igualdade

Os ministerios de Dereitos Sociais e Igualdade estudan ampliar a duración dos permisos de maternidade e paternidade a seis meses.

Un total de 39 entidades reciben 416.042  euros a través da liña de axudas para financiar os seus programas de igualdade.

Eva Mejuto (Sanxenxo, 1975) é doutorada en Xornalismo pola Universidade de Santiago de Compostela. Ten publicadas diversas obras como 22 segundos, onde trata a historia dun mozo trans, ou Memoria do silencio, unha novela que se desenvolve na Galiza durante a Segunda Guerra Mundial. Agora mesmo está a traballar na obra A memoria diversa, un libro que forma parte do proxecto homónimo da Deputación da Coruña. 

Após varios meses de leas internas, o Goberno estatal vén de dar o primeiro paso cara á aprobación definitiva da 'Lei Trans', un texto que os colectivos LGBT+ consideran "insuficiente". Desde un sector do feminismo, por outra banda, alertan da "fraude como consecuencia da arbitrariedade".

Miriam Couceiro Castro (Ordes, 1985) vén de publicar o libro 'A Galiza feminista', baseado na súa tese doutoral, onde trata de "achegar o feminismo a todas aquelas persoas que por calquera razón ou non o comprenderon ou asústaas". En conversa con 'Nós Diario', a escritora destaca algúns aspectos da súa tese como o feminismo atomizado, a dualidade que existe sobre grandes bloques do movemento, a esperanza que hai nas novas xeracións e a idea dunha gran reunión entre mulleres.
 

Sofía Gutiérrez Pereira e Pablo Sarmiento-Neira veñen de publicar na revista Mazarelos un traballo que analiza a deficitaria presenza da muller nos nomes das rúas, prazas ou na representación na esculturas das cidades galegas. No seu proxecto 'Creando cidade', ademais, achegan algunha solución que facilite a visibilización da muller.   

A valedora do Pobo, María Dolores Fernández Galiño, instou o Concello de San Cibrao a que actúe con "perspectiva de xénero" na planificación das infraestruturas e servizos públicos co fin de evitar que se repitan as gravacións sen consentimento a 87 mulleres ocorridas mentres ouriñaban durante as festas da Maruxaina de 2019 en San Cibrao, que foron colgadas en webs pornográficas.

Nun comunicado, o grupo socialista ourensán criticou ademais que o alcalde aínda non convocase o Consello Municipal de Igualdade. Paralelamente, a sociedade civil organiza diversos actos estes días até o vindeiro 28 de xuño. 

“Educación, educación e educación en igualdade debe ser a prioridade”, reclama Ana Pontón.

María Balbina Álvarez leva oito anos dedicándose a asesorar como sacar o mellor rendemento ás viñas en Quiroga e a súa comarca. O inicio da pandemia coincidiu coa súa entrada na confraría do Viño e pasou a ser a primeira muller na súa historia. Desde esta entidade vixían e controlan a procedencia dos caldos que participan na feira, que este ano terá lugar os días 24 e 25 de xullo.   

O Informe anual sobre violencia de xénero reflicte as cifras das violencias machistas sobre a muller no ámbito doméstico. 'Nós Diario' repasa algúns dos principais indicadores e analiza o pouso que deixan os datos do ano da pandemia.

Ao redor do 15% dos homes cre que as mulleres que sufriron algún tipo de agresión sexual ou ben a provocaron ou non tiveron o suficiente coidado para evitala. Ademais, só o 56,9% considera que as mulleres vítimas de violencias sexuais son tratadas de forma inxusta pola sociedade ou que a súa veracidade é posta en cuestión cando o denuncian.

Conde avanza que unha muller dirixirá a Sociedade para o Desenvolvemento de Proxectos Estratéxicos da Galiza e xustifica que non haxa presenza feminina no consello de administración porque aínda non está fechado

Pere Tobaruela, catalán de nacemento e galego de adopción, compaxina a súa profesión como escritor coa paixón polo deporte. Pasou polo atletismo, cun bronce no campionato galego absoluto en pista de 2009, e polo fútbol gaélico, entre outros. Xogador e adestrador, agora comeza unha nova andaina nun proxecto deportivo de fútbol feminino en Villestro, Compostela.   

A Xunta rexeita remunerar os coidados que soportan as mulleres ao velo incompatíbel co seu "acceso ao mercado laboral".

Após a sentenza da Audiencia de Nafarroa sobre o xuízo da "Manada", Amara García Adán deu un xiro na súa carreira e decidiu realizar o seu Traballo Final de Grao (TFG) de Dereito (USC) sobre a "inxustiza epistémica". A súa orixinalidade e a importancia do tema levouna a recoller o premio da Valedora do Pobo.

A primeira partida é de 19,8 millóns de euros

Anos 30, Vigo. Entran as primeiras raiolas de sol por unha das xanelas da palafita. Natalio Abad comeza en breve o seu horario laboral. Garda o traxe e a gravata nunha bolsa e monta na piragua coa que se desprazará até a fábrica de conservas na que traballa. Con el, catro amigos máis realizan as súas rutinas, que confluirán inevitabelmente na praia, na que se bañarán espidos ou vestirán saias de palla mentres bailan sobre a area. Os membros do grupo, coñecidos como Os Fillos do Sol, gozan dunha liberdade sen prexuízos nin barreiras que os poidan constrinxir.