igualdade

A bautizada polo BNG, grupo impulsor da iniciativa, como 'Lei Ángeles Alvariño' en honra á pioneira científica nada en Ferrol contou co apoio da totalidade da Cámara para iniciar a súa tramitación.

Eva González, alumna do IES Val do Tea de Ponteareas, decatouse de que non había mulleres artistas en todo o temario de 2º de bacharelato de preparación para o acceso á universidade. Xunto a outras compañeiras, como Mara Lago e Carla Coto, decidiron tentar mudar esta situación. Co apoio do seu profesor de Historia da Arte, Xurxo Gómez, e a comisión de Igualdade do centro organizaron unha exposición polo 8-M e enviarán unha proposta de artistas ao organismo competente para que mude esta situación. 

Comeza a cuarta edición do congreso As mulleres que opinan son perigosas, que decorrerá de maneira online e que poderá seguirse nas canles do Concello de Pontevedra e da Deputación. Este ano participan, entre outras, as xornalistas Belén López, Montse Fajardo, Lara Graña, Mercedes Mora, Almudena Ariza e a directora de Nós Diario, María Obelleiro. Entrevistamos a Susana Pedreira, unha das promotoras do foro.

 

 

A Cámara debaterá a creación dunha Valedoría da Igualdade.

A área de Igualdade destina 300.000 euros á liña de apoio en concorrencia competitiva destinada a programas de igualdade e contra a violencia machista promovidos por entidades sen ánimo de lucro.

A ex presidenta da Casa Galiza Xapón, Megumi Shiozawa, recibe a título póstumo o galardón.

O proxecto educativo 'Eu quero ser coma' culmina coa elaboración dun xogo de cartas con 38 mulleres pioneiras como protagonistas, que se repartira entre o alumnado participante na iniciativa.

O Servizo Galego de Saúde é unha empresa na que as mulleres representan case 80% do persoal. Se ben os sindicatos advirten que é pronto para sacar conclusións dos datos que veñen de recibir, apuntan a unha "segregación vertical" das mulleres dos postos de maior responsabilidade, das dificultades para conciliar ou da eventualidade e da temporalidade das traballadoras.

A valentía da acción de Paula Dapena deu a volta ao mundo. Dar as costas a Maradona de maneira pública cando se lle rendía un minuto de silencio no encontro entre o seu equipo, o Viaxes InterRías FF, e o Deportivo Abanca, converteuse en símbolo dun debate que no fútbol está aínda moi lonxe de terse superado. Ninguén mellor que unha futbolista saída dunha familia con referentes nesta actividade física para defender esta causa nos campos de xogo.

O 4 de decembro de 1997 a granadina Ana Orantes expuña nunha entrevista nun programa de Canal Sur os malos tratos aos que era sometida por parte do seu marido. Aos 13 días era asasinada e producíase un punto de inflexión na visibilización da violencia machista en todo o Estado.

As estatísticas do Consello Xeral do Poder Xudicial para o terceiro trimestre de ano apuntan a unha suba destas denuncias, que foron 1.767 en tres meses. Nese período multiplicáronse as vítimas que rexeitaron declarar nos procesos como testemuñas. 

A pandemia que marca desde hai oito meses o ritmo da vida no planeta modificou onte a imaxe das mobilizacións do 25-N, marcadas nesta edición polas distancias, a prevención e as máscaras. Mais o coronavirus fixo, neste tempo, moito máis, ao cargar sobre as mulleres uns coidados que se volveron cruciais para a supervivencia, agravando a fenda laboral e illando aínda máis as vítimas da violencia machista. Contra a desigualdade, Galiza volveu hoxe levantar a voz para pór no foco un problema que non é individual, senón social e político, e que debe ser prioritario para as Administracións públicas

Nun ano no que o impacto, brutal, da Covid-19 ameaza con esvaecer calquera outra realidade, unha data como a de hoxe serve para nos lembrar que, semanas antes da pandemia, a violencia machista acabara coa vida de Manuela Iglesias e Clara María Expósito e que aínda no confinamento os xulgados acumularon centos de denuncias de mulleres por unha situación que non cesa por máis que se invisibilice. Plataformas feministas, colectivos e voces individuais chaman hoxe á mobilización, malia as restricións, para que iso non ocorra.

A excepcional situación sanitaria que rodea este 25-N obriga a modular as formas, mais non o fondo da mensaxe que promove esta data. Con máscara e distancias ou desde a casa, a Galiza volverá reivindicar esta cuarta feira que a loita contra as violencias machistas debe ser prioritaria. Máis, se cadra, nun contexto de pandemia.

O Observatorio da Mariña pola Igualdade (OMI) ten preparada unha axenda de actividades para conmemorar o 25-N, no que se celebra o Día contra a violencia de xénero, que nesta edición centrará nas mulleres rurais.