cachimán.- (Ademais de significados xa rexistrados) Algo ou alguén extremadamente grande.
Lugar de escoita.- Muxía.
Fonte.- Proxecto Buserana de Muxía.
enquinquiriñada/o.- Persoa que está encollida.
Exemplo.- “Que fas aí tan enquinquiriñada!” (Falando con alguén nunha postura dobrada sobre si mesma). “Estou toda enquinquiriñada!” (Persoa que se sente encollida pola idade).
Lugar de escoita.- Vigo.
Fonte.- Begoña Caldas Rodríguez.
esganeada/o.- Persoa moi delgada.
Exemplo.- “Esta muller está esganeada.”
Lugar de escoita.- Sabucedo (A Estrada).
Fonte.- Manuel Cabada Castro.
ghuniso.- Pequeno, cativo, esmirriado.
Lugar de escoita.- Muxía.
Fonte.- Proxecto Buserana de Muxía.
xerghón.- (Ademais do significado habitual) Mariñeiro cativo.
Lugar de escoita.- Muxía.
Fonte.- Proxecto Buserana de Muxía.
