Arredor de cincocentas persoas reclamaron en Montecubeiro o fin da impunidade e a penalización da apoloxía do franquismo. A só uns vinte quilómetros de Baralla, a homenaxe ás vítimas do franquismo clamou tamén pola xustiza coa súa memoria.
O deputado de Amaiur Jon Iñarritu denunciou que na tenda da Cámara baixa exponse un exemplar da 'Carta Magna' que ten lemas como “Una, Grande y Libre”.
A aldea de Montecubeiro -veciña de Baralla- converteuse nun inferno despois do golpe militar de 1936. A Iniciativa Galega pola Memoria escolleu esta parroquia de Castroverde para celebrar o Acto Nacional en Desagravio ás Vítimas do Franquismo que terá lugar o próximo día 13 de outubro ás 12.30. O ex-director da UNESCO Federico Mayor Zaragoza asistirá ao acto.
Sería inconcebíbel que un dirixente da CDU, o partido que acaba de gañar as eleccións alemás, dixese dun seu correlixionario que facer apoloxía de Hitler é un chiste.
A Deputación de Lugo homenaxeará o conxunto de persoas que sufriron a represión en Lugo a instancias do BNG. O grupo nacionalista fai un chamamento á cidadanía para que participe no pleno que terá lugar esta terza feira 24 de setembro ás 11.00 horas.
Non sei se son capaz de saber o que viviron, sentiron ou pensaron os milleiros de persoas que dun xeito ou doutro sufriron a represión franquista. Que sentimentos abrollarán nunha persoa que sabe que o seu destino é morrer na cuneta dun tiro na cabeza?
![[Imaxe: Xose Salgado]](/asset/zoomcrop,480,270,center,center/media/nosdiario/images/2013/08/22/2013082212273823608.jpg)
A portavoz do grupo popular, Paula Prado, converte o debate parlamentar nun tira-puxa sobre "réximes totalitarios" en que equipara China, ETA e Resistencia Galega coa ditadura franquista. A oposición acusa o PP de querer "distraer a atención" e amparar nas súas filas a herdeir@s da ditadura.
A imaxe da cruz do Castro continuará impóndose sobre a cidade de Vigo. Os doce metros do símbolo franquista seguirán presidindo o popular parque situado fronte ao Concello, sinalando o punto cero da represión, despois de que o pleno rexeitara grazas á abstención do PSOE e á oposición do PP a proposta do BNG que reclamaba o seu derrube.
Chabacuco 955. Federación de Asociacións Galegas. 3 de setembro. A constitución da Plataforma Arxentina de Apoio á Querela contra os crimes do franquismo encheu o centro que garda a memoria de Castelao, Seoane, Suárez Picallo, Lorenzo Varela, Ramón de Valenzuela ou Arturo Cuadrado entre outras moitas vítimas da represión do franquismo. O Congreso arxentino mostrou o seu apoio á investigación.
Retratouse co uniforme da Falanxe, apoiou a Blas Piñar e defendeu a violencia cando “se ofende a Dios y a la Patria”. Trátase da artista Charo Reina, que estará no programa do San Foilán en Lugo.
Debullamos canto de franquismo hai no ADN do PP, intentamos comprender que hai detrás do inminente ataque contra Siria ou achegámonos ás iniciativas cidadáns que, ante o desleixo da Xunta, queren poñer fin ás vagas de incendios que todos os veráns arrasan os montes galegos
González Capón declinou, máis unha vez, presentar a súa demisión por afirmar que "os que foron condenados a morte [no franquismo] será porque o merecían" nunha sesión plenaria á que asistiron perto de 200 persoas. O rexedor do PP reafirmou o dito e "fixo o saúdo fascista" á saída do consistorio, apunta un participante no pleno de Baralla
A organización frontista quer converter a sesión extraordinaria na que se tratará a demisión do alcalde polas súas declaracións, nunha homenaxe @s represaliad@s do Concello
BNG e PSOE piden a súa dimisión, pero o rexedor non pensa deixar o cargo ao sentirse apoiado polo PP a nivel nacional.
Nun Cantón dos Morenos ateigado por volta de 400 persoas o BNG da Mariña lembrou e homenaxeou ás 152 persoas represaliadas polo franquismo após o golpe de estado de 1936. "É hora de mudar a historia" afirmou o responsábel local da organización frontista, Marcos Loureiro
Os nomes de Navarret, Margolles, Fariñas, García, os Torviso ou “O Barquillero” ou Rosalía Alonso están entre os máis de 23 asasinados. José Fernández rematou en campos de concentración e outros como López Durá ou Pérez Prieto tiveron que se exiliar.O BNG homenaxea o domingo día 18 aos máis de 152 veciños e veciñas de Ribadeo que sofriron represión despois de 1936
O 12 de agosto realizarase un acto político en Ferrol na súa lembranza coincidindo co 38 aniversario da súa morte
Nin pedir a demisión do alcalde de Baralla nin disculpa ás vítimas da represión. O PP négase a condenar o franquismo e opta por se erguer da Xunta de Portavoces da Deputación, convocada polo BNG despois das declaracións nas que González Capón xustificaba a violencia franquista porque, segundo dixo, as vítimas "o merecían".
A petición do BNG, este venres reunirase a xunta de portavoces da Deputación de Lugo co fin de tomar unha postura arredor das declaracións do alcalde de Baralla, membro do organismo. O PP terá que decidir se pide disculpas ás vítimas e se obriga a que González Capón poña o seu cargo a disposición.
Colectivos sociais, organizacións políticas e asociacións de recuperación da memoria esixiron ao PP que condenase o franquismo e cesase ao alcalde de Baralla polas súas declaracións apoloxéticas da represión franquista. A dirección do PP continúa sen se pronunciar sobre o tema do que foron interpelados, en especial, os representantes na Deputación de Lugo -da que González Capón é membro- e o propio presidente Núñez Feijóo.
