Sermos Galiza conta este verán cunha sinatura de luxo. O Caderno de Agosto publicará en cinco entregas, a primeira esta quinta feira, o sorprendente relato de Xabier P. DoCampo Operación monte de lixo, un thriller no que o autor se mergulla no mundo da corrupción.
“Á literatura grande éntrase pola dor e as bágoas”, dicía Ana María Matute, unha escritora que se confesaba “salvada” pola literatura e que morreu este 25 de xuño, con 88 anos.
O Colexio Maior “La Estila” é de homes. O “Arosa”, de mulleres. Os dous son do Opus. Convocaron por vez primeira, en español, o I Premio Vitrales, un certame literario. Recibiron o apoio da Secretaría Xeral de Política Lingüística coa presenza do seu cargo máximo na entrega de premios.
Máis de cen páxinas son as que a revista Journal of Galician Contemporany Studies lle dedica no seu último número á obra do escritor Xabier Queipo.
O literatura sube a escena para se atopar co teatro na entrega dos premios anuais da Asociación de Escritores en Lingua Galega. Desde todos os ámbitos, as artes escenas foron as protagonistas dunha cerimonia de entrega que se desenvolveu en Pontevedra e confirmou os libros A lúa da colleita de Anxos Sumai e Raíz de fenda, de Berta Dávila como os máis premiados en narrativa e poesía do ano.
Trinta anos despois da publicación de Crime en Compostela de Carlos Reigosa, o Consello da Cultura Galega revisa as tres décadas da novela negra galega nunha xornada que se desenvolverá o próximo 6 de febreiro coa participación dos máis destacados escritores do xénero.
O azar juntou-nos a Pereira e a esta leitora no momento de decidir sobre o nosso nível de compromisso persoal com a vida. Andavamos algumas pessoas, daquela, a dar voltas à ideia de responsabilizar-nos da gestão do centro em que trabalho; ao tempo, no clube de leitura desse mesmo centro, comentavamos Afirma Pereira, a novelinha de Tabucchi.
É a parte íntima da literatura. O perfil persoal que cada quen retrata de si propio a través de trinta preguntas directas. Despois de achegarnos aos seus manuscritos, o crítico Ramón Nicolás ofrece no seu blog Caderno da Crítica a face interior de escritores e escritoras que responden ao seu particular “cuestionario Proust”.
Animalario estrafalario é o terceiro libro que o escritor dedica ás crianzas, após Acuarelas e Patente de corso. Trátase dun catálogo de cen animais aos que lle dedica cadanseu poema. Animalario estrafalario é o segundo libro publicado en e-pub por Sermos Galiza e que está ao dispor na nosa loxa.
O escritor Manuel Rivas regresa á literatura infantil co libro O raposo e a mestra, unha homenaxe ao monte Pindo e ás mestras. O libro está no prelo e será presentado no Culturgal.
Cada ano, o Salón do Libro Infantil e Xuvenil de Pontevedra homenaxea a un autor ou autora da escrita para públicos novos. A próxima será a 15 edición e, con este motivo, queren celebrar a tod@s que foron homenaxead@s en anteriores edicións.
Dos días 25 ao 25 o Encontro da Federación Galeusca achegarase en Pontevedra á literatura infantil e xuvenil. A xuntanza das asociacións das literaturas galega, catalá e vasca conmemoran o trinta aniversario do manifesto de Poblet.
A narradora Alice Munro é a nova gañadora do Premio Nobel de Literatura 2013. Natural de Canadá, escritora en inglés, a narradora constrúe un mundo propio que deita, de maneira especial, por medio dos seus relatos.
A semana próxima saberemos o nome da gañadora (?) do Premio Nobel de literatura 2013. Cando chegan estas datas sempre me pregunto se as persoas que forman parte da elección lograron gardar o segredo, se esas persoas que teñen as súas preferencias, que imaxino loitando por autores e autoras, matinado estratexias, incluso quen sabe, soportando “propostas”, manteñen a boca fechada nun proceso tan longo. Este ano disque houbo cento noventa e cinco candidaturas, hai corenta e oito nomes que se propoñen por primeira vez; en abril minguou a listaxe até quince ou vinte, para no mes de maio ficaren só cinco nomes.
Em Lisboa, aos 88 anos, morreu António Ramos Rosa, um dos grandes escritores das letras portuguesas com uma ampla obra de poesia e ensaio que fecha o livro Em torno do Imponderável do passado ano. Deixou pegada nas letras galegas, em especial no fascínio que por ele sentia o poeta Eusébio Lorenzo Baleirón.
“O derradeiro libro de Emma Olsen” é o título da novela coa que a escritora Berta Dávila faise gañadora do Repsol de Novela Breve. Trátase dun relato arredor da experiencia da vida e a literatura no que Dávila narra a historia dunha escritora que regresa a súa vila natal coa morte próxima por unha enfermidade terminal.
Nos chanzos da relación literaria entre Irlanda e Galiza, a figura de Seamus Heaney protagoniza un episodio de especial relevancia, non só pola recepción da súa obra na nosa lingua, senón tamén polo propio recoñecemento que o poeta tiña do noso país, ao seu ver, a primeira terra da “imaxinación poética” de Irlanda.
A Feira literaria de Carballo contará coa presenza de Mercedes Peón, Manuel Rivas, Xosé Neira Vilas, Uxía Senlle e moitas actividades para o público infantil
De luns a venres, a Feira do Libro de Vigo ábrese de maneira especial coa Semana da Música Infantil “Lemos cantamos, gozamos” que ofrecerá concertos todos os días ás 20 horas. Mamá Cabra, Uxía ou Magín Blanco cantarán para o público máis novo na Alameda.
Sete cidades galegas acolleron outros tantos actos públicos, organizados pola Plataforma Galega en Defensa do Ensino Público, para dicir non á Lomce a través de actuacións músicais, lecturas de textos, intervencións... Vídeo do acto en Vigo, no interior
