literatura

Galaxia vén de publicar Por que Deus faría a Brétema?, un volume que reúne a prosa de Fiz Vergara Vilariño, ao coidado de Iago Rodríguez Yáñez, que completa o coñecemento dun poeta cuxa obra está aínda pendente dun rescate que lle devolva todo o seu o valor.

Xosé de Cea é un xornalista con publicacións en poesía e narrativa infantil e xuvenil. Agora publica 'Coímbra' (Galaxia), a súa primeira novela para o público adulto, onde explora as vivencias e as consecuencias da emigración galega en Catalunya.

O caderno de verán Máis que acompaña Nós Diario achega ás lectoras e lectores desde esta terza feira ao sábado o relato inédito Lar que Beatriz Maceda escribiu en exclusiva para este xornal. A través de cinco entregas, Maceda, escritora de literatura infantil e xuvenil, cambia de ton para reflexionar dunha forma intimista sobre a soidade e as relacións entre as persoas e os animais.

Xosé Cermeño, sociólogo e creador de televisión, recolle algúns dos seus intereses na súa nova novela, 'Días felices con Fábia' (Galaxia), unha historia que xira arredor da acuicultura do polbo no Porto, mais tamén do amor e das mentiras.

O gozo e a transgresión. Son, segundo Ledicia Costas, algúns dos alicerces que a literatura debe ter. Aínda que ela non é moito de teorizar sobre o tema. Prefire definirse como unha escritora profesional. Alguén que fixo de crear mundos o seu medio de vida. A súa traxectoria vén de ser recoñecida cunha das Medallas Castelao deste ano 2023. Debullamos con ela o contido das súas últimas novelas para público infantil e xuvenil e adulto.

O novo número do semanario tamén nos achega a historia dos catro coros centenarios da Galiza e a figura do escritor e cinéfilo Miguel Anxo Fernández

Cada día, unha nova entrega do relato 'A néboa', de Diego Ameixeiras

Cada día, unha nova entrega do relato 'A néboa', de Diego Ameixeiras.

A lectura vai máis alá do libro. As feiras do libro comezan a decatarse de que os comportamentos culturais do século XXI son pouco propicios a dividir en compartimentos as diferentes disciplinas que entran en xogo no acto de ler. Por iso, o protagonismo dos libros, que segue sendo central, comeza a ser compartido por outros xéneros da creación que debuxan un panorama da cultura moito máis completo e complexo nas súas relacións internas.

O caderno de verán Máis que acompaña Nós Diario achega ás lectoras e lectores desde esta terza feira ao sábado o relato inédito A Néboa que Diego Ameixeiras escribiu en exclusiva para este xornal. A través de cinco entregas, Ameixeiras, un dos principais representantes da novela negra galega, reflexiona, nunha historia de desamor e misterio, sobre a distancia entre a realidade e a forma en que esta é percibida.

Sol Mariño, artista multidisciplinar, vén de inaugurar a súa exposición Nada me pertence. Tudo faz parte de min na Agrupación Cultural Alexandre Bóveda (A Coruña) con fotografías das súas vivencias entre varios territorios seguindo a liña do seu recentemente publicado poemario As alas da serpe (Aira).

Roberto Rodríguez é o autor galardoado co Premio de Narracións Breves Manuel Murguía, polo seu relato 'Sinfonía a tres voces', pensada orixinalmente como un poema centrado na batalla de Stalingrado que tivo lugar no contexto da Primeira Guerra Mundial.

Ciro Briones vén de ser galardoado co Premio de Poesía do Concello de Carral pola súa obra 'Oídos de espeleóloga', que será publicada na editorial Espiral Maior.

'Irene a porteira' é o título da banda deseñada escrita polo xornalista Óscar Losada e ilustrada pola deseñadora Xulia Pisón. Nela, abordan a historia de Irene González, a porteira e capitá do equipo masculino coruñés ao que deu nome na década de 1920: o Irene F. C.