Os cargos contra o xornalista terán de ser confirmados polo xuíz. Francesc Fàbregas tivo de ir á Comandacia da Garda Civil de Tarragona. Alí, exercendo os seus direitos, negouse a prestar declaración. Continúa, pois, a maquinaria represiva do Estado contra o referendo de autodeterminación convocado polas institucións de autogoberno catalás.
O partido integrado en En Marea estará en Barcelona, cidade cuxo goberno local -aliado da formación liderada por Antón Sánchez- aínda non esclareceu se colaborará ou non co referendo do1-O.
Continúan as pesquisas do corpo militar estatal de acordo coas instrucións recibidas pola Fiscalía Xeral. Após rexistar a pasada sexta feira unha imprensa, as sospeitas recaen agora sobre un semanario comarcal, El Vallenc.
Pisa a fondo o acelerador o Estado e os seus aparatos represivos contra o Govern e a maioría dos integrantes da Mesa do Parlament por ter aprobado o decreto de convocatoria do 1-O e ter permitido a tramitación da Lei do Referendo, respectivamente. A Fiscalía, ás ordes do Goberno Rajoy, entende que o presidente da Generalitat e a totalidade do seu Govern poderían ter cometido un delito de malversación de fondos públicos, ilícito penal que pode comportar penas de prisión.
Puigdemont afirma en TV3 que o Govern non vai obedecer a instrución do Tribunal Constitucional e que o referendo, suspendido pola instancia xudicial española, continúa avante. Esta madrugada, por volta da unha da mañá, o Parlament aprobou a Lei de Transitoriedade e fundacional da República catalá cos votos a favor de JxSí e a CUP, a oposición de Catalunya sí que es Pot e o abandono dos seus escanos á hora de votar de PP, PSC e Cs.
Acaba de acontecer. Como se prevía, o Tribunal Constitucional aceitou a trámite os recursos do Goberno español e, no mesmo acto, suspendeu a lei do referendo e o decreto de convocatoria da consulta.
Rajoy ofereceu esta quinta feira o seu discurso máis duro. Non anunciou nada inagardado -por exemplo, a activación do artigo 155 que suspendería a autonomía catalá-, mais si expresou con contundencia que o referendo non se vai realizar. A tensión aumenta por momentos e a crise do réxime de 1978 está servida, sen camiños de volta. Rajoy anunciou os consabidos recursos perante o TC contra a Lei do Referendo e a convocatoria da consulta de autodeterminación. O Estado vai activar todos os seus poderes para impedir o referendo.
A ofensiva dos aparatos do Estado contra o referendo de autodeterminación xa está en marcha. A Fiscalía Xeral do Estado acaba de anunciar que, alén de denunciar os membros da Mesa do Parlament que deron luz verde á tramitación da Lei do Referendo, vaise querelar tamén contra o Govern en pleno -contra todos e cada un dos seus integrantes- por teren asinado o decreto de convocatoria do referendo.
O Govern foxe do eufemismo. O referendo de 1-O é un referendo de autodeterminación. Así figura explicitamente no spot que acaba de facer rular a Generalitat de Catalunya.
A parlamentar Àngels Martínez retirou do pleno do Parlament as bandeiras españolas que deixaron nos seus escanos os deputados do PP ao se ausentar do hemiciclo no momento da votación da lei do referendo. Martínez -que foi interpelada pola presidenta do Parlament, Carme Forcadell, para que restituíse as enseñas nas bancadas populares- debería pedir perdón, afirmou esta quinta feira Pablo Iglesias.
Non hai marcha atrás. O Govern en pleno asinou ao fío das 23.30 horas desta cuarta feira o decreto de convocatoria do referendo do 1 de outubro, após a maioría absoluta do soberanismo aprobar a lei que lle dá amparo nun convulso, enguedellado e maratoniano pleno do Parlament. Só as formacións independentistas deron o seu Si á Lei do Referendo. Catalunya sí que es Pot -a moi fraccionada confluencia catalá- optou pola abstención. PP, PSC e Cs abandonaron o hemiciclo sen emitiren o seu voto.
Todos os consellers asinarán o decreto que habilita a consulta vinculante nun acto solemne no Parlament de Catalunya.
Imputa os delitos de prevaricación e desobediencia a Carme Forcarel, ben como aos 4 parlamentares de JxSí e o deputado de Catalunya sí que es Pot que votaron na mesa a prol da tramitación.
É unha peza basilar do proceso de autodeterminación en Catalunya, a asunción de todas as competencias en materia fiscal. Para lle dar ao asunto o máximo realce institucional posíbel, Puigdemont e Junqueras -presidente e vicepresidente da Generalitat, respectivamente- compareceron esta segunda feira ante os meios para os informar de que xa se ten completado o despregamento territorial da Agència Tributària de Catalunya.
O curso político que acaba de comezar e que terá como primeiro fito o referendo en Catalunya o próximo 1 de outubro "non será á usanza dos anteriores" porque "mudará substancialmente as cousas no Estado" e terá "unha dimensión histórica", dixo onte Arnaldo Otegi, coordinador xeral de EH Bildu nun acto en Donostia.
