Referendo 1 de outubro

A frente exterior é chave na batalla catalá e non é seguro que o Estado teña ese asunto absolutamente controlado. Esta mesma quinta feira, o presidente da Comisión Europea, Jean Claude Juncker, nunha entrevista en Euronews, combinou as mensaxes de respeito á legalidade española co recoñecimento implícito dunha hipotética Catalunya independente por parte das autoridades comunitarias.

Confirmouno o delegado do Goberno nunha entrevista en Radio Coruña.

Centra as pesquisas en empresas da Coruña.

Chaman o resto de forzas soberanistas a faceren o propio. A CUP cualifica de "demofóbica" a acción do Estado español ao atacar "os direitos fundamentais" das cidadás e dos cargos eleitos da formación.

Continúa a se debruzar sobre o abismo o Estado español nunha ofensiva autoritaria sen precedentes que se achega día a día a un ponto de non retorno. A Fiscalía Xeral acaba de citar como investigados as e os 712 alcaldes que se teñen comprometido a colaborar co referendo. E, alén do máis, pide aos Mossos d'Esquadra, na súa calidade de policía xudicial, que deteña aquelas alcaldesas e aqueles alcaldes que se neguen a comparecer.

O Estado ten un plano B por se os Mossos d'Esquadra non obedecen as ordes da Fiscalía. De acordo cunha información publicada esta terza feira por Europa Press, o MInisterio de Interior dispón dunha reserva de 4.000 policías para, no prazo de 24 horas, seren enviados a Catalunya se fixer falta para impedir o referendo.

Volta o vlogue de Xosé Mexuto no comezo do novo curso político e faino cunha avaliación da Diada2017 e da nova resposta represiva de Madrid, a suspensión da Lei de Transitoriedade e Fundacional da República decretada polo Tribunal Constitucional

Hai meses que circula a tese nos ambientes políticos e xornalísticos de que Xulio Ferreiro aspira a xogar na Galiza o mesmo rol referencial que en Catalunya personifica Ada Colau. Esta terza feira, e inquirido polos meios, o alcalde da Coruña respaldou a posición da líder dos comúns perante o referendo. O concello de Barcelona continúa sen se aderir aos concellos que proclaman abertamente a súa participación na consulta.

A ofensiva dos aparatos do Estado para inviabilizar o referendo do 1-O non se toma nen un respiro. Ao día seguinte de un millón de persoas ocuparen civicamente as rúas do Eixample barcelonés, o TC suspende a Lei de Transitoriedade e fundacional da República catalá, a norma que entrará en vigor se o SI se impor na consulta autodeterminista. "Se me inhabilitan, ao día seguinte iría traballar con normalidade", afirmou esta terza feira Carles Puigdemont.  O Govern nega toda lexitimidade ao TC e as institucións xudiciais españolas.

O líder da confluencia galega estivo á mañá cos comúns de Colau -aínda indecisos sobre se apoiar ou non o referendo- e á tarde na Diada co bloco soberanista.

"O futuro dos pobos debe escreberse con D de democracia e L de liberdade", di Ana Pontón desde a marcha xigante dunha Diada del Sí que cualifica de "histórica".

Un millón de persoas, segundo as estimacións da Garda Urbana de Barcelona. Un millón de sis á democracia e ao referendo. Fronte ás prohibicións, ás ameazas de inhabilitación dos representantes lexítimos do pobo, fronte aos rexistros de imprensas e de redaccións de meios alternativos, fronte a todos os aparatos coercitivos do Estado, o que se ergueu nas rúas de Barcelona foi unha multitude, un océano humano, nun impecábel exercicio de civismo democrático. Esa foi a resposta, mais unha vez, do pobo catalán, nunha nova Diada masiva. Foi, máis que unha manifestación río, unha concentración xigante. Un millón de persoas colapsou o centro de Barcelona. "Marxem (liscamos), Mariano sé fuerte", rezaba un cartaz, un pouco o resumo da marcha. Lonas enormes cos lemas "Pau i llibertat" (alusión aos atentados de Barcelona e Cambrils) e "Referendum es democracia" sintetizaron as demandas das entidades convocantes, a Assemblea Nacional de Catalunya e Òmnium Cultural.

A alcaldesa de Barcelona mantén unha posición de ambigüidade calculada: por un lado, afirma que ten "plena disposición" a facilitar que o referendo se fará; por outra, indica que non vai pór en perigo nen a institución nen as e os funcionarios municipais, apercibidos polo Tribunal Constitucional para non tomaren parte na consulta.

O epicentro político está neste momento en Barcelona, en pleno conflito entre o pobo catalán e o estado español. BNG e En Marea estarán presentes na manifestación. A confluencia anuncia tamén participación nun acto político do partido de Ada Colau, embora a alcaldesa de Barcelona non teña esclarecido aínda se vai colaborar co 1-O.

Non vai ser unha Diada calquera. A mobilización xigante -ninguén dubida que o será- vai percorrer Barcelona días despois de a Fiscalía se querelar contra representantes do poder executivo e lexislativo catalá, os que se acusa de organizar o referendo axendado para o 1-O. Os aparatos do Estado ameazan mesmo coa prisión para Puigdemont e Junqueras -presidente e vicepresidente, respectivamente-, ben como para o resto dos membros do Govern. Todo apunta a que a Diada del Sí será aínda máis masiva do que en anos anteriores. Así o permiten predicir as 400 mil persoas xa inscritas para tomaren parte nela. En 2016, a cifra nas vésperas era de 342.000, 58 mil menos.

A diferenza do que acontece coas centrais sindicais españolas maioritarias, o sindicalismo nacionalista nas nacións sen estado apoia sen fendas a convocatoria de referendo de autodeterminación. Centrais soberanistas como as galegas CIG e CUT, as vascas ELA e LAB ou as catalás Coordinadora Obrera Sindical (COS), ICA e CSC asinaron este domingo en Barcelona un manifesto, canda outras organizacións sindicais de clase do Estado como o Colectivo Unitario de Trabajadores (CUT) ou o Sindicato Andaluz de Trabajadores (SAT)