Escritor cunha obra moi relevante, Xavier Queipo é asemade tradutor de Amin Maalouf e Hervé Guivert, Conrad ou Joyce. Queipo é tamén autor do novo capítulo de O crânio de Castelao, a novela colectiva da lusofonía que o semanario Sermos Galiza está a publicar por entregas.
'Cadeas', de Xabier López, obtivo o Premio Xerais de Novela 2013. E 'O castañeiro de abril', de Fraga Allegue, levou o Merlín de Literatura Infantil. Xabier Docampo, como mantedor literario da gala realizada en San Simón, convidou a “ler o libro de nós, o que di dos galegos e galegas que tal queren ser. Ler a nosa nación coma iso, coma unha nación”.
A morte e o fin da poesía. Juan Tallón recompón o derradeiro día da vida de Cesare Pavese, Anne Sextos, Gabriel Ferrater e Alejandra Pizarnik en Fin de poema, obra coa que gañou o Premio Manuel Lueiro Rey e que presenta en Compostela. Dá por pechada así unha etapa literaria. Sabe cara onde camiña mais non como, confésanos.
Os escritores e as escritoras somos xente de paz e diálogo. Coa palabra defendémonos da intolerancia e a desigualdade, da mentira, da opresión encadeada ao medo e o non respecto aos dereitos da cidadanía. Coa palabra e co acompañamento presencial reivindicamos traballo e saúde de futuro con DIGNIDADE para o Ferrol do Naval e o Desemprego, matria natural do Socio de Honra da AELG, Ricardo Carvalho Calero.
Viviu en primeira fila todos os acontecementos do nacionalismo contemporáneo. Escribiu arredor deles en páxinas de xornal, nomeadamente en A Nosa Terra que dirixiu. Agora constrúe unha novela de investigación na que, con nomes propios, abre en canal a historia do nacionalismo para denunciar o nome dos "infiltrados”. Afonso Eiré presenta hoxe mércores día 29 ás 20.30 a novela Infiltrados (Biblos) na libraría Portas Ártabras da Coruña.
No día da Internet e no día das Letras, Sermos Galiza inicia a edición de textos literarios exclusivamente en formato electrónico, para lectura en dispositivos móbiles. Comezamos con autores e autoras clásicos para irmos, pouco a pouco, ofrecendo obras de agora mesmo.
Que unha editorial de pequena dimensión decidira hai tres anos publicar a Obra Completa de Roberto Vidal Bolaño pon en cuestión a política editorial e o sistema literario. Quen isto pensa é Francisco Macías, o creador de Edicións Positivas, un selo que descubriu a Lois Pereiro en vida -anterior Día das Letras- e agora ten nas librarías dous dos seis volumes que integrarán a Obra Completa de Vidal Bolaño. Para Francisco Macías, por vez primeira o Día das Letras descobre un autor de dimensións inmensas e fai mesmo cuestionar a nosa historia literaria.
Por toda a súa traxectoria literaria, por ter sido pioneira en xéneros como o teatro ou o ensaio, por abrir camiños á literatura, Mª Xosé Queizán vén de ser recoñecida como autora nos Premios Irmandade do Libro que organiza a Federación Galega de Libreiros.
Choque de egos. O mau é que un deles non pode contestar. John Irving (1942) visitou recentemente Barcelona, para apresentar o seu último libro, En una sola persona. O autor de The World According to Garp deitou un titular talvez perfeitamente calculado: "Ernest Hemingway é a maior fraude da historia da literatura norteamericana"
No Día Internacional do Libro Infantil e Xuvenil, a editorial Kalandraka conmemora o seu 15 aniversario anunciando que pon a andar un novo sistema de venda online polo que os seus libros se poden mercar en calquera lugar do mundo. Botamos unha vista á rede para atopar a LIX galega en movemento.
O escritor Antón Lopo é o autor do terceiro capítulo de “O crânio de Castelao” a novela da lusofonía por entregas que se está a publicar no semanario Sermos Galiza. A súa participación na trama comeza no número que está nos quiosques.
Gustavo Pernas co Álvaro Cunqueiro, Raul Dans co Barriga Verde e o Premi Born, Juan Tallón co Lueiro Rei, Alberto Ramos co Vicente Risco e Lorenzo Moroño, Elena Sherevera e Camiño Noia no Plácido Castro de Tradución compoñen o ronsel de nomes que gañaron a manchea de premios con denominación de autor deste outono. A todos eles, premiados por obra, compre engadir o de Basilio Losada premiado pola súa traxectoria co Otero Pedrayo. Mentres, dous finalistas agardan a decisión final do Blanco Amor que, nesta edición, organiza o concello de Fene.
