medio rural

O colectivo considera que o Servizo de Prevención Contra Incendios Forestais é “o gran esquecido” por parte do Executivo galego malia que os lumes son un auténtico problema para o país. Critica que falte persoal para esta época do ano e lamenta que as e os operarios non sexan considerados prioritarios para a vacinación do coronavirus.

O Sindicato Labrego Galego xa presentou un escrito ante a Consellaría do Medio Rural para denunciar a situación.

Unións Agrarias (UUAA), cre que as axudas actuais "son insuficientes" malia valorar como "positiva" a situación sanitaria do sector.

A praza para un posto directivo dentro da Axencia de Desenvolmento Rural (Agader) é obxecto dunha denuncia por parte do CSIF. Este sindicato fixo un seguimento de todo o proceso e asegura que beneficiou un ex parlamentario e portavoz do PP no concello do Barco de Valdeorras. Non descartan emprender medidas xudiciais. 

O Parlamento galego debaterá o vindeiro 23 de febreiro a primeira revisión do Plan Forestal da Galiza proposto pola Consellaría de Medio Rural. Catorce organizacións sociais, ecoloxistas, agrarias e sindicais iniciaron unha campaña de rexeitamento deste texto, que cualifican de "antidemocrático" e advirten de que "privatiza o monte" en beneficio de determinadas empresas. Denuncian, ademais, que incrementará a presenza do eucalipto.

A Federación Rural Galega (Fruga) denuncia que Medio Rural intenta aprobar pola porta de atrás a Lei de recuperación de terras cunha proposición de lei non democrática, que favorece a forestación da terra, a privatización e a especulación, ademais de ser un brinde ao sol ao carecer dunha memoria económica.

A superficie de eucaliptos existente na Galiza poderá aumentar 3% até o ano 2025 e non comezará a reducirse até dentro dunha década. 

Pérez Cruzado, enxeñeiro de montes e investigador da Universidade de Santiago (USC) na Escola Politécnica Superior de Lugo, é un dos artífices do inventario forestal continuo que promove a Xunta da Galiza. En dous anos estará rematado polo que advirte da necesidade de contar con este proxecto para o Plan forestal.

A diagnose de situación do sector lácteo galego non podía ser máis evidente: grupos empresariais con sede fóra da Galiza lideran a facturación e non son quen de crear emprego estábel ao non apostar pola transformación no noso país. Cando se está a debater o emprego de fondos europeos para a recuperación pola crise da pandemia, a Xunta non ten na súa axenda apoiar un gran grupo lácteo propio. 

Até 1.478 contratos menores en 2020

A UE comeza a definir en números a súa estratexia dos fondos para a recuperación pola crise da pandemia. O rural dos Estados membros recibirá 8.000 millóns de euros e desde as organizacións agrarias piden mudar as estratexias e apostar por "valorizar o produto" e facilitar o acceso á terra para motivar o relevo.

En marrón glacé, en marmelada, cocidas, en puré, de guarnición ou até crúas. O magosto trae ás cociñas un dos froitos máis saborosos e aproveitábeis da Galiza, a castaña, un alimento que desde hai miles de anos está presente na nosa dieta, cun consumo que, como a pataca máis adiante, salvaría da fame xeracións enteiras. Aproveitada no seu tempo polos conquistadores romanos, consta hoxe dunha Indicación Xeográfica Protexida (IXP) de 1.224 hectáreas e cooperativas que, de maneira ecolóxica, recollen e venden este froito.

As organizacións agrarias na Galiza souberon polos medios de comunicación a proposta de nova Lei de recuperación de terra agraria. Denuncian falta de transparencia na súa elaboración e, nalgúns casos, preocupación por unha norma que rexirá o futuro próximo do noso rural.   

Brigadistas do Baixo Miño, contratados como fixos-discontinuos  pola Xunta, recollen máis de 300 sinaturas para rematar coa súa precariedade laboral. Nós Diario fala cun deles, Xoán Lois Cabreira, sobre as súas reivindicacións. "Posuímos unha ampla formación e hai suficientes tarefas pendentes para que nos contraten todo o ano", asegura.

O sector porcino móvese entre a incerteza dunha baixada de prezos e a contención dun problema aínda maior: o control sanitario para evitar a chegada da Peste Porcina Africana (PPA). Países como a China ou Corea do Sur premian a crianza na Galiza mentres a marca 'Porco Celta' mantén o seu mercado.

Nun informe, os socialistas piden ao Ministerio de Agrigultura que teña en conta a posición das explotacións gandeiras galegas a norma de fertilización da terra.

As decisións froito do control sanitario das explotacións gandeiras galegas por parte de Medio Rural non teñen fácil explicación nalgunhas circunstancias. É o caso dunha granxa de Narón que leva seis meses paralizada por unha actuación realizada hai seis meses e que agora vén de denunciar o Sindicato Labrego Galego diante da Valedora do Pobo por entender que non ten xustificación e prexudica á familia propietaria.  

Con este documento, o observatorio procura reducir a asimetría nas negociacións entre as promotoras de parques e os donos de terreo con potencial eólico. Nas súas pescudas, os investigadores constataron que as compañías empregan "a posibilidade de expropiación das terras como unha forma de presión".