A. Mera
22/dec./21 22:48
Pese ás longas fileiras das últimas semanas no Náutico de Vigo para a realización de probas PCR gratuítas con ou sen cita previa, Sanidade está a abrir novos puntos deste tipo de cribado na Galiza sen dispor de persoal suficiente para o efecto chamada que xa se adiantara na cidade olívica. O resultado foi o caos vivido nos dous últimos días en varias localidades, con centos de persoas agardando horas e horas, nalgúns casos máis de sete, de pé e ao frío, e ficando moitas delas sen seren atendidas ao fechar á noite o posto de PCR. Mentres, multiplícanse as farmacias cos tests de antíxenos esgotados.