As relacións entre o cristianismo e a ciencia, a debate en Compostela
A libraría Couceiro acollerá esta cuarta feira en Compostela (19.15 horas) a apresentación do último libro do filósofo Ramón Varela Puñal, O cristianismo contra a ciência. No acto participará o doutor en Filosofía e Teoloxía Victorino Pérez Prieto.
"A perspectiva relixiosa desde Galiza é tolerante, aberta, antiautoritaria, coa presenza da muller..."
Victorino Pérez Prieto (Hospital de Órbigo, León, 1954) acaba de regresar de Colombia, onde traballou durante dous anos de docente e investigador nunha universidade de Bogotá. O seu contacto estreito coa sociedade colombiana levouno a colaborar en mesas de paz, na súa condición de experto en diálogo interrelixioso, e a traballar con persoas indíxenas e campesiñas. Autor de numerosas publicacións sobre filosofía e teoloxía, dirixe a súa ollada ao compromiso cristián con Galiza e á interculturalidade. Publicamos a entrevista no Sermos Galiza 234.