fútbol

O Celta definirá obxectivos o domingo fronte ao Valladolid.

A escuadra celeste aspira a gañar o seu primeiro partido en dous anos sen o de Moaña. Tamén o Lugo ten que sumar os tres puntos para non descolgarse de todo dos postos de 'play-off'. E, pola súa banda, na Segunda B, Dépor-Rácing e Compos-Pontevedra protagonizan un duplo derbi galego cheo de necesidades. 

Malas novas para o presidente da Liga de Fútbol Profesional. Nun novo xiro desa novela inacabábel que é o 'Caso Fuenlabrada', Nós Diario tivo acceso a un informe pericial encargado polo Goberno galego que cualifica de "neglixencia grave" tanto a actuación da entidade presidida por Tebas como a do conxunto madrileño.

Máis regate que Garrincha. Máis tentáculos que un polbo. Máis vidas que un gato. Así é Javier Tebas, o intocábel presidente da Liga de Fútbol Profesional (LFP), un axioma que volve ser confirmado logo do arquivo por parte da Fiscalía Provincial de Madrid da enésima denuncia que recibe o mandatario.

Houbo que agardar até a xornada 14 para que ningún dos seis equipos galegos da Segunda División B coñecese a derrota. O Dépor superou o Guixuelo (1-0), o Celta B o Zamora (0-3) e o Pontevedra o Salamanca (1-3), mentres que o Coruxo apañou un meritorio punto ante o líder Unionistas (0-0) e Compos e Rácing empataron a un gol.

As escuadras galegas da LFP, abonadas a competir nas sextas e nas segundas feiras. Xa que logo, a Segunda B torna no último reduto dos tempos tradicionais do fútbol, xogándose todos os partidos desta xornada o domingo ás 12 (Coruxo-Unionistas), 16 (Salamanca-Pontevedra), 17 (Dépor-Guixuelo e Zamora-Celta B), e 19 horas (Compostela-Rácing).

Álex López (Ferrol, 1988) ten as ideas moi claras: "O Rácing ten que pelexar por subir". Mais a batalla polo ascenso está moi complicada para o conxunto ferrolán, que na xornada de onte despediu Emilio Larraz despois de dous anos e medio á fronte do primeiro equipo logo da derrota na casa ante o Salamanca UDS.

Como diría Mafalda, o que está pasando no Dépor non é o "acabouse", senón o "continuose do empezouse" dun proceso que se iniciou en 2007 coa eliminación do límite de posuír máis de 1% das accións e que levou a que o club estea agora en mans dun banco que acaba de instalar no cargo de presidente un ex conselleiro de Fraga.

A derrota ante o Coruxo foi a gota que desbordou o vaso da paciencia de Abanca, accionista maioritaria do Real Club Deportivo. Nunha comparecencia de urxencia na tarde de hoxe, o presidente Fernando Vidal recoñeceu que Abanca lles sinalara "a porta de saída", e pouco despois Antonio Couceiro era confirmado como o seu substituto. 

Difícil xornada ligueira para Celta e Lugo, que chocarán co intratábel Atlético de Madrid e co sempre perigoso Español, respectivamente. Pola súa banda, na Segunda B destaca o derbi galego entre Coruxo e Dépor, a vida ou morte para uns branquiazuis costa abaixo e sen freos que levan dous meses sen gañar. 

A morriña é un mal endémico dos galegos e galegas do que non escapa a futbolista coruñesa Sheila Sánchez (A Coruña, 1994), quen en 2015 emigrou perseguindo o soño de ser futbolista a unha Austria que, igual que acontece aquí, vive inmersa nun día a día totalmente condicionado pola pandemia da Covid-19.

Rematou o período de fichaxes para os equipos galegos da Primeira, Segunda e Segunda División B. Salvo o Compostela, todos reforzaron o seu cadro de xogadores con chegadas de última hora, aínda que a crise económica fixo que as baixas fosen máis soadas que as altas, destacando as de Olaza no Celta e Rolán no Deportivo. 

Intensa xornada para o fútbol galego, na que o Celta sacou un empate de Granada e o Lugo caeu na casa do Leganés, un rival directo. Na Segunda B, o Dépor afúndese ante a presión de Compos (vitoria ante o Coruxo), Rácing (empate en Zamora), e Celta B (empate co Pontevedra), que ademais aínda teñen partidos adiados pendentes de disputar.

A estrela do Celta volve xusto a tempo para disputar un partido no que unha derrota sería a fin das aspiracións europeas celestes, mesma situación na que se atopa o Lugo con respecto aos postos de 'play-off'. Na Segunda B os focos estarán en Riazor, onde un Dépor en crise recibe o intratábel líder da categoría, Unionistas. 

O mes de xaneiro é ao mundo do fútbol o que setembro ao estudantado das xeracións anteriores ao 'Plan Boloña': ese momento do ano no que tratar de amañar a toda présa unha serie de males que non se solucionan con parches. Por iso -alerta spoiler- o máis posíbel é que a cousa non saia ben, como demostra este percorrido pola historia das incorporacións do Celta no que vai de século XXI.

Xornada de contrastes para os equipos galegos de Primeira, Segunda e Segunda B. Celta e Lugo empataron e gañaron, respectivamente, mentres que na categoría de bronce o Pontevedra caeu ante Unionistas, Coruxo superou na casa o Salamanca e o Dépor perdeu en Riazor no derbi da xornada ante un Compostela que foi moi superior.

Os equipos galegos de Primeira, Segunda e Segunda División B disputan esta fin de semana unha xornada futbolística á vella usanza, con partidos programados durante a fin de semana, entre os que destacan o duelo entre Celta e Eibar, o Lugo-Tenerife e o derbi galego en Riazor entre Dépor e Compostela.

Se esta reportaxe fose un libro, tería que titularse 'Auxe e caída do Deportivo Abanca', pois en menos dun ano o coruñés pasou de ser o equipo revelación da Liga ao fechacancelas. Por sorte, aínda non é tarde para reverter a situación, e as de Manu Sánchez terán mañá en Valencia unha oportunidade para sumar tres puntos de ouro.

O Real Clube Celta de Vigo afronta mañá (21.30 horas, Gol TV) un partido chave para determinar as aspiracións do conxunto celeste esta tempada, pois de caer derrotado perdería definitivamente o tren que dá acceso a postos europeos. 

Co Celta e o Lugo sen partidos programados esta fin de semana, todo o protagonismo recae nos conxuntos galegos da Segunda División B, en especial nun Deportivo que estrea adestrador após cesar Fernando Vázquez, así como no derbi que disputarán en Pasarón dous equipos que necesitan gañar: Pontevedra e Rácing Clube de Ferrol.