A macro-operación da Garda Civil contra consellarías do Govern "supón superar todos os límites que poderían facer posíbel chegar a un acordo sobre a cuestión catalá", declarou Carles Campuzano, portavoz do PDdeCat, a antiga Convergència.
O Congreso negou esta terza feira o seu aval á política represiva do Goberno Rajoy -ao rexeitar unha iniciativa de Cs- mais esta cuarta os aparatos do Estado agravaron a escalada de tensión ao producirse a entrada de efectivos da Garda Civil nas dependencias de catro consellarías do Govern. O corpo militar detivo doce persoas, entre elas varios altos cargos, como o secretario xeral de Vicepresidencia e Economia. Miles de persoas protestan no centro de Barcelona contra a operación.
Pau Morales e Gonzalo Bonnin, das mocidades de ERC, estiveron en Compostela para falar do proceso que vive Catalunya e do 1-O. Agradeceron a solidariedade de Galiza e outros territorios perante o “ataque de histeria do Estado español” e deixaron unha mensaxe clara: “a única ameaza real” que ten o réxime do 78 sobre a mesa é o referendo.
Miquel Sala, de Oliana, foi o primeiro dos 712 rexedores cataláns en comparecer a instancias da Fiscalía.
Na reunión en que Pablo Iglesias e as portavocías confluentes lanzaron a proposta dunha asemblea de parlamentares para un pacto Catalunya-España houbo unha ausencia moi significativa. A do secretario xeral de Podem Catalunya, Albano Dante Fachín. A fenda entre a organización catalá e o aparato estatal é moi profunda. Dante Fachín criticou non ter sido convidado á reunión.
Podemos e as confluencias -entre elas En Marea- lanzaron esta segunda feira unha nova proposta sobre Catalunya, a constitución dunha asemblea de parlamentares que alumease un acordo entre as institucións catalás e as españolas. A perspectiva dese pacto é ilusoria, tendo en conta o encastelamento de Rajoy e a evolución dun PSOE que hoxe por hoxe xa non desbota apoiar a suspensión da autonomía catalá, isto é, a aplicación do artigo 155 da Constitución española.
A decisión de Madrid de intervir as contas da Generalitat podería deixar o Govern sen capacidade de facer pagamentos, denuncia o vicepresidente do executivo catalán, Oriol Junqueras. O Estado xustifica este movimento co argumento de que, fechada a billa financeira, o Govern non tería recursos para organizar o referendo. Junqueras ve na intervención do Ministerio de Facenda unha aplicación do artigo 155 (a suspensión da autonomía) pola porta de atrás.
Organiza Galiza Nova. Será na aula 1 da Faculdade de Filosofía da USC e dará comezo ás 18 horas.
A terceira ola da enquisa que Instituto Opinometre está elaborando para o diario catalán Ara sinala que a estratexia do Goberno español fai aumentar o número de partidarios do ‘si’ no referendo do próximo 1 de outubro en Catalunya, pero tamén retrae ao perfil de votante socialista de acudir as urnas.
Unhas trinta e dúas mil persoas segundo medios vascos participaron esta tarde en Bilbo nunha manifestación de respaldo ao pobo catalán e á celebración do referendo do próximo 1 de outubro. Destacados dirixentes de EH Bildu e do PNV acompañaron a marcha.
Bastóns (de mando) en alto ao grito de Votarem! (votaremos!). Así comezou a recepción esta mañá na casa do concello de Barcelona ás alcaldesas e alcaldes de toda Catalunya que colaborarán no desenvolvemento do referendo do próximo 1 de outubro. Á recepción institucional que presidiu Ada Colau, alcaldesa de Barcelona, que esta semana anunciou que tamén facilitará as votacións, seguiu outra no palacio da Generalitat, con Carles Puigdemont, o mesmo día que o Boletín Oficial do Estado publicaba o acordo polo que o Estado intervén as contas de Catalunya.
As alcaldesas e alcaldes do Bloque Nacionalista Galego aplauden a “lección de dignidade, de compromiso, de estar ao servizo do seu pobo” dos concellos cataláns que deron “un paso adiante" para "defender a súa dignidade como pobo” e o 1 de outubro colocarán as urnas “contra vento e marea”. Nun comunicado difundido onte, e que se suma ás mostras de solidariedade que desde todo o Estado están recibindo os concellos cataláns, as alcaldesas e alcaldes do BNG advirten que “estase a discutir algo máis que o dereito a decidir de Catalunya, estanse discutindo tamén os dereitos e liberdades de todas e todos nós”.
O mesmo día en que a Garda Civil entraba en redaccións de meios que publicaron anuncios institucionais da consulta, o Govern puña en circulación o novo vídeo sobre o referendo. Nel a Generalitat anuncia que nos próximos días dará a coñecer a relación de colexios eleitorais. O anuncio divulgouno este serán a TV3
Esta sexta feira, Rajoy visitou Barcelona non como chefe do Goberno español, senón como líder do PP, para tomar parte nunha xunta directiva do PPdeC. Alí -alén de se gabar da incautación de 100.000 cartaces do referendo por parte da Garda Civil- deixou a súa mensaxe máis belicosa.
A maquinaria represiva non se concede unha tregua. Esta sexta feira, os aparatos do Estado cancelaron unha nova web -garantias.cat-, rexistaron máis unha imprensa na procura de papeletas e entraron nas redaccións de varios meios -PuntAvui, Vilaweb, NacióDigital e Racó català- por teren publicado o anuncio institucional do 1-O.
Anunciouno Ada Colau no seu twitter. "En Barcelona se poderá participar o 1-O", afirma, mais, engade, "sen pór en risco nen a institución nen os funcionarios". Traducido: todo indica que o concello non cederá locais da súa titularidade para a ubicación dos colexios eleitorais.
