Santiago de Compostela

Será o sábado  21 de setembro no Hotel Os Abetos da capital galega.

Os concellos de Santiago, Teo e Arzúa renden tributo ao editor e alcalde compostelán Ánxel Casal no 83 aniversario do seu asasinato a mans dos fascistas. Ademais, o BNG tamén organizou un acto de homenaxe na capital galega.

Alberto Núñez Feixoo pide ás galegas e galegos "dar o mellor de si" para que o Xacobeo sexa un punto de inflexión na historia. O presidente da Xunta apresentou o Plan Estratéxico do Xacobeo e afirmou que a celebración é unha grande oportunidade para amosar o potencial "relixioso, cultural e turístico", pero tamén "económico e social" da Galiza.

“Indignación” é a palabra escollida pola CIG para amosar o seu rexeitamento  ao “intento da Xerencia da área sanitaria por normalizar o peche abusivo de camas” durante o verán. A dirección do Sergas alega “descenso de actividade asistencial, falta de persoal para substitucións e obras de mantemento”. Para o sindicato, trátase dun “argumentario absurdo e inexacto”.
 

O alcalde en funcións de Santiago, Martiño Noriega, vai pilotar un período de transición, até final deste ano, antes de abandonar o concello. Após poñer a súa acta a disposición, a asemblea de Compostela Aberta aceptou a súa dispoñibilidade a continuar no Pazo de Raxoi no que queda deste 2019. Os resultados foron valorados como “moito máis negativos” do agardado.

O candidato máis votado nas municipais en Compostela, Xosé Sánchez Bugallo, mantivo un primeiro encontro co alcalde en funcións, Martiño Noriega, para iniciar o proceso de traspaso de poderes. Bugallo pretende chegar a acordos puntuais con Compostela Aberta, mais desbotou pactar polo de agora asegurando que “a cidadanía non entendería a formación dun goberno de coalición” entre ambas forzas.

O retorno de Xosé Sánchez Bugallo á competición electoral en Compostela saldouse cun rotundo triunfo. Co ex alcalde como cartaz, o PSdeG subiu cinco escanos e converteuse ne forza máis votada. Martiño Noriega, actual alcalde, e Compostela Aberta caen á terceira posición coa metade de concelleiros que obtivera en 2015: cinco.
 

Xosé Antonio Sánchez Bugallo foi o alcalde de Santiago desde 1999 a 2011. Posteriormente foi deputado no parlamento galego e agora encabeza de novo a candidatura do PSdeG á alcaldía da capital galega. Considera que os catro anos de goberno de Compostela Aberta foron “mal aproveitados” e sinala a preparación do Ano Santo 2021 como prioridade para o concello.  

Devolver servizos e privatizados ao dominio público foi un eixo discursivo do heteroxéneo mundo das mareas e confluencias en 2015. Mais o paso da palabra ao acto deixou poucos exemplos. Un deles foi en Santiago de Compostela, onde o Goberno local que encabeza Martiño Noriega remunicipalizou a ORA e o guindastre e agora prometen facer o mesmo coa auga “polo ben común”.
 

Concelleiros e concelleiras do BNG nas distintas corporacións e gobernos municipais nestas catro décadas poñen en valor nun acto as iniciativas impulsadas pola formación que transformaron a cidade.

O vínculo de Galiza coa Revolução dos Cravos é de longa data. Emocional e política, cada 25 de abril esa conexión celébrase por todo o país. Este ano, 45 aniversario, a Associaciom José Afonso (AJA) programa os seus actos en Compostela, a comezar por unha exposición de carteis na Fundación Eugenio Granell.
 

A vindeira sexta feira 22 de febreiro terá lugar en Santiago de Compostela a sexta edición da Mostra do Entroido, organizada por centros educativos da contorna de Lamas de Abade. Este ano 2019 estará centrada na figura do cigarrón e o entroido verinés. 

“Nos últimos oito anos, Santiago de Compostela non tivo un proxecto claro e foi á deriva, por iso o BNG preséntase coa vocación de ofrecer un proxecto ilusionante, transformador e cun modelo de cidade para o futuro. Así presentou a portavoz nacional Ana Pontón a candidatura do Bloque para a capital que encabeza Goretti Sanmartín.