Unha delegación da Asociación de Armadores do Cerco de Galiza (Acerga) mantivo esta segunda feira unha xuntanza de máis de tres horas coa conselleira do Mar, Rosa Quintana, e o secretario xeral de Pesca do Ministerio, Andrés Hermida. Os representantes do colectivo -que representa a 115 barcos- demandaron unha xestión conxunta das cotas de todos os cerqueiros galegos, un reparto liñal (por número de tripulantes) e non en base a un histórico de capturas que discrimina galzia fronte outros territorios; e un paro de dous meses.
Acerga quéixase de que a actual distribución de capturas prexudica, din, a 115 barcos e favorece a 30. O portavoz desta asociación, Andrés García, afirmou que Acerga vai establecer un tope de capturas de 6.000 quilogramos por día para os cerqueiros que fan parte dela.
Desde a Consellaría anunciaron que de inmediato procederán a convocar a Comisión do Cerco do Consello Galego de Pesca para analizar esta situación.