gandaría

Fruga afirma que de non ser pola presión feita polo sector de vacún de carne, "agora contaríase cun recorte máis nunha actividade onde os custos de produción seguen disparados e os prezos da carne seguen estancados desde fai décadas"

A Federación Rural Galega (Fruga) pon a disposición das explotacións afectadas polos impagos servizos de asesoría xuridica e exixe á Xunta de Galiza que "asuma as súas responsabilidades" após conceder axudas públicas á factoría por valor de 9 millóns de euros, cando a empresa recollía perdas mensais de até 400.000 euros ao mes.

O sector leiteiro atópase, máis unha vez, na agonía. Cómpre un ente que faga de árbitro e que garanta que os prezos que a industria paga por cada litro de leite cubran, polo menos, os custos de produción. A Xunta vén de dicir que fará ela as veces de mediadora. Xa o dixo noutras ocasións, e faltou á verdade. Tomámoslle o pulso a este novo preacordo e contámosche por que se tira co leite

As asembleias d@s traballador@s do agro estudan se se levanta o paro nas entregas de leite e se acepta a palabra da consellaría do Medio Rural, que puxo riba da mesa o compromiso de que o prezo do litro fose subindo até cubrir, en xaneiro, os custos de produción. Boa vontade no sector cara a desconvocar o paro á espera de coñecer canto cobrarán, sempre advertindo de que ''as mobilizacións pódense retomar''

@s gandeir@s galeg@s protagonizaron unha nova xornada da folga de entrega de leite en demanda duns prezos xustos. Malia as perdas económicas que esta medida "desesperada" lles ocasiona, uns 300 euros por explotación e día. Malias presións de algunhas empresas para que poñan fin á protesta. E malia o desleixo da Xunta, que tenta escurrir as súas responsabilidades na situación.

A folga de entregas está a paralizar a recollida de leite na Galiza, nunha protesta sen precedentes que xungue a demanda d@s gandeir@s dun prezo xusto para este produto co defensa do futuro dun sector (65.000 empregos) e do rural galego. Gandeir@s de diferentes comarcas do país cóntannos os motivos para se implicaren nesta mobilización

O sector lácteo galego deixará de entregar unhas 6.000 toneladas ao día, nunha mobilización que está a ter un amplo seguimento, segundo @s convocantes. A protesta procura poñer fin ao escenario de baixos prezos que soportan desde hai tempo e que aboca ao peche a non poucas explotacións

@s nacionalistas amosan o seu apoio ás mobilizacións do sector lácteo do vindeiro 27 e acusan a Xunta de abandonar @s gandeir@s "ao pé dos cabalos". No último lustro este sector veu como mermaba o seu poder adquisitivo en máis dun 40%

Organizacións de produtores preparan a partir da vindeita terza (6 de novembro) un calendario de mobilizacións en que se propoñen mesmo desabastecer o mercado. O obxectivo é exixir solucións para un sector afogado polos baixos prezos do leite, os máis baixos do Estado español

As organizacións Fruga, Sindicato labrego, Unións agrarias e Xóvenes agricultores, arrincan un compromiso do director xeral de Medio rural: manter unha xuntanza o día 9 deste mes. Mais xa lle advirten de que o contrato ''será unha ferramenta cando contemple un prezo que nos permita vivir do noso traballo, non antes''

A provedora desta cadea de distribución, Iparlat, mantivo xuntanzas nestes días con produtor@s da Terra Chá e comprometeu un incremento na cantidade que paga por este alimento. A central agraria reclama que deixe de ser un produto reclamo, pois 66.000 empregos dependen do sector leiteiro

A Comisión Nacional de Competencia vén de incoar expediente sancionador a Asociación de Empresas Lácteas de Galicia e outras oito compañías por posíbeis conductas acticompetitivas.

A continuidade da popular feira do gando de Santiago colga dun fío. Unha orde de peche do mercado dada por Conde Roa puña punto e final á súa actividade o 31 de decembro de 2011, mais a mobilización cidadá conseguiu parar os pés ao Concello. Tras acordar c@s gandeir@s un calendario que abranxía todo 2012, o novo rexedor compostelán, Ángel Currás, anuncia máis unha vez o peche do recinto feiral para beneficiar a Semana Verde, cuxa fundación preside Alfonso Rueda

A Federación Rural Galega (Fruga) exixiu esta terza feira á Consellaría do Medio Rural a posta en marcha da Mesa de Interlocución Láctea da Galiza ante a chegada dos novos contratos de compra ás explotacións leiteiras galegas como consecuencia das renovacións do mes de abril, os cales implican "unha baixa que varia entre dous e catro céntimos por litro dependendo da empresa". "Estamos ante unha baixada que en ningún caso é xustificada, e que vai supor dificultades para moitas gandarías galegas, especialmente para as explotacións máis intensivas, tendo en conta que calquera baixada no prezo do leite nestas granxas supón unha importante mingua dos ingresos", explicou a Fruga. "Esta baixada dos prezos non se leva adiante en base ás variacións que se poden dar nos custos de produción, senón que deriva principalmente de cuestións de mercado", sinalou o sindicato. "As variacións nos prezos, neste caso cara abaixo, responden única e exclusivamente aos intereses das propias industrias e a operacións especulativas no mercado mundial cos derivados lácteos", engadiu a organización. Por isto, a Fruga quixo deixar patente "a indefensión que padecemos os gandeiros e as gandeiras galegas" e que as Administracións "miran para outro lado".