Pazo de Meirás

“Acabo de ler un libro sensacional” escribiu o historiador hispanista Paul Preston en alusión á obra de Carlos Babío e Manuel Pérez Meirás. Un pazo, un caudillo, un espolio, onde ambos os autores estudan o roubo ao pobo pola familia Franco. Preston, reputado investigador dos crimes cometidos polo franquismo na guerra civil e na ditadura, recomenda a lectura da obra editada pola Fundación Galiza Sempre en 2017. “Para alguén que dubide da corrupción de Franco, o seu réxime e a súa familia é de lectura obrigatoria”.

Carlos Babío, coautor de “Meirás: un pazo, un caudillo, un espolio”, a peza clave na demanda contra os Franco, valora nesta entrevista a demanda da Avogacía Xeral do Estado contra os herdeiros do ditador.

O Goberno central atendeu finalmente á mobilización social, das entidades en defensa da memoria histórica e dos partidos da oposición e presentou unha demanda nos Xulgados da Coruña para recuperar a propiedade pública do Pazo de Meirás. BNG e En Marea aplauden a decisión pero comprométense a vixiar os pasos do Executivo. Feixoo, no entanto, percibe dificultades para que a Xunta se sume á causa xudicial.

O deputado Luis Bará sinala as responsabildades dos diferentes gobernos, da Casa Real e do poder xudicial á hora de frear a devolución do Pazo de Meirás.

As 19 persoas denunciadas pola familia Franco despois da ocupación simbólica en 2017 do Pazo de Meirás esixen do Goberno do Estado que mova ficha. “Para os galegos e galegas non é menos importante a recuperación do Val dos Caídos, se non máis, recuperarmos Meirás”, declarou aos medios de comunicación o seu portavoz, Néstor Rego.

A familia Franco resístese a perder os privilexios derivados da Guerra Civil e os 40 anos de ditadura. A última das súas accións, unha vaga de denuncias contra participantes e produtoras do programa de Mediaset En el punto de mira sobre o patrimonio dos descendentes do ditador. Entre eles atópase o historiador Carlos Babío, coautor de Meirás. Un pazo, un caudillo, un espolio.
 

Carlos Babío, coautor do libro Meirás, Nun pazo, un caudillo, un espolio, está citado a un acto de conciliación en Madrid o vindeiro 25 de marzo ao ser denunciado por seis netos e netas do ditador.

O BNG quere que o Goberno do Estado interpoña unha demanda contra a familia Franco para reclamar a propiedade do Pazo de Meirás, en Sada. Así llo fai saber a portavoz nacionalista ao aínda presidente do Executivo, Pedro Sánchez, nunha carta.
 

Nova acción cívica na procura da restitución do ben espoliado pola ditadura. Centos de persoas secundaron a marcha convocada pola Comisión pola Recuperación da Memoria Histórica (CRMH) co apoio de até 30 colectivos cidadás e percorreron a distancia, por volta de 5 quilómetros, entre Sada e o Pazo. Na marcha participaron representantes da oposición e integrantes dos 19 de Meirás, denunciados pola familia do ditador.

Urxe o Estado a que inicie a demanda civil no xulgado de Betanzos

Nin un gramo de arrepentimento. Todo o contrario. "Sentímonos orgullosas e orgullosos do que fixemos". Quen fala é Néstor Rego, integrante da Executiva Nacional do BNG e un dos 19 de Meirás. Cinco dos membros deste colectivo prestaron declaración esta sexta feira perante a xuíza de Betanzos que instrúe a causa derivada da denuncia contra eles formulada pola familia Franco. Acúsanos da comisión de catro delitos por un acto simbólico —o despregamento de dúas faixas por cima da fachada do Pazo de Meirás— un día de abertura do inmóbel ao público. Os activistas non estiveron sós: acompañáronos unhas ducias de persoas —entre elas a portavoz nacional do BNG, Ana Pontón— nunha concentración en solidariedade con eles.

O PSdeG negouse a apoiar unha declaración insitucional do Parlamento galego para esixir ao Goberno central unha demanda xudicial para recuperar o Pazo de Meirás. “Lamentámolo”, declarou a portavoz nacional do BNG, Ana Pontón, impulsora da moción.
 

Francis Franco Martínez-Bordiú, un dos netos do ditador, pretende vender a parte que lle corresponde por herdanza do Pazo de Meirás á súa propia empresa, Pristina S.L. A Xunta xa sinalou que non a comprará.

Un ano despois, as e os 19 de Meirás —colectivo que agrupa activistas pola memoria histórica e dirixentes do BNG— voltaron ao lugar en que protagonizaron un acto simbólico —o despregamento de faixas sobre o Pazo de Meirás coa lenda Franquismo Nunca Máis. Fixéron para patentizar que a súa principal reivindicación —a restitución deste ben ao patrimonio público— está aínda por se materializar. Fixérono nas vésperas de declarar en sede xudicial após seren denunciados pola familia do ditador, que lles piden penas que sumarían até 247 anos de prisión.

Que o decreto que prevé a exhumación de Franco se tramite como proxecto de lei para dese xeito abrir tamén o camiño que leve ao retorno ao público do Pazo de Meirás. Iso é o que pediu este sábado o alcalde de Sada, Benito Portela (SadaMaioría), após ver inserido o decreto no BOE.

“Patrimonio Nacional debe iniciar de maneira urxente o proceso xurídico para recuperar o Pazo de Meirás como ben público”. Así reza a comunicación que a Deputación da Coruña vén de remtir ao Goberno español. Concretamente a Patrimonio e á nova Dirección Xeral de Memoria Histórica.