Estados Unidos, Reino Unido, Alemaña, Italia, Países Baixos, Finlandia, Suiza, Canadá e Australia suspenderon de forma temporal o seu financiamento á axencia da ONU para as refuxiadas palestinas pola súa suposta participación no ataque de Hamás contra Israel.
António Guterres, secretario xeral da Organización das Nacións Unidas (ONU), cuestionou hoxe no Foro de Davos, en Suíza, a “epidemia de impunidade” en guerras como as que se desenvolven en Ucraína, Palestina ou o Sudán, e instou a levar a cabo profundas reformas nas organizacións internacionais como a ONU que permitan estabelecer “institucións e marcos multilaterais e mecanismos efectivos de goberno global”.
O alcalde en funcións do Concello de Lugo, Rubén Arroxo, acompañado de concelleiras e concelleiros, participou esta tarde nun acto simbólico, realizado por dous veciños procedentes de Palestina que residen en Lugo, no que se pendurou a bandeira de Palestina da Casa Consistorial. Arroxo explicou que “realizamos esta acción en cumprimento co acordo do pleno de decembro, como mostra da solidariedade do Concello e de toda a veciñanza de Lugo co pobo palestino”. Arroxo explicou que a bandeira foi pendurada de xeito simbólico, mais non permanecerá na fachada da Casa Consistorial debido ás restricións marcadas pola Lei de Bandeiras. “Buscaremos unha ubicación definitiva para a bandeira, como mostra do apoio a unha solución pacífica para o conflito en Palestina”. Con esta medida, Lugo convértese, xunto con Girona e Málaga, nos únicos concellos de todo o Estado que penduraron a bandeira de Palestina da súa casa consistorial. Unha das veciñas de Lugo de orixe palestina que participou no acto é Yasmín Letum, a rapaza que fora expulsada en novembro da cancha do Breogán por exhibir a bandeira do seu país no partido contra o hapoel.
