igualdade

A concesionaria da AP-9 non ten ningunha muller en postos directivos

A facultade de Informática da Coruña convoca mañá a participar nun wikimaratón organizado dentro da programación polo 8 de marzo, que busca ampliar a Galipedia con 50 nomes de mulleres relevantes na historia, para ampliar o coñecemento igualitario e pechar a fenda de información dixital.

Un estudo realizado pola Universidade de Vigo na súa comunidade alerta do alto grao de descoñecemento do concepto de violencia de xénero e das súas características. Segundo conclúe, unha de cada  tres persoas –maioritariamente varóns– incluíu nas súas respostas "elementos negacionistas".

A portavoz nacional do BNG, Ana Pontón, avanzou este domingo que o programa da formación nacionalista de cara ás eleccións  do 5 de abril incluirá a redacción dunha nova lei galega de igualdade e unha "valeduría" destinada a "combater calquera tipo de discriminación contra as mulleres".

 

As primeiras mobilización do oito de marzo ateigaron este domingo as rúas en cidades como A Coruña, Compostela, Lugo, Ourense ou Ferrol, que secundaron a convocatoria do feminismo galego, coa consigna de visibilizar o traballo de coidados que recae nas mulleres. 

A avogada Montserrat González, directora do Centro de Información á Muller (CIM) de Bueu, acaba de asumir a presidencia da Asociación de Profesionais dos CIM da Galiza, Asocim, coa defensa dos postos de traballo e a mellora das condicións laborais como prioridade e requisito básico para prestar  un servizo "digno"  ás usuarias.

O feminismo chama este domingo a unha mobilización masiva nas rúas para visibilizar o papel de coidados que exercen as mulleres en máis de 80% dos fogares da Galiza e que constitúe "o centro da vida" social, familiar e económica. Así o recolle no manifesto de Galegas 8-M, que este ano quere subliñar que "sen coidados non hai vida". 

 

Leonor Gala Torres participa este sábado nas XVII Xornadas das Mulleres, que organizan a CIG e a AS-PG, para falar da necesidade da educación en igualdade desde idades temperás, a través da súa experiencia como profesora de ciencias no CEIP Johan Carballeira de Bueu. 

A consideración do modelo cooperativo como "un vehículo de igualdade real" é unha das explicacións que recolle o estudo galego Motivacións das mulleres para emprender cooperativas. Ana Olveira, presidenta da asociación EspazoCoop e unha das súas autoras, corrobora a crecente aceptación das  emprendedoras galegas por esta fórmula laboral, que xa se apunta nos datos da análise, correspondentes a 2018 (os últimos oficiais).

Formación e especialización son os argumentos que se superpoñen cando se trata de respaldar a creación de novos xulgados con competencias exclusivas en violencia de xénero para a Galiza. Profesionais implicadas no seu tratamento reclaman que a incorporación da perspectiva de xénero nestes órganos se estenda máis alá do proceso xudicial e chegue a todos os servizos e institucións implicadas na atención ás mulleres superviventes.

Baixo o lema "Se non conto non te voto", unha ducia de entidades feministas presentou onte en Compostela a súa "axenda feminista galega", que trasladarán ás forzas políticas que concorren na Galiza ás eleccións do 5 de abril. 

Mulleres da pesca de máis de media ducia de países europeos reivindican os seus oficios e a súa experiencia no mar no marco dunhas xornadas de traballo que poñen o foco na desigualdade de trato, de dereitos e oportunidades. Como mulleres profesionais reclaman máis presenza e maior cota de poder para acabar coa discriminación.

O último informe sobre a situación sociolaboral das mulleres en Galiza que elabora a CIG, relativo a 2019, debuxa un perfil marcado pola desigualdade respecto dos homes: asalariada no sector servizos, cuns ingresos situados no tramo dos máis baixos e responsábel, ademais, do coidado de menores ou persoas dependentes. Con estas conclusións, o sindicato nacionalista centrará a súa campaña para o 8-M no traballo de coidados, un ámbito fortemente feminizado, invisibilizado e precario.

A lei de liberdade sexual irá ao Consello de Ministras antes do 8 de marzo. Un comunicado da Moncloa emitido onte ao culminar a primeira reunión de seguimento do acordo de Goberno  entre o PSOE e Unidas Podemos sinala que hai consenso total entre ambas as forzas ao redor da norma e da modificación do Código penal que implica. O comunicado chega após dous días en que afloraron os primeiros roces entre os dous partidos debido ao bloqueo no Ministerio de Xustiza desta lei procedente da carteira de Igualdade e por mor das discrepancias en política migratoria. 
 

Non valorar de forma obxectiva o testemuño dunha muller que tardou en denunciar, negar unha agresión sexual porque non houbo unha negativa rotunda... Son algúns dos "prexuízos nocivos" que debulla o libro O axuizamento de xénero, que presentou o maxistrado José Fernando Lousada Arochena.

A Concellaría de Igualdade de Ribadeo impulsa, en colaboración coa comunidade escolar, o proxecto 'Eu Quero Ser Coma', que promove a igualdade nas aulas desde a infancia e visibiliza as mulleres e os seus logros ao longo da historia. 

Elas Son Artistas, en abril na bisbarra da Coruña

As asociacións feministas na Galiza, así coma en todo o mundo, xorden ante a necesidade de denuncia pola sociedade machista e patriarcal na que vivimos.

A "porta lila" é o nome polo que se coñece no centro integrado de FP Porta da Auga de Ribadeo a súa comisión de igualdade. A súa equipa está detrás das Xorndas pola Igualdade que durante todo o día de hoxe se desenvolverán no auditorio municipal da localidade

A necesidade de dispor de espazos que axudasen a formarse en igualdade de xénero foi un dos motivos que moveron o ano pasado un grupo de veciñas a organizarse para crear a Rede Feminista de Sada. Esa inquedanza comeza a tomar forma esta fin semana, na que dá comezo o ciclo "Domingos lilas", que ofrecerán, no último domingo de cada mes, charlas, obradoiros e cursos sobre temáticas relacionadas coa igualdade e as violencias machistas.