país

"Exiten aínda superficies susceptíbeis de aproveitamento dos recursos minerais nas cales non se realizaron os labores de exploración e investigación", subliña a consellaría de Medio Ambiente no plan que vén de presentar

“O que se procura é que ao ser o socio maioritario de Barreras, todo o investimento se faga en México" afirma a paraestatal azteca. E, "que nun momento dado", o estaleiro "se traia a unha cidade de México". Mesmo apuntan posíbel ubicación: Ciudad del Carmen. Son afirmacións recollidas pola prensa do país centroamericano realizadas por fontes da petroleira

Conclúe a cadea de encerros convocada pola Plataforma galega do ensino público. A seguinte acción contra a lei española será unha folga xeral no ensino, convocada para o 9 de maio

A delegada do Goberno galego en Vigo recoñeceu a empresa española Princelandia co galardón ao "concepto nacional máis novidoso". Que ten de novidoso? Sesións de maquillaxe, manicura, pedicura, perruqueiría, desfile en pasarela de moda, reposteiría e protocolo para nenas de 4 a 12 anos

A Enquisa da Poboación Activa (EPA) cifra o paro no primeiro trimestre no 22,35%, porcentaxe que aumentou nun 5% neses doce meses, por riba da media estatal

Diante do plan mineiro que a Xunta proxecta para Galiza, a plataforma Salvemos Cabana informa de que a planta de cianuración da mina a ceo aberto podería ser destino dos residuos xerados nos dez vellos filóns que están en trámites de reapertura. Aliás, a Plataforma pola defensa de Corcoesto concentrarase esta cuarta feira diante do Parlamento, cadrando con dúas preguntas que presentarán BNG e AGE 

Falamos com a mulher condenada a um ano e nove meses de prisom por fazer parte dos protestos de 2009 no Morrazo contra a marbellización da nosa costa. Aquelas mobilizaçons foram multitudinarias. Houbo cargas policiais e dúzias de vizinhos e vizinhas imputadas

O primeiro ministro portugués solicitou unha reunión urxente co presidente da República, Cavaco Silva para que esclareza "aspectos relevantes postos en causa" polo Tribunal Constitucional na súa sentenza. O mandatario luso mantivo este sábado unha xuntanza de máis de catro horas coa súa equipa de goberno logo de que o Constitucional declarase ilegais catro artigos dos Orzamentos de Estado para 2013. Passos Coelho apurou a desmentir que na xuntanza co presidente for apresentar a súa demisión. 

O albariño é paisaxe, patrimonio, literatura. Cultura da cultura, di o fotógrafo Xurxo Lobato que presentou o libro Rías Baixas. O viño do mar co que a  Denominación de Orixe Rías Baixas conmemora o seu vintecinco aniversario. A través de 265 imaxes, Lobato ofrece a  crónica visual  dun viño que, ao seu ver, contribúe a criar identidade galega. 

En senllas entrevistas coa Cope e Onda Cero, Feijóo apuntou esta mañá o PSOE como indutor da publicación das súas fotografías co narcotraficante Marcial Dorado. El País nega a versión do presidente.

Aproveita a tertulia da Radio Galega para defender Feijóo após a publicación das imaxes en compaña de Marcial Dorado, que achaca ao "de amarelismo informativo"

 

O presidente da Xunta apurou un comunicado explicando a súa versión dos feitos. Afirma que ignoraba as actividades delituosas do seu acompañante, malia que por aquela altura xa o prenderan en dúas ocasións por traficar con tabaco 

 

Bieito Lobeira é o novo secretario de organización do BNG. Deputado durante varias lexislaturas no Parlamento galego, moit@s aínda lembran as súas afervoadas intervencións na Cámara e os seus enfrontamentos con personaxes como Gloria Lago. 

Salvador López Arnal é o editor da obra de Manuel Sacristán. É unha das figuras centrais da divulgación do marxismo no Estado. Nun artigo no dixital Rebelión reflicte sobre a censura que levou ao diario El País a retirar da súa web un artigo en que se estabelecía a tese de a Alemaña de Merkel procurar na práctica o mesmo obxectivo que a de Hitler: espazo vital para a súa economía.

Publicamos íntegro, traducido para o galego, o artigo escrito por Juan Torres López, catedrático de Economía Aplicada da Universidade de Sevilla, censurado por El País.

No seu blogue describe como el propio informou ao diario de que o tradutor Flayeh al Mayali, que traballou durante meses para @s reporteir@s de El País desprazadas a Bagdad, fora secuestrado e torturado. Porén, malia ter sido traballador seu, non publicou nin unha liña sobre este tema durante dez anos. Este domingo abriu a súa edición dixital cun video en que denuncia os malos tratos que nos cuarteis españois se infrinxiron a pres@s iraquís

Abe Rábade é un dos músicos máis destacados da escena nacional do jazz, tanto que o seu prestixio xa acadou o mercado internacional. Pianista e batería, o artista compostelán atópase actualmente de xira por Centro América. Sermos Galiza quixo acompañalo nesta expedición á outra beira do Atlántico.

A defensa dos dereitos sociais, laborais e nacionais centraron as mobilizacións convocadas polas centrais sindicais.