guerra

Analistas consideran o aumento dos ataques ucraínos contra territorio ruso como o comezo estratéxico da contraofensiva militar ucraína, namentres, Rusia transmitiu que está a valorar a resposta ao ataque con drons dirixido contra o presidente Putin.

O Kremlin denuncia un intento de asasinar a Putin por medio de dous drons, unha acusación que Ucraína nega no día que o presidente Zelenski se desprazou a Helsinki.

Moscú fala de “acto terrorista planificado” e di que “se reserva o dereito de adoptar medidas en resposta”.

Francisco reuniuse con Orbán e un bispo ortodoxo durante a súa viaxe a Hungría, insinuando que debateu con ambos os dous as vías para acabar coa guerra en Ucraína.

A invasión rusa de Ucraína levou a un incremento pronunciado do prezo dos alimentos que se viña producindo desde a pandemia da Covid-19. Un ano despois, a baixada do prezo a nivel global percíbese nos mercados mundiais, mais non nos fogares.

A cuarta tregua non frea os combates e o diálogo acordado foi descartado polos militares, o que dificulta unha resposta humanitaria xa insuficiente, polo que a Unión Africana reclamou axuda.

A OTAN critica que Beijing non condene Rusia mais dá a benvida ás conversas, reiterando que enviou practicamente todo o equipo militar solicitado por Kíiv para a súa contraofensiva.

Un enviado especial da China viaxará a Ucraína e outros países implicados na guerra para negociar un acordo que acabe co conflito, conviron onte o presidente ucraíno, Volodimir Zelenski, e o seu homólogo chinés, Xi Jinping, nunha conversa telefónica.

Altos cargos de Omar al Bashir terían fuxido de prisión no marco dos combates, porén, o Exército confirmou que o líder derrocado en 2019 continúa preso.

Enfrontamentos constantes en Porto Príncipe derivan nun incremento da violencia. Nese sentido, produciuse un linchamento sen que fique confirmado se foi responsabilidade da veciñanza ou dos axentes da Policía.

Críticas no Sudán pola evacuación dos estranxeiros durante o lapso dunha tregua que non se cumpriu, como aconteceu cos anteriores alto o fogo.

Os EUA xa evacuaron todo o persoal diplomático e fecharon a embaixada. Tamén o Estado español, Francia ou o Reino Unido preparan as repatriacións.

Máis de 600 persoas faleceron nos combates no Sudán segundo as autoridades, mentres que a Organización Mundial da Saúde sinala que hai máis de 3.500 persoas feridas.

O incumprimento dos "alto o fogo" e a percepción xeneralizada no Sudán de que os líderes do Exército e os dos paramilitares están a buscar a eliminación do opoñente antes de valorar a posibilidade de negociacións de paz, impulsa a fuxida de milleiros de persoas deste país africano. A situación no Sudán é límite, pois xa antes do comezo dos combates precisaban axuda case 16 millóns de persoas.

David Minoves é presidente do Centre Internacional Escarré per a les Minories Ètniques i Nacionals (Ciemen).

Milleiros de persoas escapan da capital sudanesa ao decatarse que as partes non estaban dispostas a cumprir o alto o fogo, entre cortes das subministracións e constantes saqueos.

Malia o alto o fogo dun día -que segundo os residentes en Khartún non se cumpriu- non hai indicios de que as negociacións poidan frear os combates no Sudán, co Exército insistindo en que non aceptará negociar até acabar cos paramilitares das Forzas de Apoio Rápido e a poboación alertando da falta de auga, comida e luz.

Os presidentes de Rusia e Ucraína dialogan cos militares na fronte da guerra, ao tempo, Romanía quere prohibir tamén o gran ucraíno e unirse a Polonia, Hungría e Eslovaquia.