O persoal da EMM decidiu manter a convocatoria a partir da vindeira segunda feira 21 de maio. Manterán o paro “ata ter a certeza total e absoluta de que se van manter os postos de traballo”.
Un forte despregamento policial vixiou a concentración convocada por Causa Galiza
Causa Galiza fai un chamamento a se concentrar na Praza do Obradoiro ás 11:30 horas para rexeitar a presenza de Juan Carlos de Borbón e defender a república galega.
Milleiros de persoas ateigaron este domingo as rúas de Compostela en defensa da sanidade pública e contra as retalladas realizadas polos gobernos de Alberto Núñez Feijóo. O rexeitamento á privatización progresiva e o desmantelamento do dereito á saúde uniron aos tres partidos da oposición parlamentaria e aos principais sindicatos. Vídeo no interior
O servizo telefónico de información e atención á clientela só permite atención en castelán ou inglés “Só español ou inglés, non se fala galego neste departamento”. Retrucáronlle a una persoa que pedía atención en en galego.
![Martiño Noriega [Imaxe de arquivo SG]](/asset/zoomcrop,480,270,center,center/media/nosdiario/images/2013/06/11/2013061121202679264.jpg)
O alcalde de Santiago de Compostela, Martiño Noriega, non decidirá antes do verán de 2018 se volve optar ao posto en 2019. Así o manifestou esta cuarta feira, despois dun almorzo informativo con todas as concelleiras e concelleiros do seu grupo de goberno, aínda que advertiu “non se atopa en coordinadas preelectorais”.
Unha iniciativa do BNG pretende crear un plan de axudas para plantar "carballos, castiñeiros, sobreiras e froiteiras", segundo explicou a concelleira Goretti Sanmartín Rei, e a corta de eucaliptos "próximos a vivendas, redes viarias e ríos, ademais de impusar unha moratoria até 2030 para evitar novas plantacións e a declaración do Eucaliptus nitens como especie invasora".
Nena con galo (Estreliña no ceo), un retrato en tinta chinesa sobre pergameo debuxado en 1926, e o bodegón Mesa de cociña, óleo sobre lenzo de 1957, servíronlle a Carlos Maside para delimitar a súa vida como pintor. Esas dúas e outras 29 pezas escollidas por el mesmo conforman o seu testamento artístico, que agora procura acomodo institucional na que foi a súa cidade, Santiago de Compostela.
A Coruña acolle desde esta quinta feira o primeiro Congreso de Mercados Urbanos no que representantes da Administración e comerciantes comparten experiencias para mellorar a xestión e competir coas grandes superficies e empresas de distribución. “Xa salvamos os mercados”, asevera Sergi Marí, responsábel municipal en Barcelona onde levan vinte anos, conta, investindo neles.“Aquí aínda estamos en proceso”, matiza Ángela Barrán, presidenta da asociación do mercado de San Agustín no que se celebran até hoxe os debates.
Enmárcase na campaña Galega, Jovem e Rebelde, Organiza-te para vencer que desenvolve a organización xuvenil independentista.
A Xunta de Goberno do Concello de Santiago, presidida por Martiño Noriega, acordou propor para sanción persoas de organizacións xuvenís nacionalistas e independentistas por poñeren cartelaría nos mesmos lugares onde loce publicidade da Concellaría de Educación, dos Orzamentos Participativos, dos encontros do alcalde coa veciñanza, da Cidade da Cultura e do Pazo de Congresos, entre outros.
Laxes con motivos naturalistas e xeométricos, labirintos, covas, círculos e outros máis complexos, que eran descoñecidos na comarca de Compostela, como escenas de caza e equitación forman parte do repertorio iconográfico da Idade do Bronce que vén de inventariar a Dirección Xeral de Patrimonio Cultural da Xunta. Os concellos de Santiago, Ames, Teo e Brión procuran financiamento para crear un centro de interpretación comarcal da arte rupestre.
A Asociación Cultural e Xuvenil Itaca e Xandobela organizan o programa de lecer "Boas noites" destinado á mocidade de Santiago de Compostela. "Compostela máxica: roteiro nocturno das historias da cidade" e a xincana "As castañas máxicas" son dúas das propostas de lecer alternativo para a xente nova nas noites das quintas e sextas feiras de novembro. O programa xurdira no ano 2000, ao abeiro do Consello Municipal da Mocidade, e revive con éxito nesta edición.
Albert Pla (Sabadell, 1966) levou a canción de autor máis alá dos seus límites. A forza de irreverencia salvaxe, sarcasmo lírico, doces melodías e teatral posta en escena, o autor de No sólo de rumba vive el hombre (1992) trazou un percorrido puntuado pola polémica e por singulares achados musicais. Esta sexta feira visita Santiago de Compostela, ás dez da noite na Sala Capitol.
Foi o 16 de xuño de 1976, logo de dous anos de reivindicacións e de 16 mortes en accidentes de tráfico no barrio do Castiñeiriño, en Santiago de Compostela, cando botou a andar a primeira manifestación autorizada no período da chamada Transición. A asociación veciñal acolleuse á recente lei que regulaba o dereito de reunión e o gobernador civil autorizou a mobilización e dous lemas para as faixas, aínda que censurou outros dous. “A mobilización anunciouse nos días anteriores polos altofalantes do campo da festa e a marcha foi acompañada dun jeep cargado de grises”, lembran na asociación veciñal.
Un dos máis célebres e celebrados cineastas políticos, o grego Constantin Costa-Gavras (Atenas, 1933), é o premio Cineuropa deste ano. A mostra compostelá, que arrinca a vindeira terza feira e se estende deica o 28 de novembro, proxectará 264 filmes. Un século despois do Outubro Vermello, o fío condutor da programación do festival é a revolución.
A biodiversidade musical en Galiza parece a salvo. Polo menos, de atender ás propostas do I Certame de Música Galega da Universidade de Compostela, que celebrou onte, segunda feira, a súa gala final no Teatro Principal da capital. Noemia, unha cantautora de delicada e potente voz, e 17 anos, fíxose co primeiro premio.
P.P. Arnold, heroína do rhythm and blues localizado na Inglaterra dos 60, abre esta quinta feira a o festival Outono Códax en Santiago de Compostela. Celebración das músicas negras de toda condición, polo certame, que acollerá a Sala Capitol e que se estende ate o 18 de novembro, desfilarán bandas de soul, ska, ou rock & roll clasicista.
A experiencia poética soborda o libro. O poeta chileno Nicanor Parra expúxoo con concisión nun aforismo: "Todo é poesía agás a poesía". Nalgún lugar entre esa afirmación e as praxes performáticas discorren as propostas que o ciclo As voces do corpo achega estes días á Sala Montiel de Compostela da man do selo ChanZo. Poesía en acción, vencellado á editorial Chan da Pólvora.
Vinte e seis compañías de Galiza, Arxentina, Chile, Francia ou Portugal encherán a programación da 22 edición de Galicreques, que comeza este sábado en Santiago de Compostela. Un desfile de xigantes e cabezudos pola cidade vella contra a unha do mediodía será a primeira das máis de 40 funcións da gran festa do monicreque.
