Forneceu ao feminismo dunha poderosa ferramenta de análise ao sinalar o rol subordinado da muller na sociedade. A visión de Simone de Beauvoir achegou as bases para as loitas feministas nos 60 e nos 70. Con todo, "O segundo sexo" recibiu durísimas críticas tras a publicación da súa primeira parte, da que se veñen de cumprir setenta anos.
O concello de Pontevedra loce un mural feminista de grandes dimensións que transforma o espazo público e racha coa memoria silenciada, visibilizando as mulleres na historia da cidade do Lérez. Unha obra de arte que pretende servir de encerado para ensinar unha historia que deixe de ser aprendida en gris para coñela cos lentes violetas.
O Parlamento reclama á Xunta a elaboración na presente lexislatura dun plan de arquivos con perspectiva de xénero. A proposición non de lei foi presentada polo BNG logrou o apoio unánime dos grupos da cámara galega. Preténdese rematar así “co desleixo da Xunta” en materia de arquivos e documentos e incorporar a perspectiva feminista na xestión e difusión da memoria arquivística galega.
A ordenanza municipal da Coruña para a igualdade na diversidade impulsada pola Marea Atlántica contou co apoio unánime dos grupos políticos no pleno. Con ela procúrase elevar a igualdade como un compromiso principal do concello, agora e no futuro, goberne quen goberne.
Unha sentenza exculpa o garda civil que denegou auxilio a Margarita Dopico, horas antes de que o seu ex marido asasinara o seu fillo. Denuncian o fallo xudicial por ser violencia institucional, xa que ademais responsabiliza a muller de non trasladar de forma clara o "terror que estaba a sufrir".
Así como Ciudadanos apenas lle dedica dúas medidas ás políticas de igualdade, outras forzas, nomeadamente En Común-Unidas Podemos; BNG, PSOE ou En Marea fan das políticas feministas unha das pedras angulares dos seus programas electorais.
Unha colección da Comisión de Igualdade do Consello da Cultura Galega recolle as revistas de corte feminista editadas en galego ao longo de 30 anos. Sermos Galiza percorre estas publicacións pioneiras.
Ser muller no mercado laboral galego equival a dicir peores soldos e prestacións, maior temporalidade e precariedade ou máis risco de acabar no desemprego. Unha realidade que non se poder xeneralizar a todas e cada unha das mulleres mais que si conforma unha desigualdade case estrutural. Eis un extracto da reportaxe publicada ao respecto no número 337 de Sermos Galiza.
![[Imaxe: SG] Muller lendo](/asset/zoomcrop,480,270,center,center/media/nosdiario/images/2019/03/06/2019030618470219943.jpg)
O pasado 8M aínda deixa sentir os seus efectos, tamén no editorial. Abundan as publicacións sobre feminismo, algunhas centradas xustamente no gran paro de 2018. Mais o movemento de emancipación da muller e os seus libros posúen tradición de longa data. Eis un extracto da reportaxe publicada no número 337 de Sermos Galiza.
![[Imaxe: SG]](/asset/zoomcrop,480,270,center,center/media/nosdiario/images/2019/03/06/2019030618324724928.jpg)
No momento en que a imaxe do Che Guevara tomada polo fotógrafo Korda en 1960 virou anos despois nun motivo ornamental de camisolas de milleiros de persoas en todo o mundo quedou claro que a capacidade do capitalismo non coñece límites de ningún tipo, tampouco os éticos ou morais. O aproveitamento do movemento feminista polas firmas do téxtil representan un claro exemplo. Eis un extracto dunha reportaxe publicada ao respecto no número 337 de Sermos Galiza.
![[Imaxe: Belén Bouzas] María Reimóndez](/asset/zoomcrop,480,270,center,center/media/nosdiario/images/2019/03/05/2019030522461258680.jpg)
María Reimóndez (Lugo, 1975) foi unha das mulleres que leron o manifesto da mobilización feminista do 3 de marzo. Conversamos con ela sobre a xornada reivindicativa do 8 de marzo e sobre a situación do movemento feminista na Galiza.
Decenas de convocatorias en cidades e vilas de todo o país chaman as mulleres a pararen a produción esta sexta feira 8 de marzo con motivo da greve polo Día Internacional da Muller Traballadora.
Mulleres sen cancelas é o nome co que a asociación cultural Alexandre Bóveda bautizou o seu roteiro pola memoria feminina da Coruña. Será o vindeiro sábado, 9 de marzo, entre as doce e as dúas do mediodía, entre o Obelisco e a praza da María Pita.
![[Imaxe: CIG]](/asset/zoomcrop,480,270,center,center/media/nosdiario/images/2019/03/03/2019030314030759142.jpg)
Milleiros de mulleres procedentes de todos os recunchos de Galiza secundaron este mediodía a manifestación convocada pola plataforma Galegas8M para exisir a igualdade real. O manifesto lido na Praza da Horta do Seminario por María Gueimonde e María Osorio incidiu na urxencia de lexislar para rematar co heteropatriarcado e con todas as formas de discriminación que persisten na actualidade.
Milleiros de mulleres manifestáronse esta mañá en Lugo convocadas pola plataforma Galegas8M baixo o lema "Por todas as mulleres, por todos os dereitos: revolta feminista". A organización fala de "éxito incontestábel" e anima a secundar a folga do vindeiro venres [Nova en ampliación]
