Aumenta o paro e aumenta, tamén, a destrución de empregos. O mes de xaneiro marchou de Galiza deixando 10.011 persoas máis anotadas nos servizos públicos de emprego a respeito do mes anterior, decembro, no que tamén se incrementara o desemprego. Xa son 281.077 @s parad@s rexistrad@s en Galiza. A suba do paro en Galiza foi do 3,7%, moi por riba da media do Estado español (2,4%).
Galiza foi o cuarto territorio do Estado onde máis aumentou o paro desde que comezou 2014
Este dato vai acompañado doutro tamén negativo: a perda de afiliación á Seguridade Social. En xaneiro, 13.249 afiliad@s menos. En 30 días, o noso país perdeu o 1,39% da filiación (total de inscrit@s na S.S. Son 901.377). Emigración, desempregad@s de longa duración 'expulsos' do circuíto de procura de traballo,... A nivel de Estado o paro tamén subiu en xaneiro: en máis de 113.000 persoas.
Confirmar a tendencia apuntada pola EPA
Os últimos dados da EPA, publicados hai uns días e correspondentes a 2013, foron desoladores para a Galiza, o terceiro territorio do Estado en destrución de emprego no último trimestre dese ano. Os sindicatos advirtían de que estabamos ante unha verdadeira ''desfeira'' con 278.000 desempregad@s e 93.000 fogares con todos os membros activos no paro.
O sector servizos acumula a maior parte d@s nov@s parad@s rexistrad@s: 8.157 dos 10.117
Unha tendencia que en xaneiro segue a dominar: máis parad@s e menos protección social.
Sectores
O paro aumentou en todos os sectores produtivos,nomeadamente en servizos, onde se concentran 8.157 d@s nov@s desempregad@s. Un dato procedente en boa medida da destrución do emprego temporal en hostalaría e comercio para a campaña de Nadal.
Dos 56.245 contratos asinados durante o mes de xaneiro máis do 91% foron temporais. Tan só 4.908 tiñan carácter indefinido.
