Helsinki convértese en novo membro da alianza militar encabezada polos Estados Unidos unha vez superado o veto turco ao cumprir as condicións exixidas, o que deixa nunha situación incerta a comunidade kurda, que alerta do perigo da entrada na OTAN.
A pesar da evidencia de graves danos á saúde e ao medio ambiente asociados coas municións de uranio empobrecido, Londres confirma que as enviará ás Forzas Armadas ucraínas negando os efectos nocivos, mentres, Moscova alerta de que a medida supón cometer violacións do dereito internacional humanitario.
Coa invasión rusa en Ucraína na axenda tras a proposta de paz chinesa, os mandatarios da China e Rusia abordan amais a colaboración conxunta entre críticas no seo da OTAN ante a posibilidade de que Beijing prema para conseguir un alto o fogo.
Despois de meses de presión para que asine o acordo proposto pola UE para normalizar as relacións con Kosovo e aplique sancións contra Rusia, Serbia advirte que perante as ameazas de Bruxelas ten cada vez menos marxe para decidir as súas políticas.
Os países europeos da OTAN elevan 65% as compras de armas entre 2018 e 2022, a meirande parte delas foron adquiridas aos Estados Unidos, responsábel de 40% das exportacións de armas no mundo.
A suposta participación dunha empresa privada ucraína no atentado contra os gasodutos Nord Stream foi posta en dúbida por Ucraína e Rusia, que a considerou un intento de distracción ante as voces que responsabilizan os Estados Unidos e a OTAN do ataque.
A mensaxe da alianza militar chega nun convulso momento para Moldova, con múltiples protestas pola alza das subministracións e polémicas reiteradas pola aposta gobernamental por achegarse á UE e á OTAN.
A cimeira de Exteriores do G20 exhibiu máis unha vez a paulatina división en bloques a raíz da invasión rusa en Ucraína, cos países da OTAN buscando o apoio dos Estados africanos, asiáticos e latinoamericanos, que ao tempo descartan que a alianza militar represente os seus intereses e cuestionan que o conflito en Ucraína deixa en segundo plano temas determinantes para eles, como a seguridade alimentar e enerxética ou a loita contra o quecemento global.
Desde mediados de 2022, a cidade de Bakhmut, na rexión de Donetsk, foise convertendo na zona onde se concentran boa parte dos combates da guerra en Ucraína, a súa toma permitiría a Moscova lanzarse contra as dúas grandes cidades que quedan no Donbás baixo o control do Executivo ucraíno de Volodimir Zelenski.
Inicialmente, estaba previsto que Stoltenberg fose xefe da alianza militar atlántica até o 30 de setembro de 2022, mais o seu mandato foi prolongado por un ano máis debido a "a maior crise de seguridade nunha xeración" provocada pola guerra en Ucraína, segundo o alto funcionario.
A conmemoración do primeiro ano da invasión rusa en Ucraína notouse especialmente na Unión Europea, mentres, os Estados Unidos anunciaron un novo paquete de armamento para Kíiv o día no que se presentou unha proposta chinesa de paz.
Os vínculos con Moscova preocupan nos EUA, que reiteraron ao longo desta semana as alertas sobre á China ás portas de que o país asiático publique o seu plan de paz en Ucraína.