O Diario Oficial da galiza publicou a resolución do 26 de xullo de 2024 pola que se recoñecen as persoas deportistas de alto nivel, alto rendemento, e rendemento deportivo de base, persoas adestradoras ou técnicas, persoas xuízas e árbitras recoñecidas de alto nivel, e relaciónanse as solicitudes desestimadas e a causa.
Actualmente, o número total de deportistas galegos e galegas recoñecidos ascende xa a 1.279, sendo 491 mulleres (38%) e 788 homes (62%).
Sobre79% de todos os recoñecidos son deportistas galegos de alto nivel (389 mulleres e 621 homes), superando por vez primeira o milleiro de recoñecidos con 1.010.
Ademais, hai 108 deportistas de rendemento deportivo de base (51 mulleres e 57 homes); 100 deportistas de alto rendemento (33 mulleres e 67 homes); 34 técnicos de alto nivel (catro mulleres e 30 homes); 17 árbitras e xuízas (nove mulleres e oito homes); e dez deportistas galegos de alto nivel vitalicios (cinco mulleres e cinco homes).
Entre estes últimos atópanse algúns dos mellores deportistas da galiza como Carlos Arévalo, Carlos Pérez 'Perucho', Teresa Portela e Cristian Toro (piragüismo), Támara Echegoyen, Nico Rodríguez e Sofía Toro (vela), Adi Iglesias (atletismo adaptado), Susana Rodríguez Gacio (paratriatlon) e Chano Rodríguez (natación adaptada).
Así mesmo, a Xunta destacou que entre todas as categorías están recoñecidos 43 deportistas galegos (14 mulleres e 29 homes) con diversidade funcional, o número máis alto da historia.
