música

A compostelá sala Capitol foi o escenario esta quinta feira dun festival de música galega contemporánea, da man de Grande Amore e Ortiga, organizado pola Asociación de Medios en Galego (Amega), da que tamén forma parte Nós Diario, e que serviu como finalización dos actos de celebración do Día dos Medios en Galego, que decorreu a pasada terza feira día 7 de febreiro. O vídeo é da autoría de Seispes.

Lupe Blanco, regueifeira, fíxose, por segundo ano consecutivo, co primeiro posto no festival Espalla Rimas de Carballo. Blanco aborda a situación actual da regueifa e a evolución desta tradición ao longo dos anos porque é necesario, como ela di, “que non se perda a esencia, mais tamén darlle un aire novo”. 

Canto Deportivo é unha canción en lingua galega que gaba os "valores positivos" da afección e do equipo de fútbol da cidade herculina. Xarda CGC realizou o videoclip —con produción de Son Radiofusión para este tema baseado nun poema escrito por Antonio Tizón, con composición musical de Daniel Adzemian e interpretación de Eugenia Sanmartín. "Trátase dun texto contra o racismo e a xenofobia que recorda grandes deportivistas como Bebel, Foucellas, Arsenio, Bebeto e Scaloni", salientan os promotores.

Mauro Borrazás é xornalista de profesión e músico por afección da 'xeración Xabarín'.

No novo número do semanario analizamos tamén Rosendo Salvado, ‘o defensor dos sen alma’, e o traballo de Filippo Prósperi e Cándida Otero que Vítor Vaqueiro condensou na obra 'Facedores de imaxes. Fotografía e sociedade en Vigo. 1870-1915'.

O grupo contará coa colaboración de grandes figuras da música galega como Tanxugueiras ou Mini Rivas.

Ti é o novo sinxelo da banda de rap viguesa Rebeliom do Inframundo, ademais do último adianto do seu próximo álbum, Amor ou barbarie, que sairá o 23 de febreiro. Producida por John Connor (J.CNNR), Ti está xa dispoñíbel en todas as plataformas dixitais: Spotify, iTunes, Amazon Music e YouTube. O videoclip que acompaña esta nova canción é obra de Alberto Lora, baixo a produción de Galunk Producións.

O laurentiniano Jonathan Dasilva é preseleccionado para representar este 'microestado' en Eurovisión.

Sara Marchena e Alba María dirixen os obradoiros.

Diferentes entidades sociais, ecoloxistas ou culturais suman forzas para realizar unha protesta conxunta o próximo 5 de febreiro contra o Concello de Vigo, sempre alleo, aseguran, ás súas constantes reivindicacións.

Neste novo número do semanario analizamos tamén a pegada no país de Abel Bouhier, o francés 'máis galego', e entrevistamos a cociñeira Rocío Martínez.

Paula Chaves, a artista musical coñecida como Pauliña, está centrada en colaboracións con figuras de diferentes disciplinas mentres planifica a saída do seu próximo disco. Pauliña relata a súa participación no filme O home e o can, así como a colaboración no último traballo de Los Chikos del Maíz, todo isto conectado coa idea inicial do proxecto: “que incluíra todas as xeracións”. 

Sons techno e guaracha colombiana mesturados con música galega popular protagonizan O galo (Remix), o tema que presentan Ortiga e Pili Pampín para achegar á actualidade unha mistura de clásicos de onte "aderezados coa electrónica máis actual", algo inédito até o momento, sinalan desde a súa produtora musical, Ernie Records.

"Ortiga e Pili Pampín levan case un ano rompendo esquemas. E isto é só o comezo. O artista, O Chicho do Funk, unha das mentes máis avanzadas e transversais da música contemporánea, e Pili Pampín, unha das cantantes máis icónicas da música galega, demostraron unha capacidade insólita de retroalimentación entre sons que parecían afastados e que agora xa non poden entenderse por separado", afirman.

Após triunfar coa súa versión 'modernizada' do clásico Eu chorar, chorei, dan unha nova forma ao Galo que Pampín leva anos interpretando nos escenarios. Antón Miranda e Xaime Miranda foron os encargados de crear o videoclip de animación que acompaña esta canción e que está inzado de chiscadelas ao anime dos anos 90.

Miguel Varela é o actual presidente da Asociación Cultural e Musical Herba Grileira, a impulsora do disco As músicas da Terra de Melide no que se pon melodía a algúns temas recollidos no volume editado polo Seminario de Estudos Galegos. Varela aborda o xurdimento deste proxecto así como o proceso de gravación coa finalidade de facer, como el di, “unha representación do que hai na obra orixinal”.

DakhaBrakha é un proxecto do Centro de Arte Contemporáneo de Kíiv coñecido por "reforzar a identidade" a partir da reinvención da tradición ucraína.