violencia machista

A violación é a forma máis caracterizada do que coñecemos como a “represión de xénero” ou a “represión sexuada”. Violábase nos cárceres, nos campos de concentración, nos centros da Falanxe, nas casas das vítimas e violábase calquera muller de compromiso ou práctica democrática.

A vítima, de 42 anos e natural de Villabona (Gipuzkoa), foi asasinada na localidade cacereña de Arroyo de la Luz, onde vivía coas súas fillas e o seu marido, presunto autor do crime. Con ela, son xa 36 as vítimas por violencia machista no que vai de ano no estado español.

Para a líder do BNG, é "inconcebíbel" que non haxa unha xuíza substituta para manter aberto o xulgado de violencia sobre as mulleres da Coruña durante o mes de agosto. Pontón participou esta quinta feira na campaña de recolla de asinaturas posta en marcha pola formación nacionalista contra o encerramento.

A Marcha Mundial das Mulleres convoca concentracións polo feminismo e en repulsa da violencia machista en diversas localidades galegas.

Matou a súa sogra, de 73 anos, e con posterioridade deuse á fuga coa súa filla pequena, de apenas 21 meses. O crime teríase perpetrado na madrugada desta segunda feira, no bairro coruñés de Monte Alto. O presunto autor do feminicidio acabou por ser detido pola Garda Civil no concello de Culleredo. O Concello da Coruña convoca unha concentración de repulsa do crime esta terza feira.

“Non está xustificado un recorte coma este, é facernos traballar en situacións de total precariedade”. Esta é a opinión de Pilar Fernández, fiscal especializada en violencia machista, sobre a falta de substituta ou substituto do xuíz titular desta sección nos xulgados da Coruña. A funcionaria responsabiliza a Xunta de falta de compromiso político na loita contra esta problemática estrutural.

“O machismo non colle vacacións”. Así de contundente se amosa a deputada do BNG Noa Presas, que na mañá da cuarta feira participou nunha concentración convocada pola forza nacionalista ao pé dos xulgados da Coruña para reclamar unha ou un xuíz substituto especialista en violencia machista.

A decisión do Ministerio de Xustiza de non substituír o xuíz titular de Violencia sobre a Muller do Xulgado da Coruña provocou nos últimos días a suspensión de até oito xuízos.

Denuncian o uso ‘descontextualizado’ dun extracto de ‘Santuario’, de William Faulkner. “É unha auténtica provocación empregar esta obra de Faulkner nun exercicio destas características”.

A Marcha Mundial das Mulleres convoca concentracións en distintos puntos do país esta quinta feira, 11 de maio, baixo o lema “O machismo mata!” polo asasinato de Javier, de 11 anos, a última vítima da violencia de xénero.

O pai está detido como presunto autor do asasinato do seu propio fillo en Oza-Cesuras. En 2008 fora condenado a non se achegar á súa ex-muller e en 2013 ela denunciouno por ameazas.

A CIG-Ensino e a AS-PG dedican as XIV Xornadas da Muller á prevención da violencia machista desde a educación. Terán lugar este sábado, 11 de marzo, no IES As Fontiñas, en Compostela.

Paz Filgueira é a xuíza titular do Xulgado de Violencia sobre a Muller de Vigo. Polo seu despacho pasaron no último ano máis de 1.250 mulleres, máis de tres ao día, e só no partido xudicial de Vigo (a propia cidade –que representa o 85% dos casos-, Nigrán, Baiona e Gondomar). Conversamos con ela sobre violencia machista no Sermos Galiza 236. Eis un extracto da entrevista.

O BNG apresenta unha batería de medidas urxentes para combater a vaga de novos feminicidios producida nos primeiros dous meses de 2017.

15 mulleres asasinadas no que vai de ano, 2 delas na Galiza. Máis que suficiente para despregar unha completa batería de medidas contra os feminicidios, afirma Ana Pontón, que realizou esta segunda feira unha conferencia de imprensa monográfica sobre o asunto. Denunciou que, en incumprimento da lei, a Xunta aínda non convocou as axudas do salario da liberdade.