música

Arredor de 300 instrumentos relatan a historia da música tradicional.

"Coa ordenanza de uso do galego parecía que 2023 ía ser bo ano para o galego na Coruña. Lamentamos que a alcadesa continúe a preferir o castelán", sinalan desde a Mesa.

Noel Feáns, músico, forma, xunto con Efi Arias, o dúo Fanny + Alexander, que despois de doce anos volve sacar un novo traballo, A túa ausencia neste ar. Feáns aborda o concepto do disco, relacionado coa perda e co colectivo, así como o panorama musical galego xa que, como el di, “queríamos facer parte dunha escena da que nos sentimos pais dalgunha maneira”.

O artista musical Seso Durán vén de estrear o seu novo tema, A voz interior.

O grupo de cantos de taberna A de Sabas publicou esta sexta feira nas redes sociais Camiño de Balaídos, unha canción da autoría de Ramón Soto Ignacio para conmemorar o centenario do Real Club Celta, unha efeméride que centrará o foco de atención da cidade olívica o próximo ano e terá o seu punto álxido o 23 de agosto de 1923.

Este tema mestura as voces con instrumentos como gaitas, pandeiretas, acordeón, tambor ou bombo e lembra as obras antano compostas por A Roda como, alén do propio himno do clube, a xa mítica Foliada do Celta. A letra, aliás, lembra as grandes lendas do celtismo, desde Pahíño até Iago Aspas, pasando por Gudelj, Karpin ou Mostovoi. Eis a canción completa:

(RETROUSO)
Lorolorolo...
Toto Berizzo, Vlado Gudelj, Karpin, Mostovoi,
Hugo, Pahíño, Ademir e o gran Manolo,
Salgado, López, Baltazar, xenio Mazinho,
pero máis grande é cando mete un gol Iaguiño.

Mil novecentos vinte e tres
ano que se fundou o Celta,
xuntouse o Vigo e o Fortuna,
ca ialma da nosa afouteza.
Celeste e branco, as nosas cores,
as mesmas da nosa bandeira,
orgullo e o que sentimos
se fan soar a Rianxeira (x3)
celeste e branco as nosas cores,
as mesmas da nosa bandeira.

(RETROUSO)
Toto Berizzo, Vlado Gudelj, Karpin, Mostovoi... [...]
Lorolorolo... [...]

Balaídos noso templo
casa de todo celtista,
onde ris, cantas e choras,
e todo polo Celtiña.
Marcador é o que anima
en Río agora hai festa,
en Gol vas, nunca te mollas;
tribuna é a que protesta (x3)
Marcador é o que anima,
en Río agora hai festa.

(RETROUSO)
Toto Berizzo, Vlado Gudelj, Karpin, Mostovoi... [...] (x2)
Lorolorolo... [...] (x2)

O grupo de cantos de taberna A de Sabas está composto por: Abraham Soto (voz), Antonio Pimentel (voz), Begoña del Río (voz), Eduardo Alberto Trapero (voz), Eduardo del Olmo, "Kalo" (voz), Eladio Tizón (voz), Enrique Taboada (voz), Eulogio Cedeira, "Guache" (voz), Fernando Vilariño (tambor), Jacinto Balboa (guitarra e baixo), Jesús Pedrosa (guitarra), Lurdes Comes aaña (voz), Maite Vázquez (voz), Manuel González (guitarra), Miguel Ángel Cedeira (guitarra, bandurría e voz), Nuria Fontela (pandeireta e voz), Ramón Pazos (voz), Raquel Castro (pandeireta e voz), Rubén Troitiño (gaitas e acordeón), Santiago Bernárdez (bombo), Silvano Montes (guitarra e voz), Teresa Barreiro (pandeireta e voz) e Víctor Manuel Otero (guitarra).

Ramón Soto Ignacio é o autor da canción, e o técnico de son é Rubén Troitiño. O tema gravouse o pasado mes de novembro.

Benxamín Vázquez pon son á guitarra de Mallou, un dúo que forma xunto coa voz e o ukelele de Sabela Rey e que foi recoñecido co primeiro premio no XIV Concurso Fran Pérez ‘Narf’. Vázquez aborda os inicios, próximos proxectos e influencias do grupo, entre as que se conta o propio músico homenaxeado no certame xa que, como el di de Narf, “é un referente moi importante para nós e diría que sen dúbida o máis fundamental”

O tema 'Terra' baséase nun poema de Manuel María.

O segundo posto deste certame promovido pola Deputación da Coruña foi para Noar, mentres o bronce gañouno Madalena Gamalho.

O novo álbum editarase nunha edición especial en vinilo (que inclúe o CD) e que conta con dez temas.

Ana Fariña, luthier, é a vicepresidenta da Asociación Labra, que reúne profesionais do sector e que xurdiu da primeira edición de Resonancias en 2021, un foro profesional de instrumentos musicais. Fariña aborda a situación específica das mulleres, así como as necesidades xerais do gremio posto que, como ela di, “moi pouca xente é consciente do que son os luthiers e da importancia que teñen na música, na cultura ou na industria”.

A proximidade das festas de Nadal e as vendas asociadas a elas, a recente celebración do Culturgal e un atasco pandémico que aínda fai que se acumulen proxectos argallados durante os confinamentos amontoan, neste tramo final do ano, unha auténtica avalancha de novidades discográficas que mostran o bo momento en que se atopa a música galega, tanto en variedade como en calidade. 

Esta fin de semana o conflito do Sáhara será o principal protagonista.

Antía Muíño, cantautora, vén de publicar 'Carta aberta', o seu primeiro disco onde combina ritmos tradicionais e pop con evocacións de jazz e bossanova. Muíño aborda o lanzamento do proxecto, algúns dos temas máis escoitados e a planificación da xira que terá lugar o próximo ano xa que, como ela di, “é importante levar a nosa música a cantos máis sitios mellor”. 

Compilación, análise e uso didáctico do repertorio vocal acompañado de percusión de man como parte do patrimonio inmaterial galego. Estudo dun caso representativo. Este é o título da tese de doutoramento de Carme López Fernández, a primeira que trata desde unha perspectiva académica a música tradicional. 

O artista Xavier Portas, natural de Ponteareas, vén de presentar o seu último traballo musical, o disco Cidade da Utopía, que xa está dispoñíbel en YouTube e outras plataformas de reprodución en liña. "Este novo álbum quere dar continuidade ao anterior nunha vertente non tan explorada na música galega: a do new classical ou instrumental de ambiente, e chegar a máis xente dentro e fóra do país", explica.

Con este segundo disco, Portas adéntrase en novas sonoridades, "por veces máis escuras e hipnóticas e que en parte deben máis ao cinema e á música para a escena", apunta. Aliás, a presenza das guitarras é "lixeiramente inferior" nesta nova proposta, "gañando terreo outro tipo de sonoridades, como as voces de coro e orquestra". "A intención é abrir novas saídas á música dentro de formas eclécticas", conclúe o artista.

A sala Capitol a rebentar, público e colaboradores de distintas xeracións do rock e xente nova que tatareaba todas as cancións. Algo deben estar a facer ben Familia Caamagno e notouse no concerto de presentación do seu novo disco, O mundo está derrotado. Hai xa máis de dez anos que se xuntaron co obxectivo de pasalo ben e facer que a xente bailase e se divertise coa súa música. Moitas viaxes en furgoneta e uns cantos discos despois, o proxecto está a dar os seus froitos. Falamos con Manuele, voz do grupo, de O mundo está derrotado e da traxectoria da banda.