igualdade

Oito de cada dez galegas e galegos consideran as violencias machistas "un problema social que compromete todas as persoas". Nos últimos anos a sociedade ten dado pasos significativos na concienciación sobre estes crimes, se ben tanto nas rúas como por parte dos medios de comunicación queda aínda "moito que facer".

Abolir ou regular a prostitución? O debate vén de vello pero avanza cada vez máis polarizado entre quen defende a súa extinción a través de políticas públicas integrais e quen reivindica un marco xurídico propio. 

Dende hai doce anos, o Observatorio da Mariña pola Igualdade edita unha axenda protagonizada por doce mulleres destacadas nun determinado eido. Para o 2022, a entidade escolleu o ámbito deportivo para visibilizar e pór en valor deportistas como Lara Balseiro, Fátima Ameneiro ou Beatriz Seijas.

Afrontar as transformacións económicas imprescindíbeis esixirá máis igualdade e unha intervención pública decisiva 

Haberá unha mostra de fotografía en varias rúas da cidade da Coruña. Aliás, está prevista unha representación no Teatro Colón e unha xornada sobre arte e saúde na Fundación Luís Seoane.

O documento urxe tomar medidas, entre outras, á Real Academia Galega, mais tamén a outras institucións do país. Foi asinado por 16 mulleres na segunda feira co gallo do Día das Escritoras e consta de doce puntos "para conseguir a igualdade".

Sen corresponsabilidade nin conciliación non hai igualdade real e efectiva. Mais para alén do consenso político ao redor desta reflexión do movemento feminista, a Xunta da Galiza reduce en 25% as partidas de conciliación para o ano que vén.

O salario medio por hora situouse en 8,6 euros en 2019. Mulleres e mocidade son os colectivos que menos cobran, segundo un informe do Instituto Galego de Estatística (IGE).

A XVII Asemblea do BNG que decorrerá o próximo 7 de novembro no Coliseum da Coruña servirá, ademais de para renovar os seus órganos de dirección con Ana Pontón á cabeza, para actualizar o seu ideario político e organizativo. Neste último caso, os nacionalistas apostaron por incluír un protocolo de actuación para previr violencias machistas no seo da organización, que poderán chegar a sancións -as recollidas estatutariamente xa, inclusive a expulsión da organización- se así o determina a comisión de garantías.

O concello de Bueu, a través da súa Concellaría de Igualdade, vén de elaborar e estrear un xogo de mesa que trata sobre a igualdade, destinado aos centros educativos da vila. Esta iniciativa está inserida na liña de colaboración estabelecida entre o Goberno local e a comunidade educativa de Bueu. O xogo foi deseñado pola empresa Andamiaxe con cargo aos fondos do Pacto de Estado Contra a Violencia de Xénero do ano 2020. O xogo busca “erradicar o sexismo na sociedade e previr as violencias machistas”.

Máis da metade das mulleres que habitan na Galiza viven no rural. Mulleres traballadoras, nais, fillas, irmás, coidadoras, emprendedoras e profesionais que loitan por derrubar o muro da invisibilidade mais tamén por borrar as dificultades de acceso á terra, vivenda ou transporte coas que baten a diario. O abandono, o illamento e os problemas de accesibilidade resumen as carencias dun territorio que reclama igualdade, recoñecemento e servizos. No Día Internacional da Muller Rural, mulleres de todas as idades e perfís urxen políticas específicas que garantan a vida e o futuro do medio rural.

A directora de 'Nós Diario', María Obelleiro, moderou unha das mesas de debate da primeira xornada do evento.

Tras a denuncia presentada pola CIG pola "falta de negociación do novo plan e o incumprimento das medidas recollidas no anterior", segundo informa a propia central sindical.

Os xulgados galegos recibiron no segundo trimestre do ano un total de 1.649 denuncias por violencia machista, un 10,4% máis que no mesmo período do ano pasado, cando se presentaron 1.493.

Unha xornada lembra no pazo do Hórreo experiencias de igualdade.

“Fálame delas” é unha iniciativa promovida pola Concellaría de Igualdade de Baiona que ten como obxectivo recompilar historias de mulleres pioneiras en calquera ámbito e que repercutisen de forma notábel na evolución da localidade. A concelleira Yasmina Moreira, explica que o papel das institucións na recuperación da memoria histórica é fundamental. Defende que a loita pola igualdade e polo feminismo debe ser unha realidade e non unha "pose".

Mónica Novas ten, de seu, un espírito emprendedor. Psicóloga e criminóloga, especializouse en igualdade. Fundou a empresa Asistogal, que colabora con varias institucións na Galiza realizando campañas de información e sensibilización contra a violencia machista, como a Caravana Morada que percorre os municipios das comarcas do Salnés, Ulla e Umia. Como investigadora atopou relacións entre a gastronomía e o sexo ideando o termo "gastrosexoloxía" que deu a coñecer en universidades e escolas de hostalaría de todo o Estado español.