feminismo

Nun acto en Compostela con motivo do 8 de marzo, Pontón acusou a Feixoo de "faltarlle o respecto ao feminismo".

O caderno deste sábado, que atoparás nos quiosques e puntos de venda habituais xunto co Nós Diario, tamén inclúe unha entrevista coa autora María Reimóndez e unha análise da arquitectura do estudo Ansede Quintáns.

O movemento feminista galego e os sindicatos convocan para esta segunda feira, 8 de marzo, ducias de mobilizacións, descentralizadas, en espazos abertos e con medidas de seguridade, con motivo do Día Internacional da Muller Traballadora.

Corpos exhaustos de mulleres escravizadas sexual e reprodutivamente. Mais corpos, tamén, axentes. Disidentes. Rebeldes. E diversos. De humanas ou de seres vexetais. A eles dirixe o seu ollar Cobiza, (Xerais), a novela coa que María Reimóndez gañou o I Premio Literario Pinto e Maragota á diversidade sexual e de xénero. Falamos coa autora desta e doutras obras súas recentes, entre elas a última entrega do seu Ciclo dos Elementos, a serie na que indaga na construción de redes de afectos afastadas dos códigos da familia patriarcal tradicional.  

Sen facer demasiado ruído, mais centrándose no que é substancial e ten repercusións nas vidas das persoas, Mulleres en Acción, un foro xurdido no seo da Mostra Internacional de Teatro Cómico e Festivo de Cangas hai xa máis de vinte anos, é xa unha referencia inevitábel no debate feminista, un punto de encontro de pensadoras e activistas que fornece de ideas e proxectos o pensamento das mulleres e para as mulleres.

Na Galiza comunicáronse xa 85 manifestacións á Delegación do Goberno español

Os colectivos feministas reaccionan ante a manobra de Feixoo de traer as Medallas Emilia Pardo Bazán ao Pazo de Meirás o vindeiro 8M.

"O feminismo non branquea o fascismo" foi o lema empregado nas redes por activistas feministas denunciando que a Xunta quere empregar o 8-M e a figura de Pardo Bazán para "branquear o franquismo". Pola súa banda, o presidente da Xunta, Alberto Núñez Feixoo, asegurou nun acto sobre Pardo Bazán que "o tempo situará no seu sitio a quen se apropie do feminismo o use  como arma de confrontación política".

O movemento feminista da Galiza convoca unha folga de mulleres de 24 horas para o vindeiro 8 de marzo e chama a ocupar as rúas. Por segundo ano consecutivo, os coidados estarán no centro das súas reivindicacións.

'Dona Concha' ostentou o cargo entre 1925 e 1930, e foi unha mestra e alcaldesa moi querida pola veciñanza.

A Marcha Mundial das Mulleres encara 2021 coa vontade de seguir na rúa. "Organizarse politicamente tamén é unha actividade esencial", asegura Ximena González. 

Graduada en Comunicación Audiovisual pola Facultade de Ciencias Sociais de Pontevedra, na Universidade de Vigo (UVigo), María Tenorio foi merecedora do galardón Sofía Novoa de perspectiva de xénero que organiza a Deputación de Pontevedra, polo traballo Miradas cruzadas: unha visión comparada sobre o tratamento informativo da cuarta ola feminista tras a irrupción do movemento #MeToo en España e Brasil: El País e Folha de São Paulo (2017-2018). 

A asociación compostelá de Maternidades Feministas MaterFem elabora un informe sobre as distintas violencias vinculadas á maternidade, no que se inclúe a percepción de máis de 250 participantes.