mobilización

A organización frontista denunciou que a sentenza do Prestige deixa "os responsábeis impunes" e chama á cidadanía a tomar parte das mobilizacións convocadas para "erguer a bandeira da dignidade" fronte un poder xudicial que, din, "non e capaz de repoñer a xustiza". 

A Iniciativa Galega pola Gratuidade da Sanidade estima en máis de cinco mil as persoas que participaron nas once concentracións diante de centros hospitalarios que se desenvolveron na sexta feira. Convoca á cidadanía  a partillar da manifestación nacional do próximo día 17 de novembro e reclámalle ao PP que atenda a demanda cidadá. 

Foi a decisión adoptada este sábado na asemblea realizada en Riotorto, onde tamén se convocaron para o 8 de novembro protestos diante de todos os hospitais da Galiza.

Esta cuarta feira o comité inter-empresas da CRTVG convoca unha manifestación sonora ás portas de San Marcos. Denuncian a desaparición na grella da maior parte da programación propia e a contratación de produtoras externas para cubrir eses espazos.

A CIG bótase a andar polo emprego e segunda feira día 14 de outubro iniciarase en Ferrol a primeira das vinte marchas comarcais que desembocarán na manifestación nacional prevista para o día 19 en Compostela. 

Centos de persoas marcharon este domingo polas rúas de Compostela desafiando as inclemencias do tempo para reclamar unha nova política forestal. Denuncian que en dúas décadas arderon 700.000 hectáreas, superficie equivalente ao territorio de Ourense. En 18 deses anos houbo un goberno do PP. Información con vídeo

Encetando a campaña outono-inverno, a dirección da televisión nacional suprime cinco programas, un total de 458h anuais de produción da casa. Cómpre tomar en conta que unha hora de produción propia custa a metade que aqueloutra encarregada a unha produtora externa. O comité interempresas advirte: "camiñamos cara unha situación en que só produciremos os servizos informativos"

O comité de empresa do hospital de Vigo iniciará de novo as concentracións perante o complexo após as presións exercidas desde a dirección de Povisa a algunhas das traballadoras que secundaron a folga indefinida desenvolvida o pasado mes de agosto.

Na mesma mañá en que 200.000 nenos e nenas volvían ás aulas en infantil e primaria, a Plataforma Galega en Defensa do Ensino Público concentrábase diante da Consellaría de Educación para esixir a retirada da LOMCE ademais de denunciar os recortes, que medraron tamén neste novo curso. 

Coa vista posta na mobilización do próximo 28 de setembro, A Plataforma Galega en defensa do Ensino Público promove unha concentración diante da Consellaría neste día de inicio de curso para denunciar o “desmantelamento” do ensino público. Lomce, menos profesorado e insuficientes prazas de infantil, pago de comedores e concertos con centros que segregan son algúns dos temas cos que xustifican a mobilización. 

A comunidade universitaria concentrouse ás portas do reitorado da USC coincidindo coa apertura do curso universitario. PDI, PAS e estudantes manifestaron o seu rexeitamento aos recortes na universidade e exixiron "un ensino público e de calidade".

O reparto de follas informativas pola Coruña está a constatar un gran respaldo da poboación ás súas reivindicacións, polas que se convocou unha folga de todo o sector do lixo o día 26.

Foi unha nova matanza. O 8 de Xullo o Exército golpista matou 50 persoas, concentradas perante o edificio no que se achaba secuestrado Morsi. Na madrugada do sábado, dispararon a matar contra unha concentración pacífica de partidarios dos Irmáns Musulmáns, nas inmediacións da mesquita Rabea al Adauiya.

Cun manifesto asinado xa por 200 persoas, a iniciativa social Galiza pola Soberanía, que este sábado se deu a coñecer en Compostela, comezará a traballar "de maneira inmediata" para avivar o debate visando a construción dun Estado galego. 

Nun comunicado conxunto asinado polos PAS e PDI das tres universidades galegas, as Xuntas de Persoal e os Comités de empresa advirten que os "recortes orzamentarios" e as "medidas de intervención" da Xunta están a pór "na corda bamba" a viabilidade do sistema universitario galego

Após nove meses de proceso xudicial e unha vez finalizado, o letrado da plataforma acusa o Goberno de demorar de forma intencionada o xuízo pola catástrofe, que tardou en se realizar dez anos, para evitar consecuencias políticas. Resalta a chulería de Cascos na súa comparecencia e pensa que non se van cobrar as indemnizacións por unha neglixencia do Estado español

Stop Despexos informa que esta semana chegaron propostas de sanción a outras dúas persoas, sendo xa 13 as represaliadas por participar nos protestos de Auelia Rey

Nunha carta dirixida ao cadro de persoal, Santiago Rey Fernández-Latorre cualifica como "manifestación callejera de contido político" á marcha convocada polo comité inter-centros de La Voz de Galicia para o vindeiro domingo na Coruña