O Concello forma parte do Padroado deste centro xeriátrico, sobre o que as familias denunciaron "deficiencias e neglixencias". O Bloque tamén exixe á Xunta que actúe ante a falta de reaccións por parte da Administración municipal.
O presidente da Fegamp, Alberto Varela, mantivo hoxe unha reunión de traballo coa conselleira de Política Social, Fabiola García, que dixo que estudará un posíbel incremento das partidas orzamentarias. No entanto, polo momento non houbo ningún compromiso en firme para apoiar os coidados de maiores e dependentes en plena pandemia.
A Consellaría de Política Social presenta un plan de actuación que implicará a realización de probas PCR ás e aos residentes antes de regresar a estas infraestruturas para evitar novos surtos de gran alcance como até o de agora. Ademais, pasarán unha corentena de sete días illados das e dos compañeiros.
A pandemia comeza a remitir nos xeriátricos se ben nestes casos os cambios poden producirse dun momento a outro. Segundo o último parte da Xunta, quedan 610 casos positivos entre residentes e traballadoras. A pesar desta evolución, Sanidade notificou dez falecementos en toda Galiza nesta terza feira.
As enfermas e enfermos dos centros galegos caen até os 436, ao aumentar en 19 os contaxios na infraestrutura de Vilaboa pero reducirse os casos activos en 38 na Doral de Mos. O Ministerio de Sanidade confía en poder vacinar a estas persoas a partir de xaneiro.
Os surtos detectados nos últimos días axudaron a incrementar moito a cifra, malia que hai residentes que curan e outras que saen das listaxes da Xunta por falecemento. Nestas infraestruturas de todo o país hai máis de 700 casos activos, dado que tamén hai contaxios entre o persoal.
