O Estado español atópano no antepenúltimo lugar da clasificación en relación á calidade do traballo e condicións de emprego no conxunto da UE, despois de Romanía e Grecia.
A dirección do Grupo Peralada quere pechar a fábrica naronesa da empresa Poligal, dedicada á produción de plástico, fundamentalmente para o sector da alimentación. Co anuncio, que foi transmitido onte pola mañá ao comité de empresa a través de videoconferencia, o holding catalán envía ao paro aos 108 traballadores que conforman o seu plantel, cuxa media de idade se sitúa en torno aos 50 anos, aducindo perdas millonarias nos últimos cinco anos e a nula viabilidade dun sector que, din, adoece dunha excesiva potencia instalada.
A dirección de Ferroatlántica non cede. Négase a ofrecer garantías de traballo para o persoal, o futuro das fábricas e tampouco quere arrincar os fornos parados. Mesmo manexa, asegura a CIG, a posibilidade de prorrogar o actual expediente de regulación de emprego.
As mobilizacións en defensa do emprego na planta de Alcoa na Coruña continúan. “Contra o peche e en demanda dunha solución enerxética”, era a palabra da orde da pancarta dos traballadores que esta quinta feira se concentraron perante a Delegación do Goberno na Coruña.
A maior empresa téxtil da provincia de Ourense, Lonia (STL), desfíxose en 2018 de 15% do seu cadro de persoal no que desde a CIG consideran un “ERE encuberto”.
Milleiros de persoas manifestáronse na mañá deste domingo na Coruña en contra do peche das plantas de Alcoa, multinacional dedicada ao aluminio.
![[Imaxe: GalizaContrainfo] Mobilización das pensionistas en Vigo](/asset/zoomcrop,480,270,center,center/media/nosdiario/images/2018/03/17/2018031715320629716.jpg)
A intención é a de incrementar a idade real de xubilación até os 65,5 anos nos vindeiros 30 anos. Na actualidade está nos 62,7 anos. A idade legal vixente é de 65 anos e 8 meses de ter cotizado menos de 36 anos e nove meses e de 65 anos de ter cotizado máis.
No Estado español o número de cotizantes incrementou 3,06 por cento no ano comprendido entre decembro de 2017 e o mesmo mes de 2018. Na Galiza, o 2,1 por cento. En troca, os datos galegos son mellores que os españois no que atinxe ao número de persoas rexistadas no desemprego.
A marcha de traballadoras e traballadores galegos cara a outros territorios do Estado español acelerouse nestes últimos anos, nunha dinámica que ten Madrid como principal chuchador desa man de obra. Dos que abandonaron o noso país en 2017 case 36% tiveron como destino a capital do Estado. Eis un extracto da reportaxe publicada ao respecto no número 327 de Sermos Galiza.
O machismo ten moitas facianas. A realidade indica que a violencia sobre as mulleres atinxe todos os eidos da vida, incluído o laboral, un ámbito sobre o que apenas hai estatísticas, mais no que as denuncias aumentaron máis dun 17% no último ano. Eis un extracto da reportaxe publicada ao respecto no número 323 de Sermos Galiza.
Convocada pola CGT, afecta oito trens de media distancia na liña Vigo-A Coruña, dous trens Avant A Coruña-Ourense e diversas conexións con Portugal e Madrid.
O comité de greve apraza as dúas xornadas de paros restantes convocadas para esta semana (24 e 25 de outubro). DE non haber avanzos na negociación, retomarían os paros de 24 horas o 30 e 31 deste mes
O naval galego está mellor que hai catro anos, cando a crise puxera na picota este sector estratéxico para a Ría de Vigo e o conxunto do país, mais non se pode dicir que o naval se recuperase. Afírmao César Rodríguez, responsábel deste sector na CIG de Vigo, que lamenta a “campaña de desinformación” da patronal para dar unha imaxe de ‘bonanza’ que non é tal e tras a cal podería haber outros intereses.
“Salarios de miseria, xornada extenuantes, discriminación e condicións abusivas en subcontratas de sectores como a construción é froito da permisividade das administracións públicas” denuncian ambas centrais.
Son horas roubadas. Ao traballador ou traballadora que as ten que facer e non se lle remuneran, á caixa común da Seguridade Social, ás persoas no paro ás que se lles furta emprego cubríndoo a base desas horas extra que non se pagan, á familia e amizades da persoa asalariada que ten que ‘meter’ estas horas roubando tempo ao descanso ou desfrute. Na Galiza fanse máis de 26.000 horas extra cada día.
O paro é motivado polos continuos atrasos e incumprimentos no pagamento dos salarios.
A dirección de Sargadelos anunciou esta sexta feira 49 despedimentos na súa fábrica de Cervo e ameazou con pechar a planta se non cesa o que o seu conselleiro delegado denomina “presión sindical”. O histórico grupo cerámico saíra en 2016 dun concurso de acredores que el mesmo solicitara dous anos antes.
As traballadoras e traballadores do 061 secundaron maioritariamente a folga no seu primeiro día. Protestan contra o traslado do seu centro de traballo de Compostela á Estrada sen que a Xunta atenda ás súas demandas de compensación.
