os retos de futuro que enfronta. A invasión eólica, a eucaliptización ou o baleirado de encoros son problemáticas de transcendental importancia para o presente do país e para as futuras xeracións de galegas e galegos. 

Iria Veiga (Ferrol, 1981) é médica psiquiatra no Sergas e divulgadora científica. O interese pola ciencia vénlle de lonxe, pois da infancia lembra a serie 'Cosmos' e o libro 'O universo', de Isaac Asimov. Estas obras inspirárona para decantarse pola ciencia e a Medicina e para transmitir coñecementos complexos aos seus pacientes e ao público. Nos últimos anos, subliña, lográronse importantes avances na ciencia a prol da igualdade; mais, precisa, "mentres non haxa un reparto equitativo dos coidados, as mulleres nunca poderemos competir en igualdade de condicións".

Daniel González Palau (Barcelona, 1983) é director do Instituto Galego de Análise e Documentación Internacional (Igadi) desde 2017, un think tank relevante nas Relacións Internacionais, especialmente no relativo ao estudo da emerxencia da China e ten unha forte traxectoria de compromiso coas políticas públicas de acción exterior. Sermos Galiza conversa con el sobre a traxectoria e o futuro desta organización centrada na proxección internacional da Galiza e no entendemento do mundo desde o noso país.

A coordinadora do grupo de investigación Dereito Público Global-Observatorio do Litoral da UDC, Marta García, intervirá este sábado na Coruña no marco das xornadas 'A enerxía eólica mariña nas augas españolas, solución ou problema'. Nós Diario conversa coa profesora García a respecto da polémica sobre a eólica mariña.

Omar Mansur, actual ministro de Interior da República Árabe Saharauí Democrática, analiza o estado actual do conflito con Marrocos e a nova postura adoptada polo Goberno español. Mansur, nunha entrevista co medio vasco Berria, insta Rabat a permitir un referendo de autodeterminación no Sáhara Occidental.

Alberto Oubiña, concelleiro de Normalización Lingüística en Pontevedra, conversa con 'Nós Diario' a redor do novo coleccionábel deste xornal sobre as voces galegas no exilio, que conta co apoio da súa área. Oubiña pon en valor a contribución de todos os homes e mulleres que "deron a vida pola lingua e a cultura do país".

Após a convalidación do decreto 'anticrise' no Congreso dos Deputados, 'Nós Diario' conversa co portavoz do BNG na Cámara Baixa, Néstor Rego —cuxo voto foi decisivo nunha axustada votación— sobre os compromisos que a formación nacionalista "arrancou" ao PSOE no proceso de negociación do citado decreto.

Arkaitz Rodríguez, secretario xeral do partido vasco Sortu, visitou esta quinta feira a Galiza para participar nunha palestra organizada pola Fundación Galiza Sempre, que levou por título 'Unha ollada estratéxica desde Euskal Herria'. Nós Diario mantivo unha conversa con Arkaitz Rodríguez aproveitando a súa estancia no noso país.

Elena Ferro (Merza, 1975) criouse "entre zocos e feiras". O seu avó, Perfecto, deu vida en 1915 a un pequeno negocio artesán que máis dun século despois segue operativo. Baixo a marca Eferro, Elena mestura tradición e modernidade nos seus deseños para demostrar que os zocos son pasado pero tamén futuro; ao igual que as aldeas como Merza, que reivindica como lugar idóneo para emprender un negocio. "Hai que coidar o que nos dá de comer", di, e o mesmo criterio aplica á situación da lingua galega: "Se os nosos nenos e nenas non falan galego perderemos parte da nosa cultura".

O antropólogo e analista internacional Alejandro López é coordinador no medio de comunicación Descifrando la guerra, especializado no seguimento e na análise da política internacional. López vén de publicar o libro 'Ucraína. O camiño cara á guerra', Nós Diario fala co autor sobre esta publicación.

O nome de Joe Cleverley (Manchester, 1985) pode que non sexa o máis coñecido entre o gran público, pero agocha unha historia de superación na que á súa introdución tardía nun deporte tan duro como o maratón engade o feito de ser un namorado da Galiza que presume con orgullo, ademais, 
de falar galego.

Xosé Luís Rivas Cruz, Mini, o home da longa barba branca. Un elemento característico dun persoeiro dedicado á docencia, á música, á política... Conta que a barba era símbolo de rebeldía nalgún tempo, que era unha forma de rabuñar espazos de liberdade. “Por iso deixabas as greñas, falabas galego... iso era o que provocaba, de iso se trataba”.